ಇಂದಿನ ಕಾಲದಲ್ಲಿ ಬಿಳಿ ಕೂದಲು ಸಹಜವಾಗಿ ಬರುವ ಸಮಸ್ಯೆಯಾಗಿದ್ದು, ಅದನ್ನು ಮರೆಮಾಡಲು ಅಥವಾ ಫ್ಯಾಷನ್ ಉದ್ದೇಶದಿಂದ ಕೂದಲಿಗೆ ಬಣ್ಣ ಹಾಕುವವರ ಸಂಖ್ಯೆ ಹೆಚ್ಚುತ್ತಿದೆ. ಆದರೆ ತಜ್ಞರ ಅಭಿಪ್ರಾಯದಂತೆ ಬಣ್ಣ ಬಳಸುವಾಗ ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದು ಅತ್ಯಂತ ಅಗತ್ಯ. ಇಲ್ಲವಾದರೆ, ಆರೋಗ್ಯ ಮತ್ತು ಕೂದಲಿನ ಮೇಲೆ ದೀರ್ಘಕಾಲೀನ ಹಾನಿ ಉಂಟಾಗಬಹುದು.
ಮುನ್ನೆಚ್ಚರಿಕೆಗಳು ಮತ್ತು ಅಪಾಯಗಳು
ರಾಸಾಯನಿಕಗಳ ಅಪಾಯ – ಬಣ್ಣಗಳಲ್ಲಿ ಅಮೋನಿಯಾ, ಹೈಡ್ರೋಜನ್ ಪೆರಾಕ್ಸೈಡ್ ಮತ್ತು ಪಿಪಿಡಿ ಇರುವುದರಿಂದ ಚರ್ಮದ ತುರಿಕೆ, ಅಲರ್ಜಿ, ಉಸಿರಾಟದ ತೊಂದರೆ ಉಂಟಾಗಬಹುದು.
ಪ್ಯಾಚ್ ಟೆಸ್ಟ್ ಅಗತ್ಯ – ಬಣ್ಣ ಹಾಕುವ ಮೊದಲು ಕಿವಿಯ ಹಿಂಭಾಗದಲ್ಲಿ ಸ್ವಲ್ಪ ಹಚ್ಚಿ 48 ಗಂಟೆ ಗಮನಿಸುವುದು ಉತ್ತಮ. ಸಮಸ್ಯೆಯಿಲ್ಲದಿದ್ದರೆ ಮಾತ್ರ ಬಳಕೆ ಮುಂದುವರಿಸಬೇಕು.
ಹಳೆಯ ವಿಧಾನಗಳ ಮಹತ್ವ – ಹೆನ್ನಾ, ಭೃಂಗರಾಜ, ಎಳ್ಳೆಣ್ಣೆ ಮುಂತಾದ ನೈಸರ್ಗಿಕ ಪದಾರ್ಥಗಳು ಅಪಾಯರಹಿತ ಆಯ್ಕೆಗಳಾಗಿವೆ.
ಆರೈಕೆ ಕ್ರಮಗಳು – ಬಣ್ಣ ಹಾಕಿದ ನಂತರ ಬಿಸಿ ನೀರಿನಿಂದ ಸ್ನಾನ ಮಾಡಬಾರದು, ಕೂದಲು ಒಣಗಿಸಲು ಹೇರ್ ಡ್ರೈಯರ್ ಬಾಲಸಬಾರದು. ನಿಮ್ಮ ಕೂದಲನ್ನು ಸೂರ್ಯನ ಬೆಳಕಿನಿಂದ ರಕ್ಷಿಸಲು ಸ್ಕಾರ್ಫ್ಗಳು ಮತ್ತು ಟೋಪಿಗಳನ್ನು ಬಳಸಬೇಕು. ವಾರಕ್ಕೊಮ್ಮೆ ಎಣ್ಣೆಯಿಂದ ಹೇರ್ ಮಾಸ್ಕ್ ಹಚ್ಚುವುದು ಕೂದಲನ್ನು ಆರೋಗ್ಯಕರವಾಗಿರಿಸುತ್ತದೆ.
ಮಿತವಾಗಿ ಬಳಕೆ – ಅಗತ್ಯವಿಲ್ಲದಿದ್ದರೆ ನಿರಂತರವಾಗಿ ಬಣ್ಣ ಹಾಕಬಾರದು. ಇದು ಕೂದಲಿನ ಪೋಷಣೆ ಕಡಿಮೆ ಮಾಡಿ, ಉದುರುವಿಕೆ ಮತ್ತು ಒಡೆಯುವಿಕೆಗೆ ಕಾರಣವಾಗಬಹುದು.
ಕೂದಲಿಗೆ ಬಣ್ಣ ಹಾಕುವುದು ಫ್ಯಾಷನ್ ಆಗಿರಬಹುದು, ಆದರೆ ಆರೋಗ್ಯಕ್ಕೆ ಹಾನಿ ಉಂಟುಮಾಡದಂತೆ ಎಚ್ಚರಿಕೆ ವಹಿಸುವುದು ಮುಖ್ಯ. ಸಾಧ್ಯವಾದರೆ ನೈಸರ್ಗಿಕ ವಿಧಾನಗಳನ್ನು ಆರಿಸಿಕೊಂಡರೆ, ದೀರ್ಘಕಾಲ ಆರೋಗ್ಯಕರ ಕೂದಲು ಹೊಂದಲು ಸಾಧ್ಯ.
