ನಾವೆಲ್ಲರೂ ಪ್ರತಿ ಸಾರಿ ಬರ್ಗರ್ ಜೊತೆಗೆ ಅಥವಾ ಸಿನೆಮಾ ನೋಡ್ತಾ ಕೈಗೆತ್ತಿಕೊಳ್ಳೋದು ‘ಫ್ರೆಂಚ್ ಫ್ರೈಸ್’. ಆದರೆ ಒಂದು ಪ್ರಶ್ನೆ ಬಹಳ ಕುತೂಹಲಕಾರಿಯಾಗಿದೆ. ಪೋಟೇಟೋಗಳನ್ನು ಉದ್ದವಾಗಿ ಕತ್ತರಿಸಿ ಎಣ್ಣೆಯಲ್ಲಿ ಫ್ರೈ ಮಾಡಿದ್ರೆ ಅದನ್ನು ಏಕೆ French Fries ಅಂತ ಕರೀತಾರೆ? ಈ ಹೆಸರಿನ ಹಿಂದೆ ಕೇವಲ ಅಡುಗೆ ಶೈಲಿ ಮಾತ್ರವಲ್ಲ, ಇತಿಹಾಸದ ಒಂದು ಇಂಟ್ರೆಸ್ಟಿಂಗ್ ಸಂಗತಿಯೂ ಇದೆ.
ಫ್ರೆಂಚ್ ಫ್ರೈಸ್ ಹುಟ್ಟಿದ್ದು ಬೆಲ್ಜಿಯಂನಲ್ಲಿ ಎಂದು ಹೇಳಲಾಗುತ್ತದೆ. 17ನೇ ಶತಮಾನದ ವೇಳೆಗೆ ಬೆಲ್ಜಿಯಂನ ಜನರು ನದಿಯಿಂದ ಮೀನು ಹಿಡಿದು ಹುರಿದು ತಿನ್ನುತ್ತಿದ್ದರು. ಚಳಿಗಾಲದಲ್ಲಿ ನದಿಗಳು ಹಿಮಗೊಂಡು ಮೀನು ಸಿಗದಿದ್ದಾಗ, ಅವರು ಪೋಟೇಟೋಗಳನ್ನು ಉದ್ದವಾಗಿ ಕತ್ತರಿಸಿ ಮೀನಿನಂತೆಯೇ ಹುರಿಯುತ್ತಿದ್ದರು. ಈ ಅಡುಗೆ ಶೈಲಿ ನಿಧಾನವಾಗಿ ಯುರೋಪಿನ ಇತರ ಭಾಗಗಳಿಗೂ ಹರಡಿತು.
ಮೊದಲ ವಿಶ್ವಯುದ್ಧದ ಸಮಯದಲ್ಲಿ ಬೆಲ್ಜಿಯಂನಲ್ಲಿ ಸೇವೆ ಸಲ್ಲಿಸುತ್ತಿದ್ದ ಅಮೇರಿಕನ್ ಸೈನಿಕರು ಈ ಪೊಟೇಟೊ ಹುರಿಯುವ ಪದ್ಧತಿಯನ್ನು ಕಂಡು “French Fries” ಎಂದು ಕರೆಯಲು ಪ್ರಾರಂಭಿಸಿದರು. ಕಾರಣ ಅಲ್ಲಿ ಮಾತನಾಡುತ್ತಿದ್ದ ಭಾಷೆ ಫ್ರೆಂಚ್ ಆಗಿದ್ದರಿಂದ, ಅವರು ಅದನ್ನು “ಫ್ರೆಂಚ್ ಶೈಲಿಯ ಹುರಿದ ಪೊಟೇಟೊ” ಎಂದು ತಪ್ಪಾಗಿ ಅರ್ಥಮಾಡಿಕೊಂಡರು.
ಇದಾದ ನಂತರ ಅಮೆರಿಕಾದಲ್ಲಿ ಫ್ರೆಂಚ್ ಫ್ರೈಸ್ ದೊಡ್ಡ ಪ್ರಮಾಣದಲ್ಲಿ ಜನಪ್ರಿಯವಾಯಿತು. ಬರ್ಗರ್, ಸ್ಯಾಂಡ್ವಿಚ್, ಪಿಜ್ಜಾ ಎಲ್ಲದರ ಜೊತೆ ಇದು ಅಗತ್ಯವಾಗಿಬಿಟ್ಟಿತು. ಇಂದು ಫಾಸ್ಟ್ ಫುಡ್ ಪ್ರಪಂಚದಲ್ಲಿ ಫ್ರೆಂಚ್ ಫ್ರೈಸ್ ಎಂದರೆ ರುಚಿಯ ಪ್ರತೀಕ.
ಹೀಗಾಗಿ, ಪೊಟೇಟೊಗಳನ್ನು ಉದ್ದವಾಗಿ ಕತ್ತರಿಸಿದ್ರು ಮಾತ್ರವಲ್ಲ, ಅದರ ಹಿಂದೆ ಇರುವ ಇತಿಹಾಸವೇ ಅದಕ್ಕೆ “French Fries” ಎಂಬ ಹೆಸರು ತಂದದ್ದು ಎನ್ನಬಹುದು!(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ.)
