ನಮ್ಮ ಸುತ್ತಮುತ್ತಲಿನ ಜನರು ನಮ್ಮನ್ನು ನೋಡಿ ಮೆಚ್ಚಬೇಕು, ಗೌರವಿಸಬೇಕು ಅನ್ನೋ ಆಸೆ ಎಲ್ಲರಿಗು ಇರುತ್ತೆ. ಆದರೆ ಎಲ್ಲರೂ ನಮ್ಮನ್ನು ಇಷ್ಟಪಡುವಂತೆ ಮಾಡುವುದು ಸುಲಭವಲ್ಲ. ಅದಕ್ಕಾಗಿ ವ್ಯಕ್ತಿತ್ವದಲ್ಲಿ ಕೆಲವು ಆಕರ್ಷಕ ಗುಣಗಳನ್ನು ಬೆಳೆಸಿಕೊಳ್ಳಬೇಕು. ಈ ಗುಣಗಳು ಇದ್ದರೆ ಜನ ನಿಮ್ಮತ್ತ ಆಯಸ್ಕಾಂತದಂತೆ ಆಕರ್ಷಿತರಾಗುತ್ತಾರೆ ಮತ್ತು ನಿಮ್ಮ ಸಾನ್ನಿಧ್ಯದಲ್ಲಿ ತಮಗೆ ಶಾಂತಿ, ನಂಬಿಕೆ ಉಂಟಾಗುತ್ತದೆ.
- ಕೊಟ್ಟ ಮಾತನ್ನು ಉಳಿಸಿಕೊಳ್ಳಿ: ಯಾರಾದರೂ ಸಹಾಯ ಕೇಳಿದಾಗ ಅಥವಾ ಭರವಸೆ ನೀಡಿದಾಗ ಅದನ್ನು ಪೂರ್ಣಗೊಳಿಸುವುದು ಅತ್ಯಂತ ಮುಖ್ಯ. ಮಾತಿನ ಬೆಲೆ ಕಾಪಾಡುವವರು ಸದಾ ಗೌರವ ಪಡೆಯುತ್ತಾರೆ.
- ತಪ್ಪುಗಳನ್ನು ಒಪ್ಪಿಕೊಳ್ಳಿ: ತಪ್ಪು ಮಾಡದವರು ಯಾರೂ ಇಲ್ಲ. ಆದರೆ ತಪ್ಪನ್ನು ಒಪ್ಪಿಕೊಳ್ಳುವವರು ವಿರಳ. ನಿಮ್ಮ ತಪ್ಪಿಗೆ ನೀವೇ ಜವಾಬ್ದಾರರಾಗಿದ್ದರೆ, ಅದು ನಿಮ್ಮ ನೈತಿಕ ಬಲವನ್ನು ತೋರಿಸುತ್ತದೆ.
- ಬೆಂಬಲ ನೀಡುವ ಗುಣ ಬೆಳೆಸಿಕೊಳ್ಳಿ: ಸ್ನೇಹಿತರು ಅಥವಾ ಸಹೋದ್ಯೋಗಿಗಳಿಗೆ ಅಗತ್ಯವಾದಾಗ ಮಾನಸಿಕ ಬೆಂಬಲ ನೀಡುವುದು ದೊಡ್ಡ ಗುಣ. ಇತರರ ಯಶಸ್ಸಿನಲ್ಲಿ ಹರ್ಷಪಡುವ ಹಾಗೂ ತಪ್ಪುಗಳಾಗಿದಾಗ ಸಹಾಯ ಮಾಡುವ ಗುಣದಿಂದ ಜನರು ನಿಮ್ಮತ್ತ ಆಕರ್ಷಿತರಾಗುತ್ತಾರೆ.
- ಜನರೊಂದಿಗೆ ಸಂಪರ್ಕದಲ್ಲಿರಿ: ಜನರ ಜೀವನದ ಸಣ್ಣ ವಿಷಯಗಳ ಬಗ್ಗೆ ವಿಚಾರಿಸುವುದು, ಅವರ ಸುಖದುಃಖ ಹಂಚಿಕೊಳ್ಳುವುದು ಸ್ನೇಹದ ಬಂಧವನ್ನು ಗಟ್ಟಿಗೊಳಿಸುತ್ತದೆ. ಇದು ನಿಮ್ಮನ್ನು ಹತ್ತಿರದವರಂತೆ ಭಾಸವಾಗಿಸುತ್ತದೆ.
- ಅಹಂಕಾರ ಬಿಡಿ: ಅಹಂಕಾರವಿಲ್ಲದೆ ವಿನಯದಿಂದ ವರ್ತಿಸಿದರೆ ಎಲ್ಲರೂ ನಿಮ್ಮನ್ನು ಇಷ್ಟಪಡುತ್ತಾರೆ. “ನಾನೇ ಶ್ರೇಷ್ಠ” ಎಂಬ ಭಾವದಿಂದ ದೂರವಿದ್ದು, ಎಲ್ಲರಿಗೂ ಗೌರವ ನೀಡುವುದು ಅತ್ಯಂತ ಆಕರ್ಷಕ ಗುಣವಾಗಿದೆ.
