ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ನಾಳೆಯಿಂದ ಯುಪಿಐ ಪೇಮೆಂಟ್ ಸರ್ವಿಸ್ನಲ್ಲಿ ಮಹತ್ವದ ಬದಲಾವಣೆ ಆಗುತ್ತಿದೆ. ಟ್ರಾನ್ಸಾಕ್ಷನ್ನ ವೆರಿಫಿಕೇಶನ್ ಪ್ರಕ್ರಿಯೆಯಲ್ಲಿ ಬದಲಾವಣೆ ತರಲು ಆರ್ಬಿಐ ಹೊಸ ಮಾರ್ಗಸೂಚಿ ಹೊರಡಿಸಿದೆ. ಅಕ್ಟೋಬರ್ 8ರಿಂದ ಪಿನ್ ನಂಬರ್ ಜೊತೆಗೆ ಬಯೋಮೆಟ್ರಿಕ್ ವೆರಿಫಿಕೇಶನ್ ಆಯ್ಕೆಯೂ ಇರಲಿದೆ.
ಇದೀಗ ಯುಪಿಐ ಮೂಲಕ ಹಣ ಪಾವತಿ ಮಾಡುವಾಗ ಪಿನ್ ನಂಬರ್ ನಮೂದಿಸುವುದು ಕಿರಿಕಿರಿ ಎನಿಸುತ್ತಿದ್ದವರಿಗೆ ನಾಳೆಯಿಂದ ನಿರಾಳರಾಗಬಹುದು.
ಸದ್ಯ ಯುಪಿಐ ಬಳಕೆದಾರರು ಯುಪಿಐ ಲೈಟ್ ಮೂಲಕ ಹಣ ಪಾವತಿಸಿದರೆ ಯಾವುದೇ ಪಿನ್ ನಮೂದಿಸಬೇಕಿಲ್ಲ. ಉಳಿದ ಪೇಮೆಂಟ್ಗೆ ಪಿನ್ ನಂಬರ್ ಮೂಲಕ ದೃಢೀಕರಣ ಮಾಡುವ ಅವಶ್ಯಕತೆ ಇದೆ. ಇನ್ಮುಂದೆ, ಬಯೋಮೆಟ್ರಿಕ್ ವಿಧಾನಗಳಾದ ಮುಖ ಚಹರೆ ಮತ್ತು ಫಿಂಗರ್ ಪ್ರಿಂಟ್ ಮೂಲಕ ಟ್ರಾನ್ಸಾಕ್ಷನ್ ಅನ್ನು ದೃಢೀಕರಿಸಬಹುದು ಎಂದು ವರದಿಯಾಗಿದೆ.
ಯುಪಿಐನಲ್ಲಿ ಬಯೋಮೆಟ್ರಿಕ್ ಅಥೆಂಟಿಕೇಶನ್ಗೆ ಆಧಾರ್ ಸಿಸ್ಟಂ ಆಧಾರವಾಗಿರುತ್ತದೆ. ಬಳಕೆದಾರರು ಯುಪಿಐಗೆ ತಮ್ಮ ಆಧಾರ್ ಅನ್ನು ಲಿಂಕ್ ಮಾಡಿರಬೇಕಾಗಬಹುದು. ಬಳಕೆದಾರರ ಮುಖ ಚಹರೆ ಹಾಗೂ ಫಿಂಗರ್ ಪ್ರಿಂಟ್ಗಳು ಆಧಾರ್ ಫ್ರೇಮ್ವರ್ಕ್ನಲ್ಲಿ ಸಂಗ್ರಹವಾಗಿರುತ್ತವೆ.
