ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತ- ಆಸ್ಟ್ರೇಲಿಯಾ ನಡುವಿನ ನಾಲ್ಕನೇ ಆವೃತ್ತಿಯ ಜಂಟಿ ಸಮರಾಭ್ಯಾಸ ಆಸ್ಟ್ರಾಹಿಂದ್- 2025 ಪರ್ತ್ ನಲ್ಲಿ ನಾಳೆ ಆರಂಭವಾಗಲಿದೆ.
ಇದರಲ್ಲಿ ಪಾಲ್ಗೊಳ್ಳಲು 120 ಸಿಬ್ಬಂದಿಯ ಭಾರತೀಯ ಸೇನಾ ತಂಡ ಭಾರತದಿಂದ ತೆರಳಿದ್ದು, ಸಮರಾಭ್ಯಾಸ ಈ ತಿಂಗಳ 26ಕ್ಕೆ ಕೊನೆಗೊಳ್ಳಲಿದೆ. ಭಾರತೀಯ ಸೇನಾ ತಂಡದ ಮುಂದಾಳತ್ವವನ್ನು ಗೂರ್ಖಾ ರೈಫಲ್ಸ್ ಬೆಟಾಲಿಯನ್ ವಹಿಸಿದೆ. ಸೇವಾ ಸಹಕಾರ ವೃದ್ಧಿ, ಕಾರ್ಯಾಚರಣೆ ಸುಧಾರಣೆ, ಸಮರಾಭ್ಯಾಸದಲ್ಲಿ ಪಾಲ್ಗೊಳ್ಳುವ ಸೇನೆಗಳಿಗೆ ವೇದಿಕೆ ಒದಗಿಸಿಕೊಡುವುದು ಸಮರಾಭ್ಯಾಸದ ಉದ್ದೇಶವಾಗಿದೆ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.
