ಕಾಡಿನೊಳಗೆ ಶಾಂತವಾಗಿ ಓಡಾಡುವ ಕಪ್ಪು–ಬಿಳಿ ಗೆರೆಗಳ ಜೀಬ್ರಾ ಕೇವಲ ಸುಂದರ ಪ್ರಾಣಿ ಮಾತ್ರವಲ್ಲ, ಪ್ರಕೃತಿಯ ಸಮತೋಲನದ ಪ್ರತೀಕವೂ ಹೌದು. ಜೀಬ್ರಾಗಳ ಸಂರಕ್ಷಣೆಯ ಮಹತ್ವವನ್ನು ಜಗತ್ತಿಗೆ ನೆನಪಿಸಲು ಪ್ರತಿವರ್ಷ ಜನವರಿ 31 ರಂದು ಅಂತಾರಾಷ್ಟ್ರೀಯ ಜೀಬ್ರಾ ದಿನ ಆಚರಿಸಲಾಗುತ್ತದೆ. ಈ ದಿನವು ಜೀಬ್ರಾಗಳ ಜೀವನ, ಅವು ಎದುರಿಸುತ್ತಿರುವ ಅಪಾಯಗಳು ಮತ್ತು ಸಂರಕ್ಷಣೆಯ ಅಗತ್ಯತೆಯ ಕುರಿತು ಜಾಗೃತಿ ಮೂಡಿಸುವ ಉದ್ದೇಶ ಹೊಂದಿದೆ.
ಅಂತಾರಾಷ್ಟ್ರೀಯ ಜೀಬ್ರಾ ದಿನದ ಇತಿಹಾಸ
ಅಂತಾರಾಷ್ಟ್ರೀಯ ಜೀಬ್ರಾ ದಿನವನ್ನು ಪ್ರತಿ ವರ್ಷ ಜನವರಿ 31ರಂದು ಆಚರಿಸಲಾಗುತ್ತದೆ. ಜೀಬ್ರಾಗಳ ಸಂಖ್ಯೆ ದಿನೇದಿನೇ ಕಡಿಮೆಯಾಗುತ್ತಿರುವ ಹಿನ್ನೆಲೆ ಈ ದಿನವನ್ನು ಪ್ರಾರಂಭಿಸಲಾಯಿತು. ಮಾನವ ಚಟುವಟಿಕೆಗಳು, ಅರಣ್ಯ ನಾಶ ಮತ್ತು ಅಕ್ರಮ ಬೇಟೆ ಜೀಬ್ರಾಗಳ ಅಸ್ತಿತ್ವಕ್ಕೆ ದೊಡ್ಡ ಸವಾಲಾಗಿ ಪರಿಣಮಿಸಿರುವುದರಿಂದ, ಅವುಗಳ ರಕ್ಷಣೆಗೆ ಜಾಗತಿಕ ಗಮನ ಸೆಳೆಯುವ ಉದ್ದೇಶ ಇದಾಗಿದೆ.
ಇದನ್ನೂ ಓದಿ:
ಜೀಬ್ರಾಗಳು ಪರಿಸರ ವ್ಯವಸ್ಥೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಅವು ಹುಲ್ಲುಮೇಯುವ ಮೂಲಕ ಪರಿಸರದ ಸಮತೋಲನವನ್ನು ಕಾಪಾಡುತ್ತವೆ. ಜೀಬ್ರಾಗಳ ಅಸ್ತಿತ್ವ ಉಳಿದರೆ ಮಾತ್ರ ಅರಣ್ಯ ಜೀವ ವೈವಿಧ್ಯತೆ ಸುರಕ್ಷಿತವಾಗಿರುತ್ತದೆ.
ಅಂತಾರಾಷ್ಟ್ರೀಯ ಜೀಬ್ರಾ ದಿನದ ಮಹತ್ವ
ಈ ದಿನ ಜನರಲ್ಲಿ ಜೀಬ್ರಾಗಳ ಕುರಿತು ಜಾಗೃತಿ ಮೂಡಿಸಿ, ಸಂರಕ್ಷಣಾ ಚಟುವಟಿಕೆಗಳಿಗೆ ಬೆಂಬಲ ನೀಡಲು ಪ್ರೇರಣೆ ನೀಡುತ್ತದೆ. ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರಲ್ಲೂ ಪ್ರಕೃತಿಯ ಮೇಲಿನ ಜವಾಬ್ದಾರಿಯನ್ನು ಬೆಳೆಸುವ ಸಂದೇಶವನ್ನೂ ಈ ದಿನ ಸಾರುತ್ತದೆ.
