ಪ್ರತಿಯೊಬ್ಬರೂ ಪ್ರಕೃತಿಯಿಂದ ಬಂದ ಸೌಂದರ್ಯ ಸಾಧನಗಳನ್ನು ಹುಡುಕುತ್ತಿರುತ್ತಾರೆ. ಅಂಥವರಿಗೆ ರಕ್ತ ಚಂದನ ಒಂದು ವರದಾನ ಎಂದರೂ ತಪ್ಪಾಗಲಾರದು. ಆಯುರ್ವೇದದಲ್ಲಿ ಬಹಳ ಕಾಲದಿಂದಲೂ ಮುಖದ ಚರ್ಮ ತಾಜಾತನ, ಕಾಂತಿ ಹೆಚ್ಚಿಸಲು, ರಕ್ತದ ಹರಿವು ನಿಯಂತ್ರಿಸಲು ರಕ್ತ ಚಂದನ ಬಳಸಲಾಗುತ್ತಿತ್ತು.
ರಕ್ತ ಚಂದನದಲ್ಲಿ ನೈಸರ್ಗಿಕ ಆಂಟಿಆಕ್ಸಿಡೆಂಟ್ ಹಾಗೂ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳಿವೆ. ಇದನ್ನು ಮುಖಕ್ಕೆ ಹಚ್ಚುವುದರಿಂದ ಚರ್ಮವು ತಾಜಾತನ, ಕಾಂತಿ ಪಡೆಯುತ್ತದೆ.
ಬಳಸೋದು ಹೇಗೆ?:
ರಕ್ತ ಚಂದನದ ಪುಡಿ, ಹಾಲು, ರೋಸ್ ವಾಟರ್ ಜೊತೆ ಬೆರೆಸಿ ಮುಖಕ್ಕೆ ಹಚ್ಚಬೇಕು. ಸುಮಾರು 15–20 ನಿಮಿಷ ಬಳಿಕ ತಣ್ಣನೆಯ ನೀರಿನಲ್ಲಿ ತೊಳೆದರೆ ತ್ವಚೆ ಹೊಳೆಯುತ್ತದೆ. ಹೆಚ್ಚಿನ ಫಲಿತಾಂಶಕ್ಕಾಗಿ, ಪ್ರತಿ ಬಳಕೆಯ ನಂತರ ಮಾಯಿಶ್ಚರೈಜರ್ ಹಚ್ಚಿ. ಈ ಫೇಸ್ ಪ್ಯಾಕ್ ಅನ್ನು ವಾರಕ್ಕೆ 2-3 ಬಾರಿ ಬಳಸಬಹುದು.
ರಕ್ತ ಚಂದನ ಫೇಸ್ ಪ್ಯಾಕ್‌ನ ಉಪಯೋಗ
- ಚರ್ಮದ ಬಣ್ಣವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.
- ಮೊಡವೆಗಳು ಮತ್ತು ಕಪ್ಪು ಕಲೆಗಳನ್ನು ಕಡಿಮೆ ಮಾಡುತ್ತದೆ.
- ಚರ್ಮದ ಸನ್‌ ಟ್ಯಾನ್ ತೆಗೆದುಹಾಕಲು ಸಹಕಾರಿ.
- ಚರ್ಮದ ತೈಲವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.
- ಚರ್ಮವನ್ನು ತಂಪಾಗಿಸಿ, ಸೋಂಕು ಮತ್ತು ಉರಿಯೂತವನ್ನು ಕಡಿಮೆ ಮಾಡುತ್ತದೆ.
ಪ್ರತಿ ಚರ್ಮ ಪ್ರಕಾರಕ್ಕೂ ಸರಿಯಾದ ಪ್ರಮಾಣದಲ್ಲಿ ಹಚ್ಚುವುದು ಮುಖ್ಯ. ನೈಸರ್ಗಿಕ ಚಂದನವನ್ನು ನಿಯಮಿತವಾಗಿ ಬಳಸಿದರೆ, ಮುಖದ ಪ್ರಾಕೃತಿಕ ಕಾಂತಿಯನ್ನು ಹೆಚ್ಚಿಸಬಹುದು.
