ಮಳೆಗಾಲದಲ್ಲಿ ಹಾವುಗಳು ಅತ್ಯಂತ ಸಕ್ರಿಯವಾಗಿರುತ್ತವೆ. ಕಾಡುಗಳು, ದಟ್ಟವಾದ ಪೊದೆಗಳು, ಮರಗಳ ಹತ್ತಿರ ಮಾತ್ರವಲ್ಲ, ಮನೆಗಳಲ್ಲಿಯೂ ಹಾವು ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚಾಗುತ್ತದೆ. ವಿಶೇಷವಾಗಿ ಅಡುಗೆಮನೆಯಲ್ಲಿರುವ ಕೆಲವು ವಸ್ತುಗಳು ಹಾವುಗಳನ್ನು ಬೇಗ ಆಕರ್ಷಿಸುತ್ತವೆ ಎಂಬುದನ್ನು ಆರೋಗ್ಯ ಹಾಗೂ ಸುರಕ್ಷತಾ ತಜ್ಞರು ಎಚ್ಚರಿಸಿದ್ದಾರೆ.
ಮೊಟ್ಟೆ, ಕೋಳಿ ಮತ್ತು ಮೀನುಗಳ ವಾಸನೆ
ಅಡುಗೆಮನೆಯಲ್ಲಿ ಮೊಟ್ಟೆ, ಕೋಳಿ ಅಥವಾ ಮೀನು ಇಡುವವರ ಮನೆಗಳಿಗೆ ಹಾವುಗಳು ಸುಲಭವಾಗಿ ಆಕರ್ಷಿತವಾಗುತ್ತವೆ. ಇವುಗಳಿಂದ ಹೊರಬರುವ ವಾಸನೆಯು ಹಾವುಗಳನ್ನು ದೂರದಲ್ಲಿದ್ದರೂ ಸೆಳೆಯುತ್ತದೆ. ಆದ್ದರಿಂದ ಇಂತಹ ಆಹಾರ ಪದಾರ್ಥಗಳನ್ನು ಅಡುಗೆಮನೆಯಲ್ಲಿ ಇರಿಸುವುದು ತಪ್ಪು.
ದ್ವಿದಳ ಧಾನ್ಯ ಮತ್ತು ಅಕ್ಕಿ ಚೀಲಗಳು
ಬೇಳೆ, ಅಕ್ಕಿ ಇತ್ಯಾದಿ ಧಾನ್ಯಗಳನ್ನು ಸರಿಯಾಗಿ ಮುಚ್ಚದೆ ಇಟ್ಟರೆ ಇಲಿಗಳು ಸೆಳೆಯಲ್ಪಡುತ್ತವೆ. ಇಲಿಗಳು ಹಾವುಗಳ ನೆಚ್ಚಿನ ಆಹಾರವಾಗಿರುವುದರಿಂದ, ಅವುಗಳ ಬೇಟೆಗಾಗಿ ಹಾವುಗಳು ಮನೆಗೆ ಪ್ರವೇಶಿಸುತ್ತವೆ. ಧಾನ್ಯಗಳನ್ನು ಗಾಳಿಯೂ ತಟ್ಟದಂತೆ ಬಿಗಿಯಾಗಿ ದಾಸ್ತಾನು ಮಾಡುವುದು ಅತ್ಯಗತ್ಯ.
ಗೋಡೆ ಸೋರಿಕೆ ಮತ್ತು ಬಿರುಕುಗಳು
ಮಳೆಗಾಲದಲ್ಲಿ ಗೋಡೆಗಳಲ್ಲಿ ನೀರು ಸೋರಿಕೆ ಅಥವಾ ಬಿರುಕು ಇದ್ದರೆ ಹಾವುಗಳು ಅಲ್ಲಿ ಸುಲಭವಾಗಿ ತಂಗುತ್ತವೆ. ಹೀಗಾಗಿ ಮೊದಲು ಮನೆ ದುರಸ್ತಿ ಮಾಡುವುದು ಅಗತ್ಯ.
ಮನೆಯ ಸುತ್ತಲಿನ ಸ್ವಚ್ಛತೆ
ಮನೆಯ ಸುತ್ತಮುತ್ತ ಕಳೆ, ಕಸ, ಪೊದೆಗಳು ಇದ್ದರೆ ಹಾವುಗಳು ಅಡಗಿಕೊಳ್ಳಲು ಸುಲಭವಾಗುತ್ತದೆ. ಹೀಗಾಗಿ ಅವುಗಳನ್ನು ನಿಯಮಿತವಾಗಿ ತೆಗೆಯುವುದು ಮತ್ತು ಪರಿಸರವನ್ನು ಸ್ವಚ್ಛವಾಗಿಡುವುದು ಹಾವು ಪ್ರವೇಶ ತಡೆಯಲು ಸಹಕಾರಿ.
