ಹೊಸದಿಗಂತ ಡಿಜಿಟಲ್ ಡೆಸ್ಕ್:
ವರುಣನ ಅನುಗ್ರಹದಿಂದ ಈ ವರ್ಷ ಮಂಡ್ಯ ಜಿಲ್ಲೆಯ ಜೀವನಾಡಿಯಾದ ಕೆಆರ್ಎಸ್ ಅಣೆಕಟ್ಟೆ ವಿಶಿಷ್ಟ ಮೈಲಿಗಲ್ಲುಗಳನ್ನು ಮುಟ್ಟುತ್ತಿದೆ. ಜೂನ್ನಲ್ಲೇ ಕನ್ನಂಬಾಡಿ ಕಟ್ಟೆ ತುಂಬಿಕೊಂಡು ದಾಖಲೆ ಬರೆದಿದ್ದ ಅಣೆಕಟ್ಟೆ, ಇದೀಗ ಮತ್ತೊಂದು ಅತ್ಯಮೋಘ ಸಾಧನೆಯೊಂದಿಗೆ ರಾಜ್ಯದ ಗಮನ ಸೆಳೆದಿದೆ.
ಕೆಆರ್ಎಸ್ ಅಣೆಕಟ್ಟೆ 124.80 ಅಡಿ ಗರಿಷ್ಠ ನೀರಿನ ಮಟ್ಟವನ್ನು ನಿರಂತರವಾಗಿ 150 ದಿನಗಳ ಕಾಲ ಕಾಯ್ದಿರಿಸಿದೆ. ಹಳೆ ಮೈಸೂರು ಭಾಗದಲ್ಲಿ ವಿರಳವಾಗಿ ಕಾಣುವಷ್ಟು ಸಮೃದ್ಧ ಮಳೆ ಸುರಿದಿರುವುದರಿಂದ ಅಣೆಕಟ್ಟಿನ ನೀರಿನ ಸಂಗ್ರಹಣೆಯು ಇತಿಹಾಸದಲ್ಲೇ ಅತ್ಯಂತ ದೀರ್ಘಾವಧಿ ಗರಿಷ್ಠ ಮಟ್ಟದಲ್ಲಿ ಉಳಿದಿರುವುದು ಇದು ಮೊದಲಬಾರಿ.
ಈ ಸ್ಥಿತಿ ಕೃಷಿ, ಕುಡಿಯುವ ನೀರಿನ ಅಗತ್ಯ ಮತ್ತು ಕೈಗಾರಿಕಾ ಬಳಕೆಗೆ ದೊಡ್ಡ ಶಾಂತಿ ತಂದಿದ್ದರೂ, ಅಣೆಕಟ್ಟಿನ ನಿರ್ವಹಣಾ ತಂಡಕ್ಕೆ ಹೆಚ್ಚುವರಿ ಜವಾಬ್ದಾರಿಯನ್ನೂ ತಂದಿದೆ. ಕೆಆರ್ಎಸ್ ನಿರಂತರ ಗರಿಷ್ಠ ಮಟ್ಟವನ್ನು ಕಾಯ್ದುಕೊಂಡಿರುವುದು ಈ ವರ್ಷ ಮಳೆಯ ಪ್ರಮಾಣವೂ, ನದಿಗಳ ಹೊಳೆಯ ಪ್ರವಾಹವೂ ಅಣಕಟ್ಟಿನ ಸಾಮರ್ಥ್ಯವನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದೇವೆಂಬುದನ್ನು ತೋರಿಸುತ್ತದೆ.
