ಒಬ್ಬೊಬ್ಬರ ಜೀವನವೂ ಒಂದು ಪ್ರಯಾಣ. ಕೆಲವರು ಗುರಿಯನ್ನು ತಲುಪಿ ಮುನ್ನಡೆಯುತ್ತಾರೆ, ಇನ್ನೂ ಕೆಲವರು ಅಡ್ಡ ದಾರಿಯಲ್ಲಿ ತಲೆಕೆಡಿಸಿಕೊಂಡು ನಿಲ್ಲುತ್ತಾರೆ. ಯಶಸ್ಸು ಎನ್ನುವುದು ಅದೃಷ್ಟವಲ್ಲ, ಅದು ದಿನನಿತ್ಯದ ಚಿಕ್ಕ ಚಿಕ್ಕ ಅಭ್ಯಾಸಗಳ ಒಟ್ಟುಗೂಡಿಕೆಯ ಫಲ. ಮನಸ್ಸಿನಲ್ಲಿ ಸಾಧಿಸುವ ಆಸೆ ಇದ್ದರೂ ಸರಿಯಾದ ದಿಕ್ಕಿನಲ್ಲಿ ನಡೆಯದಿದ್ದರೆ ಗುರಿಯವರೆಗೆ ತಲುಪಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಪ್ರತಿದಿನ ಪಾಲಿಸಬಹುದಾದ ಕೆಲವು ಸರಳ ನಿಯಮಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡರೆ, ನಿಮಗೂ ಯಶಸ್ಸು ದೂರವಿಲ್ಲ.
- ಕುತೂಹಲವನ್ನು ಬೆಳೆಸಿಕೊಳ್ಳಿ: ಹೊಸ ವಿಷಯಗಳನ್ನು ತಿಳಿಯಬೇಕೆಂಬ ಆಸಕ್ತಿ ನಿಮ್ಮನ್ನು ಸದಾ ಕಲಿಕೆಯ ಹಾದಿಯಲ್ಲಿ ಇಡುತ್ತದೆ. ಪ್ರಶ್ನೆ ಕೇಳುವ ಮನಸ್ಸು, ಹೊಸ ಅನುಭವಗಳ ಕಡೆ ಆಸಕ್ತಿ ನಿಮ್ಮ ಜ್ಞಾನವನ್ನು ಹೆಚ್ಚಿಸುತ್ತದೆ.
- ದೈಹಿಕ ಆರೋಗ್ಯಕ್ಕೆ ಆದ್ಯತೆ ಕೊಡಿ: ನಿರಂತರ ಕೆಲಸದ ಜಂಜಾಟದ ನಡುವೆ ಆರೋಗ್ಯವನ್ನು ನಿರ್ಲಕ್ಷಿಸಬೇಡಿ. ಪ್ರತಿದಿನ ಸ್ವಲ್ಪ ಸಮಯ ವ್ಯಾಯಾಮಕ್ಕೆ ಮೀಸಲಿಟ್ಟರೆ ದೇಹವೂ ಮನಸ್ಸೂ ಚುರುಕಾಗಿರುತ್ತದೆ.
- ಓದುವ ಅಭ್ಯಾಸ ಬೆಳೆಸಿಕೊಳ್ಳಿ: ಯಶಸ್ವಿ ವ್ಯಕ್ತಿಗಳ ಜೀವನದ ಹಿಂದೆ ಓದುವ ಹವ್ಯಾಸ ದೊಡ್ಡ ಪಾತ್ರ ವಹಿಸಿದೆ. ಪುಸ್ತಕಗಳು ನಿಮ್ಮ ದೃಷ್ಟಿಕೋನವನ್ನು ವಿಸ್ತರಿಸುತ್ತವೆ.
- ವಿಶ್ರಾಂತಿ ಮತ್ತು ಹವ್ಯಾಸ: ನಿರಂತರ ಒತ್ತಡದಿಂದ ದೂರವಾಗಿ ಕೆಲ ಸಮಯ ನಿಮ್ಮ ಮೆಚ್ಚಿನ ಕಾರ್ಯಗಳಿಗೆ ಕೊಡಿ. ಇದು ಮನಸ್ಸಿಗೆ ಹೊಸ ಶಕ್ತಿ ನೀಡುತ್ತದೆ.
- ಧ್ಯಾನ ಹಾಗೂ ಧನಾತ್ಮಕ ವಾತಾವರಣ: ಧ್ಯಾನದಿಂದ ಆತ್ಮವಿಶ್ವಾಸ ಹಾಗೂ ಮನಸ್ಸಿನ ಹಿಡಿತ ಹೆಚ್ಚುತ್ತದೆ. ಸದಾ ಧನಾತ್ಮಕ ವ್ಯಕ್ತಿಗಳು ಮತ್ತು ವಾತಾವರಣದೊಂದಿಗೆ ಇರುವುದರಿಂದ ನಿಮ್ಮ ನಿರ್ಧಾರಗಳಲ್ಲಿಯೂ ಶುದ್ಧತೆ ಬರುತ್ತದೆ.
