ಜೀವನವೆಂದರೆ ನಂಬಿಕೆ, ಸ್ನೇಹ, ಪ್ರೀತಿ ಮತ್ತು ಮನಸ್ಸಿನ ಮಾತುಗಳನ್ನು ಹಂಚಿಕೊಳ್ಳೋ ಒಂದು ಭಾವ. ನಾವು ನಮ್ಮ ಸಂತೋಷ, ನೋವು, ಕನಸುಗಳನ್ನು ಆಪ್ತರೊಂದಿಗೆ ಹಂಚಿಕೊಳ್ಳುತ್ತೇವೆ. ಆದರೆ ಕೆಲವು ವಿಚಾರಗಳನ್ನು ಮೌನದಲ್ಲೇ ಇಟ್ಟುಕೊಳ್ಳೋದು ನಮ್ಮ ಸ್ವಂತ ಭದ್ರತೆ ಮತ್ತು ಯಶಸ್ಸಿಗಾಗಿ ಅತ್ಯವಶ್ಯಕ. ಎಲ್ಲವನ್ನೂ ಎಲ್ಲರಿಗೂ ಹೇಳಲೇಬೇಕು ಎನ್ನುವ ಭಾವನೆ ಸಾಕಷ್ಟು ಬಾರಿ ನಮಗೇ ಹೊಡೆತ ನೀಡಬಹುದು. ಹೀಗಾಗಿ, ಜೀವನದಲ್ಲಿ ಕೆಲವು ವಿಷಯಗಳನ್ನು ತಾವೇ ತಿಳಿದುಕೊಂಡು, ಮೌನದ ಜೊತೆಯಲ್ಲಿ ಸಾಗುವುದು ಜಾಣತನ.
- ನಿಮ್ಮ ಮುಂದಿನ ಯೋಜನೆಗಳು: ನಿಮ್ಮ ಭವಿಷ್ಯದ ಪ್ಲ್ಯಾನ್ಗಳನ್ನು ಎಲ್ಲರ ಮುಂದೆ ಹೇಳಿದರೆ, ಕೆಲವು ಜನರು ಅದನ್ನು ಹಾಳುಮಾಡಲು ಪ್ರಯತ್ನಿಸಬಹುದು. ಮೌನವಾಗಿ ಕೆಲಸ ಮಾಡಿ, ಫಲಿತಾಂಶ ಬಂದ ನಂತರ ಹೇಳುವುದು ಉತ್ತಮ.
- ನಿಮ್ಮ ದುರ್ಬಲತೆಗಳು: ನಿಮ್ಮ ವೀಕ್ನೆಸ್ಗಳನ್ನು ಯಾರ ಮುಂದೆಯೂ ಬಿಚ್ಚಿಡಬಾರದು. ಮುಂದೆ ಅದೇ ನಿಮ್ಮ ವಿರುದ್ಧ ಆಯುಧವಾಗುವ ಸಾಧ್ಯತೆ ಇರುತ್ತದೆ.
- ನಿಮ್ಮ ಸೋಲುಗಳು: ನಿಮ್ಮ ವಿಫಲತೆಗಳನ್ನು ಹೆಚ್ಚು ಜನರಿಗೆ ಹೇಳಿಕೊಂಡರೆ, ಅವರು ನಿಮ್ಮನ್ನು ಸದಾ ಅಶಕ್ತನೆಂದು ಅಂದಾಜಿಸೋ ಸ್ಥಿತಿ ಬರುತ್ತದೆ.
- ನಿಮ್ಮ ಗುಟ್ಟುಗಳು: ಎಷ್ಟೇ ಆಪ್ತರಾಗಿದ್ದರು, ಎಲ್ಲ ಗುಟ್ಟುಗಳನ್ನು ಹಂಚಿಕೊಳ್ಳುವ ಅಗತ್ಯವಿಲ್ಲ. ಒಂದು ಮಾತು ಮತ್ತೊಬ್ಬರ ಬಾಯಿಗೆ ಹೋಗುವುದು ಕ್ಷಣಗಳ ವಿಚಾರ.
- ನಿಮ್ಮ ಆದಾಯ: ನೀವು ಎಷ್ಟು ಸಂಪಾದಿಸುತ್ತೀರಿ ಎಂಬ ಮಾಹಿತಿ ಅಸೂಯೆ, ಅಂತರ ಮತ್ತು ತೊಂದರೆಗಳಿಗೆ ಕಾರಣವಾಗಬಹುದು.
- ನಿಮ್ಮ ಮುಂದಿನ ನಡೆ: ಯಶಸ್ಸಿನ ದಾರಿಯಲ್ಲಿ ಮೌನವೇ ದೊಡ್ಡ ಸಹಾಯ. ಕೆಲಸ ಮಾಡಿ, ಜಯ ಸಾಧಿಸಿದ ಮೇಲೆ ಮಾತನಾಡುವುದು ಹೆಚ್ಚು ಪರಿಣಾಮಕಾರಿ.
- ನಿಮ್ಮ ಪ್ರೇಮ ಜೀವನ: ನಿಮ್ಮ ಸಂಬಂಧದ ಖಾಸಗಿ ಕ್ಷಣಗಳನ್ನು ಸಾರ್ವಜನಿಕವಾಗಿಸಬೇಡಿ. ಅಸೂಯೆ ಮತ್ತು ಹಸ್ತಕ್ಷೇಪದಿಂದ ಸಂಬಂಧಕ್ಕೆ ತೊಂದರೆ ಆಗಬಹುದು.
