ಆರೋಗ್ಯ ಎನ್ನುವುದು ಕೇವಲ ಆಸ್ಪತ್ರೆ ಅಥವಾ ಔಷಧಿಗಳ ವಿಷಯವಲ್ಲ. ನಮ್ಮ ದೇಹವೇ ದಿನನಿತ್ಯ ಸಣ್ಣ-ಸಣ್ಣ ಸಂಕೇತಗಳ ಮೂಲಕ ತನ್ನ ಸ್ಥಿತಿಯನ್ನು ಹೇಳುತ್ತಿರುತ್ತದೆ. ಆದರೆ ಕೆಲಸ, ಮನೆ, ಜವಾಬ್ದಾರಿಗಳ ಮಧ್ಯೆ ಮಹಿಳೆಯರು ಹೆಚ್ಚಾಗಿ ಈ ಸೂಚನೆಗಳನ್ನು ಕಡೆಗಣಿಸುತ್ತಾರೆ. ವಿಶೇಷವಾಗಿ ಹಾರ್ಮೋನ್ಗಳಲ್ಲಿ ಆಗುವ ಬದಲಾವಣೆಗಳು ಆರಂಭದಲ್ಲಿ ಸಣ್ಣ ಸಮಸ್ಯೆಗಳಂತೆ ಕಂಡರೂ, ಮುಂದೆ ದೊಡ್ಡ ಆರೋಗ್ಯ ಸವಾಲುಗಳಾಗಿ ಪರಿಣಮಿಸಬಹುದು. ಈಸ್ಟ್ರೋಜನ್ ಹಾರ್ಮೋನ್ನಲ್ಲಿ ಅಸಮತೋಲನ ಉಂಟಾದಾಗ ದೇಹ ನೀಡುವ ಸೂಚನೆಗಳನ್ನು ಸಮಯಕ್ಕೆ ಗುರುತಿಸುವುದು ಅತ್ಯಂತ ಅಗತ್ಯ.
ಈಸ್ಟ್ರೋಜನ್ ವ್ಯತ್ಯಾಸ ಸೂಚಿಸುವ ಸಾಮಾನ್ಯ ಲಕ್ಷಣಗಳು:
- ಪದೇಪದೇ ಹೊಟ್ಟೆ ಸೆಳೆತ: ಕಾರಣವಿಲ್ಲದೆ ಹೊಟ್ಟೆ ನೋವು ಅಥವಾ ಸೆಳೆತ ಕಂಡು ಬಂದರೆ, ಕೇವಲ ಗ್ಯಾಸ್ಟ್ರಿಕ್ ಎಂದು ನಿರ್ಲಕ್ಷ್ಯ ಮಾಡಬೇಡಿ.
- ಹೊಟ್ಟೆ ಉಬ್ಬುವ ಸಮಸ್ಯೆ: ನಿರಂತರ ಹೊಟ್ಟೆ ಉಬ್ಬರ ಗರ್ಭಕೋಶ ಸಂಬಂಧಿತ ಸಮಸ್ಯೆಗಳ ಸೂಚನೆಯಾಗಿರಬಹುದು.
- ಮೂಡ್ಸ್ವಿಂಗ್ ಮತ್ತು ಖಿನ್ನತೆ: ಅಚಾನಕ್ ಕೋಪ, ಅಳುವು, ಮನಸ್ಸಿನ ಅಸ್ಥಿರತೆ ಹಾರ್ಮೋನ್ ಬದಲಾವಣೆಯಿಂದ ಆಗಿರಬಹುದು.
- ಮುಟ್ಟಿನ ಸಮಯದಲ್ಲಿ ತೀವ್ರ ನೋವು: ಸಾಮಾನ್ಯ ನೋವಿಗಿಂತ ಹೆಚ್ಚು ತೀವ್ರತೆ ಇದ್ದರೆ ಪರೀಕ್ಷೆ ಅಗತ್ಯ.
- ಪದೇಪದೇ ತಲೆನೋವು ಮತ್ತು ತಲೆಸುತ್ತು: ಹಾರ್ಮೋನ್ ಅಸಮತೋಲನದ ಸಾಮಾನ್ಯ ಲಕ್ಷಣಗಳು.
- ಅನಿಯಮಿತ ಮುಟ್ಟು: ಇದು ಗರ್ಭಧಾರಣೆಯ ಮೇಲೂ ಪರಿಣಾಮ ಬೀರುತ್ತದೆ.
ನಿರ್ಲಕ್ಷ್ಯ ಮಾಡಿದರೆ ಎದುರಾಗುವ ಅಪಾಯಗಳು
- ಸ್ತನ ಹಾಗೂ ಗರ್ಭಕಂಠ ಕ್ಯಾನ್ಸರ್ ಅಪಾಯ ಹೆಚ್ಚಾಗುವುದು
- ಪಿಸಿಒಎಸ್/ಪಿಸಿಒಡಿ ಸಮಸ್ಯೆ
- ಮಧುಮೇಹದ ಅಪಾಯ ಹೆಚ್ಚಳ
ಸಮಯಕ್ಕೆ ಹಾರ್ಮೋನ್ ಪರೀಕ್ಷೆ, ಸರಿಯಾದ ಚಿಕಿತ್ಸೆ ಮತ್ತು ಆರೋಗ್ಯಕರ ಜೀವನಶೈಲಿ ಈ ಸಮಸ್ಯೆಗಳನ್ನು ನಿಯಂತ್ರಿಸಬಹುದು. ದೇಹ ನೀಡುವ ಎಚ್ಚರಿಕೆಯನ್ನು ಕೇಳುವ ಅಭ್ಯಾಸವೇ ಉತ್ತಮ ಆರೋಗ್ಯದ ಮೊದಲ ಹೆಜ್ಜೆ.
ಇದನ್ನೂ ಓದಿ:
