ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಾಜಸ್ಥಾನ ಸರ್ಕಾರವು ಪ್ರಮುಖ ಆಡಳಿತಾತ್ಮಕ ಪುನರ್ ರಚನೆ ನಡೆಸಿದ್ದು, ಮುಖ್ಯಮಂತ್ರಿಗಳ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ (ACS) ಸೇರಿದಂತೆ 48 ಐಎಎಸ್ ಅಧಿಕಾರಿಗಳನ್ನು ವರ್ಗಾವಣೆ ಮಾಡಿದೆ.
ಶುಕ್ರವಾರ ರಾತ್ರಿ ಆಡಳಿತಾತ್ಮಕ ಪುನರ್ ರಚನೆ ಮಾಡಲಾಗಿದ್ದು, ಮುಖ್ಯ ಕಾರ್ಯದರ್ಶಿ ವಿ. ಶ್ರೀನಿವಾಸ್ ಇತ್ತೀಚೆಗೆ ಅಧಿಕಾರ ವಹಿಸಿಕೊಂಡ ನಂತರದ ಮೊದಲ ವರ್ಗಾವಣೆ ಪಟ್ಟಿ ಇದಾಗಿದೆ.
ಎಸಿಎಸ್ ಶಿಖರ್ ಅಗರವಾಲ್ ಅವರನ್ನು ಮುಖ್ಯಮಂತ್ರಿ ಕಚೇರಿಯಿಂದ (ಸಿಎಂಒ) ಸ್ಥಳಾಂತರಿಸಿ ಎಸಿಎಸ್-ಇಂಡಸ್ಟ್ರೀಸ್ ಆಗಿ ನೇಮಿಸಲಾಗಿದೆ. ಏತನ್ಮಧ್ಯೆ, ಎಸಿಎಸ್-ಸಾರ್ವಜನಿಕ ಆರೋಗ್ಯ ಮತ್ತು ಎಂಜಿನಿಯರಿಂಗ್ ಇಲಾಖೆ (ಪಿಎಚ್ಇಡಿ) ಆಗಿದ್ದ ಅಖಿಲ್ ಅರೋರಾ ಅವರನ್ನು ಮುಖ್ಯಮಂತ್ರಿಯ ಹೊಸ ಎಸಿಎಸ್ ಆಗಿ ನೇಮಿಸಲಾಗಿದೆ.
