ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬಹುಭಾಷಾ ನಟಿ ನಿತ್ಯಾ ಮೆನನ್ ಅವರು ಇತ್ತೀಚೆಗೆ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಕೆಲವು ಫೋಟೋಗಳು ಭಾರೀ ಸದ್ದು ಮಾಡುತ್ತಿವೆ. ತಾಯಿಯ ಪಾತ್ರದಲ್ಲಿರುವ, ಮಗುವಿನ ಆರೈಕೆಯಲ್ಲಿ ತೊಡಗಿರುವಂತಹ ಈ ಫೋಟೋಗಳು ಅಭಿಮಾನಿಗಳಲ್ಲಿ ತಕ್ಷಣಕ್ಕೆ ಅಚ್ಚರಿ ಮೂಡಿಸಿ, ಸಖತ್ ವೈರಲ್ ಆಗುತ್ತಿವೆ. ಆದರೆ, ಈ ಫೋಟೋಗಳ ಹಿಂದಿನ ಅಸಲಿಯತ್ತು ಬೇರೆಯೇ ಇದೆ.
ನಿತ್ಯಾ ಮೆನನ್ ಅವರು ಯಾವುದೇ ವೈಯಕ್ತಿಕ ವಿಚಾರಕ್ಕಲ್ಲ, ಬದಲಿಗೆ ತಮ್ಮ ಸಿನಿಮಾದ ಒಂದು ನಿರ್ದಿಷ್ಟ ಸನ್ನಿವೇಶದ ಶೂಟಿಂಗ್‌ಗಾಗಿ ಮಾಡಿದ ಪ್ರಾಕ್ಟೀಸ್‌ನ ತೆರೆಹಿಂದಿನ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ತಾಯ್ತನದ ಪಾತ್ರಕ್ಕೆ ನ್ಯಾಯ ಒದಗಿಸಲು ನಟಿ ಪೂರ್ವಸಿದ್ಧತೆ ಮಾಡಿಕೊಂಡ ಆ ಸುಂದರ ಮತ್ತು ಭಾವನಾತ್ಮಕ ಕ್ಷಣಗಳನ್ನು ಇದೀಗ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.
ಶೂಟಿಂಗ್ ದಿನಗಳಲ್ಲಿ ಕಳೆದ ಕೆಲ ಬ್ಯೂಟಿಫುಲ್ ಮೆಮೊರಿಗಳನ್ನು ಮೆಲುಕು ಹಾಕಿರುವ ನಿತ್ಯಾ ಮೆನನ್, ಈ ಪೋಸ್ಟ್ ಮೂಲಕ ಸಿನಿಮಾ ಸೆಟ್‌ನಲ್ಲಿ ತಾವು ಅನುಭವಿಸಿದ ಸಿಹಿ ನೆನಪುಗಳು ಮತ್ತು ಉತ್ತಮ ತಂಡವನ್ನು ಮಿಸ್ ಮಾಡಿಕೊಳ್ಳುತ್ತಿರುವ ಬಗ್ಗೆಯೂ ಬರೆದುಕೊಂಡಿದ್ದಾರೆ.
ಕನ್ನಡದಲ್ಲಿ ‘ಮೈನಾ’, ‘ಕೋಟಿಗೊಬ್ಬ-2’ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿರುವ ನಿತ್ಯಾ ಮೆನನ್, ದಕ್ಷಿಣ ಭಾರತದ ಸೂಪರ್‌ಸ್ಟಾರ್‌ಗಳೊಂದಿಗೆ ತೆರೆಹಂಚಿಕೊಂಡಿದ್ದಾರೆ. ತಮ್ಮ ಬ್ಯುಸಿ ಶೂಟಿಂಗ್ ದಿನಗಳು ಮತ್ತು ಆ ಸುಂದರ ವೃತ್ತಿಪರ ಸಮಯವನ್ನು ನೆನಪಿಸಿಕೊಂಡಿರುವ ನಟಿ, ತಮ್ಮ ಅಭಿಮಾನಿಗಳಿಗೆ ನೆನಪಿನ ಅಂಗಳದಿಂದ ಒಂದಷ್ಟು ವಿಶೇಷ ಫೋಟೋಗಳನ್ನು ಉಡುಗೊರೆಯಾಗಿ ನೀಡಿದ್ದಾರೆ.
