ಇಂದಿನ ಡಿಜಿಟಲ್ ಯುಗದಲ್ಲಿ ಪ್ರೀತಿ ಒಂದು ಕ್ಲಿಕ್ ನಲ್ಲಿ ಸಿಗುತ್ತೆ. ಆದರೆ ಪರಿಚಯ ಸುಲಭವಾದಷ್ಟೇ, ಸಂಬಂಧ ಉಳಿಸಿಕೊಳ್ಳುವುದು ಕಷ್ಟವಾಗುತ್ತಿದೆ. ತಕ್ಷಣದ ಆಕರ್ಷಣೆ, ವೇಗದ ನಿರ್ಧಾರಗಳು ಮತ್ತು ಭಾವನಾತ್ಮಕ ಆತುರದಿಂದ ಅನೇಕ ಸಂಬಂಧಗಳು ಮಧ್ಯದಲ್ಲೇ ಮುರಿದು ಬೀಳುತ್ತಿವೆ. ಇಂತಹ ಸಂದರ್ಭದಲ್ಲಿ, ಸಂಬಂಧವನ್ನು ನಿಧಾನವಾಗಿ, ತಿಳುವಳಿಕೆಯಿಂದ ಬೆಳೆಸಿಕೊಳ್ಳಲು ನೆರವಾಗುವ ಒಂದು ಸರಳ ಆದರೆ ಪರಿಣಾಮಕಾರಿ ವಿಧಾನವೇ ಡೇಟಿಂಗ್ನ 7-7-7 ನಿಯಮ.
7-7-7 ನಿಯಮ ಎಂದರೇನು?
ಈ ನಿಯಮವು ಹೊಸ ಸಂಬಂಧವನ್ನು ಮೂರು ಹಂತಗಳಲ್ಲಿ ಅರ್ಥಮಾಡಿಕೊಳ್ಳುವಂತೆ ಸಲಹೆ ನೀಡುತ್ತದೆ. ಪ್ರತಿಯೊಂದು ಹಂತವೂ ನಿಮ್ಮ ಮತ್ತು ಸಂಗಾತಿಯ ಹೊಂದಾಣಿಕೆಯನ್ನು ಪರೀಕ್ಷಿಸುವ ಅವಕಾಶವಾಗಿರುತ್ತದೆ.
ಮೊದಲ 7 ದಿನಗಳು:
ಈ ಅವಧಿಯಲ್ಲಿ ಸಂಗಾತಿಯ ಮಾತು, ನಡವಳಿಕೆ, ಸಮಯಪಾಲನೆ ಮತ್ತು ಇತರರೊಂದಿಗೆ ಅವರ ವರ್ತನೆಗೆ ಗಮನ ಕೊಡಬೇಕು. ಇದು ಪ್ರಾಥಮಿಕ ಹೊಂದಾಣಿಕೆಯನ್ನು ಅಳೆಯುವ ಸಮಯ.
ಮುಂದಿನ 7 ವಾರಗಳು – ಆಳವಾದ ಪರಿಚಯ:
ಈ ಹಂತದಲ್ಲಿ ಹವ್ಯಾಸಗಳು, ಮೌಲ್ಯಗಳು, ಗುರಿಗಳು ಮತ್ತು ಜೀವನಶೈಲಿಯನ್ನು ತಿಳಿದುಕೊಳ್ಳಬಹುದು. ಒಟ್ಟಾಗಿ ಸಮಯ ಕಳೆಯುವ ಮೂಲಕ ಭಾವನಾತ್ಮಕ ಸಂಪರ್ಕ ಗಟ್ಟಿಯಾಗುತ್ತದೆ.
7 ತಿಂಗಳ ನಂತರ – ನಿರ್ಧಾರ:
ಈ ಸಮಯದಲ್ಲಿ ಪ್ರವಾಸ, ಭವಿಷ್ಯದ ಚರ್ಚೆ ಮತ್ತು ದೀರ್ಘಕಾಲೀನ ನಿರೀಕ್ಷೆಗಳ ಬಗ್ಗೆ ಯೋಚನೆ ಆರಂಭವಾಗುತ್ತದೆ. ಈ ಸಂಬಂಧ ಗಂಭೀರತೆ ಪಡೆದುಕೊಳ್ಳುತ್ತದೆಯೇ ಎಂಬುದು ಸ್ಪಷ್ಟವಾಗುತ್ತದೆ.
ಈ ನಿಯಮ ಏಕೆ ಮುಖ್ಯ?
ಆತುರದ ನಿರ್ಧಾರಗಳಿಂದ ದೂರ ಇಟ್ಟು, ಸರಿಯಾದ ಸಂಗಾತಿಯನ್ನು ಆಯ್ಕೆ ಮಾಡಲು 7-7-7 ನಿಯಮ ಸಹಾಯ ಮಾಡುತ್ತದೆ. ಪ್ರತಿಯೊಂದು ಸಂಬಂಧ ವಿಭಿನ್ನವಾದರೂ, ಪ್ರೀತಿಯನ್ನು ಬಲವಾಗಿ ಕಟ್ಟಿಕೊಳ್ಳಲು ಇದು ಉಪಯುಕ್ತ ಹಾಗೂ ಸುಲಭ.
