ಪಲಾವ್ ಅನ್ನೋದೇ ನಮ್ಮ ಊಟದ ಮೇಜಿಗೆ ವಿಶೇಷ ರುಚಿ ಕೊಡುವ ಐಟಂ. ಆದರೆ ಮಂಗಳೂರು ಶೈಲಿಯ ವೆಜ್ ಪಲಾವ್‌ಗಾದರೆ ಅದರ ಸುವಾಸನೆ, ಮೃದುವಾದ ಮಸಾಲೆ, ಸಿಹಿ–ಖಾರದ ಸಮತೋಲನ ಎಲ್ಲವೂ ಬೇರೆಯೇ ಅನುಭವ. ಮನೆಯಲ್ಲೇ ಈ ಶೈಲಿಯಲ್ಲಿ ಪಲಾವ್ ಮಾಡೋದ್ರಿಂದ ಸಣ್ಣಪುಟ್ಟ ಹೊಟೇಲಿನ ರುಚಿ ಸಿಗೋದು ಖಂಡಿತ.
ಬೇಕಾಗುವ ಸಾಮಗ್ರಿಗಳು
ಲವಂಗ – 4
ಏಲಕ್ಕಿ – 3
ದಾಲ್ಚಿನ್ನಿ – ಸ್ವಲ್ಪ
ಸೋಂಪು – 1 ಟೀಸ್ಪೂನ್
ಜೀರಿಗೆ – 1 ಟೀಸ್ಪೂನ್
ಅನಾನಸ್ ಹೂ – 1
ಮೆಣಸು – 1 ಟೀಸ್ಪೂನ್
ಹಸಿ ಮೆಣಸಿನಕಾಯಿ – 3
ಕೊತ್ತಂಬರಿ – 1.5 ಟೀಸ್ಪೂನ್
ಹಸಿ ತೆಂಗಿನತುರಿ – 1/4 ಕಪ್
ಬಿರಿಯಾನಿ ಎಲೆ – 1
ಈರುಳ್ಳಿ – 1 ಕಪ್
ಪುದೀನಾ – ಸ್ವಲ್ಪ
ಶುಂಠಿ–ಬೆಳ್ಳುಳ್ಳಿ ಪೇಸ್ಟ್ – 1.5 ಟೀಸ್ಪೂನ್
ಹೂಕೋಸು – 8 ತುಂಡು
ಕ್ಯಾರೆಟ್ – 12 ತುಂಡು
ಬೀನ್ಸ್ – 3 ಟೇಬಲ್ ಸ್ಪೂನ್
ಆಲೂಗಡ್ಡೆ – 1/4 ಕಪ್
ಟೊಮೆಟೊ – 1
ಬಟಾಣಿ – 2 ಟೀಸ್ಪೂನ್
ಬಾಸ್ಮತಿ ಅಕ್ಕಿ – 1.5 ಕಪ್ (1 ಗಂಟೆ ನೆನೆಸಿದದ್ದು)
ಬಿಸಿ ನೀರು – 2.5 ಕಪ್
ನಿಂಬೆ ರಸ – 1/2
ಎಣ್ಣೆ – 7 ಟೇಬಲ್ ಸ್ಪೂನ್
ಉಪ್ಪು, ಸಕ್ಕರೆ – ರುಚಿಗೆ ತಕ್ಕಷ್ಟು
ತಯಾರಿಸುವ ವಿಧಾನ
ಲವಂಗ, ಏಲಕ್ಕಿ, ದಾಲ್ಚಿನ್ನಿ, ಸೋಂಪು, ಜೀರಿಗೆ, ಅನಾನಸ್ ಹೂ, ಮೆಣಸು, ಹಸಿ ಮೆಣಸಿನಕಾಯಿ, ಕೊತ್ತಂಬರಿ, ಹಾಗೂ ತೆಂಗಿನತುರಿ ಎಲ್ಲವನ್ನು ಮಿಕ್ಸ್ ಮಾಡಿ ನುಣ್ಣಗೆ ರುಬ್ಬಿ ಪೇಸ್ಟ್ ಮಾಡಿಕೊಳ್ಳಿ.
ಕಡಾಯಿಯಲ್ಲಿ ಎಣ್ಣೆ ಬಿಸಿ ಮಾಡಿ ಬಿರಿಯಾನಿ ಎಲೆ ಮತ್ತು ಈರುಳ್ಳಿ ಹಾಕಿ ಬಂಗಾರ ಬಣ್ಣ ಬರುವವರೆಗೆ ಹುರಿಯಿರಿ. ನಂತರ ಪುದೀನಾ ಮತ್ತು ತಯಾರಿಸಿದ ಮಸಾಲೆ ಪೇಸ್ಟ್ ಸೇರಿಸಿ ಚೆನ್ನಾಗಿ ಹುರಿಯಿರಿ.
ಈಗ ಶುಂಠಿ–ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಹುರಿದು ನಂತರ ಹೂಕೋಸು, ಕ್ಯಾರೆಟ್, ಬೀನ್ಸ್, ಆಲೂಗಡ್ಡೆ ಹಾಗೂ ಸ್ವಲ್ಪ ನೀರು ಹಾಕಿ 12 ನಿಮಿಷ ಬೇಯಿಸಿ. ಟೊಮೆಟೊ, ಬಟಾಣಿ, ಕೊತ್ತಂಬರಿ, ಉಪ್ಪು, ಸಕ್ಕರೆ ಹಾಕಿ ಟೊಮೆಟೊ ಮೃದುವಾಗುವವರೆಗೆ ಬೇಯಿಸಿ. ಈಗ ನೆನೆಸಿದ ಬಾಸ್ಮತಿ ಅಕ್ಕಿ ಸೇರಿಸಿ 5 ನಿಮಿಷ ಹುರಿದು ನಂತರ ಬಿಸಿ ನೀರು, ನಿಂಬೆ ರಸ, ಪುದೀನಾ ಸೇರಿಸಿ ಮುಚ್ಚಿ ಬೇಯಿಸಿ. 5–7 ನಿಮಿಷಗಳಲ್ಲಿ ಪಲಾವ್ ಸಿದ್ಧ!
