ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಶಿರಡಿ ಸಾಯಿ ಬಾಬಾ ದೇವಸ್ಥಾನಕ್ಕೆಲಕ್ಷಾಂತರ ಭಕ್ತರು ಭೇಟಿ ನೀಡುತ್ತಾರೆ. ಸಾಯಿ ಬಾಬ ಕುರಿತು ಬಾಲಿವುಡ್ ಸಿನಿಮಾ ಬಂದಿದ್ದು ಮೆಚ್ಚುಗೆ ಪಡಿದಿತ್ತು.
ಈ ಸಿನಿಮಾದಲ್ಲಿ ಸಾಯಿ ಬಾಬಾ ಆಗಿ ನಟ ಸುಧೀರ್ ದಾಲ್ವಿ ನಟಿಸಿದ್ದಾರೆ. ಇದೀಗ ಈ ಹಿರಿಯ ನಟನ ಆರೋಗ್ಯ ಏರುಪೇರಾಗಿ ಆಸ್ಪತ್ರೆ ದಾಖಲಾಗಿದ್ದಾರೆ.
ತೀವ್ರ ಅಸ್ವಸ್ಥಗೊಂಡಿರುವ ಸುಧೀರ್ ದಾಲ್ವಿ ಚಿಕಿತ್ಸೆಗೆ ಕುಟುಂಬಸ್ಥರು ಈಗಾಗಲೇ 15 ಲಕ್ಷ ರೂಪಾಯಿ ಖರ್ಚು ಮಾಡಿದ್ದಾರೆ. ಆರ್ಥಿಕ ಸಂಕಷ್ಟ ಎದುರಾದ ಕಾರಣ ಅಭಿಮಾನಿಗಳಲ್ಲಿ ನೆರವು ಕೇಳಿದ್ದರು. ಇದರ ಬೆನ್ನಲ್ಲೇ ಬಾಂಬೆ ಹೈಕೋರ್ಟ್, ಶಿರಡಿ ಸಾಯಿ ಬಾಬಾ ಟ್ರಸ್ಟ್, ನಟ ಸುಧೀರ್ ದಾಲ್ವಿ ಚಿಕಿತ್ಸೆ 11 ಲಕ್ಷ ರೂಪಾಯಿ ನೀಡುವಂತೆ ಸೂಚನೆ ನೀಡಿದೆ.
ಸಾಯಿ ಬಾಬಾ ದೇವಸ್ಥಾನವನ್ನು ಭಾರತದಲ್ಲಿ ಜನಪ್ರಿಯತೆಗೊಳಿಸುವಲ್ಲಿ ಶಿರ್ಡಿ ಕೆ ಸಾಯಿ ಬಾಬಾ ಸಿನಿಮಾ ಪ್ರಮುಖ ಪಾತ್ರ ನಿರ್ವಹಿಸಿತ್ತು. 1977ರಲ್ಲಿ ತೆರೆಕಂಡ ಈ ಸಿನಿಮಾ ಭಾರತದ ಧಾರ್ಮಿಕ ಕ್ಷೇತ್ರದಲ್ಲಿ ಹೊಸ ಸಂಚಲನ ಸೃಷ್ಟಿಸಿತ್ತು. ಶಿರ್ಡಿ ಸಾಯಿ ಬಾಬಾ ಆಗಿ ನಟಿಸಿದ ಸುಧೀರ್ ದಾಲ್ವಿ ವಯೋಸಹಜ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. 86 ವಯಸ್ಸಿನ ಸುಧೀರ್ ದಾಲ್ವಿ ಆಸ್ಪತ್ರೆ ದಾಖಲಾಗಿ ಕೆಲ ದಿನಗಳು ಉರುಳಿದೆ. ಕುಟುಂಬಸ್ಥರು ಸುಧೀರ್ ದಾಲ್ವಿ ಚಿಕಿತ್ಸೆಗೆ ತಮ್ಮ ಬಳಿ ಇರುವ ಎಲ್ಲಾ ಹಣ ಖರ್ಚು ಮಾಡಿದ್ದಾರೆ. ಹೀಗಾಗಿ ಅಭಿಮಾನಿಗಳು, ದಾನಿಗಳು ನೆರವು ನೀಡುವಂತೆ ಕುಟುಂಬಸ್ಥರು ಮನವಿ ಮಾಡಿದ್ದರು.
ಈ ಮಾಹಿತಿ ತಿಳಿಯುತ್ತಿದ್ದಂತೆ ಶಿರ್ಡಿ ಸಾಯಿ ಬಾಬಾ ಟ್ರಸ್ಟ್ ನೆರವಿಗೆ ಧಾವಿಸಿತ್ತು. ಶಿರ್ಡಿ ಸಾಯಿ ಬಾಬಾ ಕ್ಷೇತ್ರವನ್ನು ಮತ್ತಷ್ಟು ಜನಪ್ರಿಯತೆಗೊಳಿಸಿದ್ದು ಮಾತ್ರವಲ್ಲ, ಪಾವಿತ್ರ್ಯತೆಯನ್ನು ಪ್ರಚರುಪಡಿಸಿದ ನಟನ ಅನಾರೋಗ್ಯಕ್ಕೆ ನೆರವು ನೀಡಲು ಶಿರ್ಡಿ ಸಾಯಿ ಬಾಬಾ ಟ್ರಸ್ಟ್ ಮುಂದಾಗಿತ್ತು. ಆದರೆ ನೆರವು ನೀಡಲು ಕಾನೂನು ತೊಡಕುಗಳು ಎದುರಾಗಿತ್ತು. ಒಬ್ಬ ನಟನ ಚಿಕಿತ್ಸೆಗೆ ಟ್ರಸ್ಟ್ನಿಂದ 11 ಲಕ್ಷ ರೂಪಾಯಿ ನೀಡುವುದು ಅಸಾಧ್ಯವಾಗಿತ್ತು. ಹೀಗಾಗಿ ಶಿರ್ಡಿ ಸಾಯಿ ಬಾಬಾ ಟ್ರಸ್ಟ್ ಬಾಂಬೆ ಹೈಕೋರ್ಟ್ಗೆ ಮನವಿ ಸಲ್ಲಿಸಿತ್ತು. ನೆರವು ನೀಡಲು ಅವಕಾಶ ನೀಡಬೇಕು ಎಂದು ಮನವಿ ಮಾಡಿತ್ತು. ಈ ಮನವಿ ಪುರಸ್ಕರಿಸಿದ ಕೋರ್ಟ್ ಇದೀಗ 11 ಲಕ್ಷ ರೂಪಾಯಿ ನರೆವು ನೀಡಲು ಕೋರ್ಟ್ ಸೂಚಿಸಿದೆ.
