ಪ್ರತಿಯೊಬ್ಬ ಮಹಿಳೆಯೂ ಸೀರೆಯಲ್ಲಿ ಸುಂದರವಾಗಿ ಕಾಣಬೇಕು ಎನ್ನುವುದು ಸಹಜ ಆಸೆ. ಆದರೆ ಎತ್ತರ ಕಡಿಮೆ ಇರುವ ಮಹಿಳೆಯರು ಯಾವ ರೀತಿಯ ಸೀರೆ ಧರಿಸಿದರೆ ಉತ್ತಮವಾಗಿ ಕಾಣಬಹುದು ಎಂಬ ಪ್ರಶ್ನೆ ಬಹಳ ಬಾರಿ ಕೇಳಿಬರುತ್ತದೆ. ಸರಿಯಾದ ವಿನ್ಯಾಸ ಮತ್ತು ಬಣ್ಣದ ಸೀರೆ ಆಯ್ಕೆ ಮಾಡಿದರೆ ಗಿಡ್ಡವಾಗಿದ್ದರೂ ಸಹ ಎತ್ತರವಾಗಿ ಹಾಗೂ ಸ್ಮಾರ್ಟ್ ಆಗಿ ಕಾಣಬಹುದು.
ಎತ್ತರ ಕಡಿಮೆ ಇರುವವರು ಸಾಮಾನ್ಯವಾಗಿ ಸಣ್ಣ ಡಿಸೈನ್ ಮತ್ತು ಸಣ್ಣ ಬಾರ್ಡರ್ ಇರುವ ಸೀರೆಗಳನ್ನು ಆಯ್ಕೆ ಮಾಡುವುದು ಉತ್ತಮ.
ದೊಡ್ಡ ಪ್ರಿಂಟ್ ಅಥವಾ ತುಂಬಾ ಅಗಲ ಬಾರ್ಡರ್ ಇರುವ ಸೀರೆಗಳು ದೇಹದ ಎತ್ತರವನ್ನು ಇನ್ನಷ್ಟು ಕಡಿಮೆ ತೋರಿಸಬಹುದು.
ಅದೇ ರೀತಿ ಲಂಬವಾಗಿ ಕಾಣಿಸುವ ಸ್ಟ್ರೈಪ್ ಡಿಸೈನ್ ಇರುವ ಸೀರೆಗಳು ದೇಹವನ್ನು ಉದ್ದವಾಗಿ ಕಾಣುವಂತೆ ಮಾಡುತ್ತವೆ.
ಇದನ್ನೂ ಓದಿ:
ಹಗುರವಾದ ಫ್ಯಾಬ್ರಿಕ್ ಇರುವ ಸೀರೆಗಳು ದೇಹಕ್ಕೆ ಚೆನ್ನಾಗಿ ಹೊಂದಿಕೊಳ್ಳುತ್ತವೆ ಮತ್ತು ಸ್ಲಿಮ್ ಲುಕ್ ನೀಡುತ್ತವೆ.
ತುಂಬಾ ಗಟ್ಟಿ ಅಥವಾ ತುಂಬಾ ಪದರ ಇರುವ ಸೀರೆಗಳನ್ನು ತಪ್ಪಿಸುವುದು ಉತ್ತಮ.
ಜೊತೆಗೆ ಸೀರೆಯನ್ನು ಸ್ವಲ್ಪ ಎತ್ತರವಾಗಿ ಕಟ್ಟಿ ಹೀಲ್ಸ್ ಜೊತೆಗೆ ಧರಿಸಿದರೆ ಒಟ್ಟು ಲುಕ್ ಇನ್ನಷ್ಟು ಆಕರ್ಷಕವಾಗುತ್ತದೆ. ಸರಿಯಾದ ಆಯ್ಕೆ ಮಾಡಿದರೆ ಎತ್ತರ ಕಡಿಮೆ ಇದ್ದರೂ ಸೀರೆಯಲ್ಲಿ ಎಲಿಗಂಟ್ ಆಗಿ ಮಿಂಚಬಹುದು.
