ಇಮೇಲ್ ಬಂದಿತ್ತೋ ಇಲ್ಲವೋ ಅನ್ನೋ ಅನುಮಾನ, ಮತ್ತೆ ಮತ್ತೆ ಇನ್ಬಾಕ್ಸ್ ಸ್ಕ್ರೋಲ್ ಮಾಡಿದರೂ ಸಿಗದ ಆ ಒಂದು ಮುಖ್ಯ ಮೆಸೇಜ್… Gmail ನಲ್ಲಿ ಬಹುತೇಕ ಜನರು ಕನಿಷ್ಠ ಒಮ್ಮೆ ಈ ಪರಿಸ್ಥಿತಿಗೆ ಸಿಲುಕಿರುತ್ತಾರೆ. ನೂರಾರು ಮೇಲ್ಗಳ ನಡುವೆ ಅಗತ್ಯವಾದ ಒಂದೇ ಒಂದು ಮೆಸೇಜ್ ಮೌನವಾಗಿ ಮರೆತು ಹೋಗಿರಬಹುದು. ಆದರೆ Gmailನಲ್ಲಿ ಅದನ್ನು ಹುಡುಕೋಕೆ ಸರಿಯಾದ ದಾರಿ ಗೊತ್ತಿದ್ದರೆ, ಕಳೆದುಹೋದ ಮೆಸೇಜ್ ಕ್ಷಣಗಳಲ್ಲಿ ನಿಮ್ಮ ಮುಂದೆ ಬಂದು ನಿಲ್ಲುತ್ತದೆ.
Gmail Search Bar ನಿಮ್ಮ ದೊಡ್ಡ ಸಹಾಯಕ
Gmail ಮೇಲ್ಭಾಗದಲ್ಲಿರುವ ಸರ್ಚ್ ಬಾಕ್ಸ್ ಕೇವಲ ಹೆಸರು ಟೈಪ್ ಮಾಡುವ ಜಾಗವಲ್ಲ. ಇಲ್ಲಿ ಕೀವರ್ಡ್, ಕಳುಹಿಸಿದ ವ್ಯಕ್ತಿಯ ಹೆಸರು ಅಥವಾ ಇಮೇಲ್ ಐಡಿ ಹಾಕಿದರೆ ಸಾಕು. “from:” ಅಂತ ಟೈಪ್ ಮಾಡಿ ಕಳುಹಿಸಿದವರ ಹೆಸರು ಸೇರಿಸಿದರೆ, ಆ ವ್ಯಕ್ತಿಯಿಂದ ಬಂದ ಎಲ್ಲಾ ಮೇಲ್ಗಳು ಒಂದೇ ಬಾರಿ ಕಾಣಿಸುತ್ತವೆ.
ದಿನಾಂಕ ನೆನಪಿದ್ರೆ ಅರ್ಧ ಕೆಲಸ ಮುಗಿದಂತೆ
ಮೆಸೇಜ್ ಯಾವ ಸಮಯದಲ್ಲಿ ಬಂದಿತ್ತು ಅನ್ನೋದು ಸ್ವಲ್ಪವಾದರೂ ನೆನಪಿದ್ದರೆ “before:” ಅಥವಾ “after:” ಅನ್ನೋ ಪದಗಳನ್ನು ಬಳಸಬಹುದು. ಉದಾಹರಣೆಗೆ, ಒಂದು ನಿರ್ದಿಷ್ಟ ದಿನದ ಮೊದಲು ಅಥವಾ ನಂತರ ಬಂದ ಮೇಲ್ಗಳನ್ನು ಮಾತ್ರ ಫಿಲ್ಟರ್ ಮಾಡಿ ನೋಡಬಹುದು. ಇದರಿಂದ ಅನಾವಶ್ಯಕ ಮೇಲ್ಗಳ ಗೊಂದಲ ಕಡಿಮೆಯಾಗುತ್ತದೆ.
ಅಟ್ಯಾಚ್ಮೆಂಟ್ ಇರುವ ಮೇಲ್ ಹುಡುಕೋ ಟ್ರಿಕ್
ಡಾಕ್ಯುಮೆಂಟ್, ಬಿಲ್ ಅಥವಾ ಫೋಟೋ ಬಂದಿದ್ದ ಮೇಲ್ ಹುಡುಕೋದು ಕಷ್ಟ ಅನ್ನಿಸುತ್ತಿದೆಯಾ? “has:attachment” ಎಂದು ಸರ್ಚ್ ಮಾಡಿದರೆ, ಅಟ್ಯಾಚ್ಮೆಂಟ್ ಇರುವ ಮೇಲ್ಗಳು ಮಾತ್ರ ನಿಮ್ಮ ಮುಂದೆ ಬರುತ್ತವೆ. ಕೆಲಸಕ್ಕೆ ಸಂಬಂಧಿಸಿದ ಮೇಲ್ಗಳಿಗೆ ಇದು ಬಹಳ ಉಪಯುಕ್ತ.
Spam ಮತ್ತು Trash ಕೂಡ ಒಮ್ಮೆ ನೋಡಿಬಿಡಿ
ಕೆಲವೊಮ್ಮೆ ಮುಖ್ಯ ಮೆಸೇಜ್ ತಪ್ಪಾಗಿ Spam ಅಥವಾ Trash ಫೋಲ್ಡರ್ಗೆ ಹೋಗಿರುತ್ತದೆ. ಸರ್ಚ್ ಮಾಡುವಾಗ “in:spam” ಅಥವಾ “in:trash” ಎಂದು ಸೇರಿಸಿದರೆ, ಅಲ್ಲಿ ಮರೆತಿರುವ ಮೇಲ್ ಕೂಡ ಸಿಕ್ಕಿಬಿಡುತ್ತದೆ.
ಸ್ವಲ್ಪ ಜಾಣ್ಮೆ, ಸರಿಯಾದ ಪದಗಳ ಬಳಕೆ ಇವೆರಡಿದ್ದರೆ Gmail ಇನ್ಬಾಕ್ಸ್ನಲ್ಲಿ ಕಳೆದುಹೋದ ಯಾವುದೇ ಮೆಸೇಜ್ ನಿಮಗೆ ಮಿಸ್ ಆಗೋದಿಲ್ಲ. ಇನ್ನು ಮುಂದೆ “ಮೇಲ್ ಬಂದಿರಲಿಲ್ಲ” ಅನ್ನೋ ಟೆನ್ಶನ್ ಬೇಡ.
