ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕ್ರಿಸ್ಮಸ್ ಹಬ್ಬ ಹಾಗೂ ಸತತ ರಜೆಗಳ ಹಿನ್ನೆಲೆಯಲ್ಲಿ ಸ್ವಗ್ರಾಮಗಳಿಗೆ ಮತ್ತು ಪ್ರವಾಸಿ ತಾಣಗಳಿಗೆ ತೆರಳುವ ಜನರಿಗಾಗಿ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯು ವಿಶೇಷ ಸಾರಿಗೆ ವ್ಯವಸ್ಥೆಯನ್ನು ಪ್ರಕಟಿಸಿದೆ.
ವಿಶೇಷ ಬಸ್ಗಳ ವೇಳಾಪಟ್ಟಿ
ಡಿಸೆಂಬರ್ 19, 20 ಮತ್ತು 24 ರಂದು ಹೆಚ್ಚುವರಿ ಬಸ್ಗಳು ಸಂಚರಿಸಲಿವೆ. ಹಬ್ಬ ಮುಗಿಸಿ ವಾಪಸ್ ಬರುವವರಿಗಾಗಿ ಡಿಸೆಂಬರ್ 26 ಮತ್ತು 28 ರಂದು ವಿಶೇಷ ಬಸ್ಗಳ ವ್ಯವಸ್ಥೆ ಇರಲಿದೆ.
ಎಲ್ಲೆಲ್ಲಿಂದ ಪ್ರಯಾಣ?
ಮೆಜೆಸ್ಟಿಕ್ ಇಲ್ಲಿಂದ ಧರ್ಮಸ್ಥಳ, ಕುಕ್ಕೆ ಸುಬ್ರಮಣ್ಯ, ಶಿವಮೊಗ್ಗ, ಮಂಗಳೂರು, ಉತ್ತರ ಕರ್ನಾಟಕದ ಜಿಲ್ಲೆಗಳು ಹಾಗೂ ಹೈದರಾಬಾದ್, ತಿರುಪತಿಯಂತಹ ಹೊರರಾಜ್ಯದ ನಗರಗಳಿಗೆ ಬಸ್ಗಳು ಲಭ್ಯವಿವೆ.
ಮೈಸೂರು ರಸ್ತೆ ಸ್ಯಾಟಲೈಟ್ ನಿಲ್ದಾಣ: ಮೈಸೂರು, ಮಡಿಕೇರಿ, ವಿರಾಜಪೇಟೆ ಹಾಗೂ ಕುಶಾಲನಗರ ಭಾಗಕ್ಕೆ ಹೋಗುವವರು ಇಲ್ಲಿಂದ ಪ್ರಯಾಣಿಸಬಹುದು. ಸಾಮಾನ್ಯ ಸಾರಿಗೆಯಿಂದ ಹಿಡಿದು ಐಷಾರಾಮಿ ಐರಾವತ ಮತ್ತು ಸ್ಲೀಪರ್ ಕೋಚ್ಗಳು ಲಭ್ಯವಿವೆ.
ಪ್ರಯಾಣಿಕರನ್ನು ಪ್ರೋತ್ಸಾಹಿಸಲು ಕೆಎಸ್ಆರ್ಟಿಸಿ ಎರಡು ಮುಖ್ಯ ರಿಯಾಯಿತಿಗಳನ್ನು ಘೋಷಿಸಿದೆ:
ನಾಲ್ಕು ಅಥವಾ ಅದಕ್ಕಿಂತ ಹೆಚ್ಚು ಪ್ರಯಾಣಿಕರು ಒಟ್ಟಾಗಿ ಟಿಕೆಟ್ ಕಾಯ್ದಿರಿಸಿದರೆ 5% ರಿಯಾಯಿತಿ ಸಿಗಲಿದೆ. ಹೋಗುವ ಮತ್ತು ಬರುವ ಟಿಕೆಟ್ಗಳನ್ನು ಒಟ್ಟಿಗೇ ಬುಕ್ ಮಾಡಿದರೆ, ಮರಳುವ ಪ್ರಯಾಣದ ದರದಲ್ಲಿ 10% ರಿಯಾಯಿತಿ ದೊರೆಯಲಿದೆ.
