ಹೊಸದಿಗಂತ ಡಿಜಿಟಲ್ ಡೆಸ್ಕ್:
ನಗರದ ಎಚ್ಎಸ್ಆರ್ ಲೇಔಟ್ನಲ್ಲಿ ಕಾಲ್ ಸೆಂಟರ್ ಮುಖಾಂತರ ಅಮೆರಿಕ ಮತ್ತು ಕೆನಡಾ ದೇಶಗಳ ಪ್ರಜೆಗಳನ್ನು ಗುರಿಯಾಗಿಸಿಕೊಂಡು ಕೋಟ್ಯಂತರ ರೂಪಾಯಿ ವಂಚನೆ ನಡೆಸಿದ್ದ ಬೃಹತ್ ‘ಡಿಜಿಟಲ್ ಅರೆಸ್ಟ್’ ಜಾಲವನ್ನು ನಗರದ ಪೊಲೀಸರು ಭೇದಿಸಿದ್ದಾರೆ.
ಪೊಲೀಸರು ಪತ್ತೆಹಚ್ಚಿರುವಂತೆ, ‘ಸೈಬಿಟ್ಸ್’ ಎಂದು ಕರೆಯಲ್ಪಡುವ ಈ ನಕಲಿ ಕಾಲ್ ಸೆಂಟರ್ ತನ್ನನ್ನು ಅಮೆರಿಕದ ಕಾನೂನು ಸಂಸ್ಥೆಗಳ ಅಧಿಕಾರಿಗಳಾಗಿ ಪರಿಚಯಿಸಿಕೊಂಡು ಪ್ರಜೆಗಳಿಗೆ ‘ಡಿಜಿಟಲ್ ಅರೆಸ್ಟ್’ ಎಂದು ಭಯಹತ್ತಿಸಿ ಹಣ ವಸೂಲಿ ಮಾಡುತ್ತಿತ್ತು. ಆರೋಪಿಗಳು ನಕಲಿ ಅಮೆರಿಕನ್ ಕೋರ್ಟ್ ಸಮನ್ಸ್ಗಳನ್ನು ಬಳಸಿಕೊಂಡು ತಮ್ಮ ಚಟುವಟಿಕೆಗಳನ್ನು ಕಾನೂನುಬಾಹಿರವಾಗಿ ಮಾಡಿದ್ದರು.
ಯುವಕರನ್ನು ಅಮೆರಿಕನ್ ಶೈಲಿಯ ಇಂಗ್ಲಿಷ್ನಲ್ಲಿ ಮಾತನಾಡಲು ತರಬೇತಿ ನೀಡಿ ವಂಚನೆ ನಡೆಸಿಸುವಂತೆ ವ್ಯವಸ್ಥೆ ಮಾಡಲಾಗಿತ್ತು. ಕಾರ್ಯಾಚರಣೆಯ ವೇಳೆ 41 ಕಂಪ್ಯೂಟರ್ ಸಿಸ್ಟಮ್ಗಳು, 25 ಮೊಬೈಲ್ ಫೋನ್ಗಳು, ನೆಟ್ವರ್ಕಿಂಗ್ ಉಪಕರಣಗಳು ಮತ್ತು ನಕಲಿ ಪೊಲೀಸ್ ಐಡಿಗಳನ್ನು ವಶಪಡಿಸಲಾಗಿದೆ. ಬಂಧಿತ 16 ಆರೋಪಿಗಳಲ್ಲಿ ನಾಲ್ವರನ್ನು ಹೆಚ್ಚಿನ ವಿಚಾರಣೆಗಾಗಿ ಸೈಬರ್ ಠಾಣೆಗೆ ಹಸ್ತಾಂತರಿಸಲಾಗಿದೆ.
ಈ ಜಾಲವು ಕಳೆದ ಎರಡು ವರ್ಷಗಳಲ್ಲಿ ಸುಮಾರು 150 ಕೋಟಿ ರೂ. ವಂಚನೆ ನಡೆಸಿರುವಂತೆ ಅನುಮಾನ ವ್ಯಕ್ತವಾಗಿದೆ. ವರದಿ ಪ್ರಕಾರ, ಅಪರಾಧಿಗಳಿಗೆ ತಿಂಗಳಿಗೆ 22–28 ಸಾವಿರ ರೂ. ವೇತನ ನೀಡಲಾಗುತ್ತಿತ್ತು ಮತ್ತು ಡಿಜಿಟಲ್ ಅರೆಸ್ಟ್ ಯಶಸ್ವಿಯಾದಲ್ಲಿ ಹೆಚ್ಚುವರಿ ಬೋನಸ್ ನೀಡಲಾಗುತ್ತಿತ್ತು. ಈ ಮೂಲಕ ಅಮೆರಿಕ ಪ್ರಜೆಗಳಿಂದ ಕ್ರಿಪ್ಟೋಕರೆನ್ಸಿ ಮುಖಾಂತರ ಹಣ ವರ್ಗಾವಣೆ ಮಾಡಿದ ಶಂಕೆ ವ್ಯಕ್ತವಾಗಿದೆ.
