ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಜಪಾನ್ ಪ್ರವಾಸದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರು ಜಪಾನ್ ಪ್ರಧಾನಿ ಇಶಿಬಾ ಮತ್ತು ಅವರ ಪತ್ನಿಗೆ ವಿಶೇಷ ಉಡುಗೊರೆಯನ್ನು ನೀಡಿದ್ದಾರೆ.
ಯೋಶಿಕೋ ಇಶಿಬಾ ಅವರಿಗೆ ಪಶ್ಮಿನಾ ಶಾಲು ನೀಡಿದ್ದಾರೆ. ಹಾಗೆಯೇ ಅವರು ಪ್ರಧಾನಿ ಶಿಗೇರು ಇಶಿಬಾ ಅವರಿಗೆ ಚಾಪ್ಸ್ಟಿಕ್ಗಳೊಂದಿಗೆ ರಾಮೆನ್ ಬೌಲ್ ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ.
ಈ ಉಡುಗೊರೆಯ ವಿಶೇಷತೆ ಏನು?
ಸಿಲ್ವರ್ ಚಾಪ್ಸ್ಟಿಕ್ಗಳೊಂದಿಗೆ ನೀಡಲಾದ ವಿಂಟೇಜ್ ಪ್ರೆಷಸ್ ಸ್ಟೋನ್ ಬೌಲ್ಗಳು ಭಾರತೀಯ ಕಲಾತ್ಮಕತೆ ಮತ್ತು ಜಪಾನೀಸ್ ಪಾಕಪದ್ಧತಿಯ ಸಂಪ್ರದಾಯದ ಮಿಶ್ರಣವಾಗಿದೆ. ನಾಲ್ಕು ಸಣ್ಣ ಚಾಪ್ಸ್ಟಿಕ್ಗಳು ಮತ್ತು ಬೆಳ್ಳಿ ಚಾಪ್ಸ್ಟಿಕ್ಗಳೊಂದಿಗೆ ದೊಡ್ಡ ಕಂದು ಚಂದ್ರಶಿಲೆಯ ಬಟ್ಟಲನ್ನು ಒಳಗೊಂಡಿರುವ ಇದು ಜಪಾನ್ನ ಡಾನ್ಬುರಿ ಮತ್ತು ಸೋಬಾ ಆಚರಣೆಗಳಿಂದ ಸ್ಫೂರ್ತಿ ಪಡೆದಿದೆ.
ಆಂಧ್ರಪ್ರದೇಶದಿಂದ ತರಲಾದ ಚಂದ್ರಶಿಲೆಯು ಸುಂದರವಾಗಿ ಹೊಳೆಯುತ್ತದೆ ಮತ್ತು ಪ್ರೀತಿ, ಸಮತೋಲನ ಮತ್ತು ರಕ್ಷಣೆಯನ್ನು ಸಂಕೇತಿಸುತ್ತದೆ. ಇಶಿಬಾ ಪತ್ನಿ ಯೋಶಿಕೋ ಇಶಿಬಾ ಅವರಿಗೆ ಪಶ್ಮಿನಾ ಶಾಲು ನೀಡಿದ್ದಾರೆ. ಪಶ್ಮಿನಾ ಶಾಲನ್ನು ಲಡಾಖ್ನಲ್ಲಿರುವ ಚಾಂಗ್ಥಂಗಿ ಆಡಿನ ಉತ್ತಮ ಉಣ್ಣೆಯಿಂದ ತಯಾರಿಸಲಾಗುತ್ತದೆ. ಇದು ಹಗುರ, ಮೃದುವಾಗಿರುತ್ತದೆ.ಕಾಶ್ಮೀರಿ ಕುಶಲಕರ್ಮಿಗಳು ಕೈಯಿಂದ ನೇಯ್ದ ಇದು, ರಾಜಮನೆತನದಿಂದ ಪಾಲಿಸಲ್ಪಟ್ಟ ಶತಮಾನಗಳಷ್ಟು ಹಳೆಯದಾದ ಸಂಪ್ರದಾಯವನ್ನು ಹೊಂದಿದೆ.ಶಾಲು ಮತ್ತು ಪೆಟ್ಟಿಗೆ ಒಟ್ಟಾಗಿ ಕಾಶ್ಮೀರದ ಕಲಾತ್ಮಕತೆ, ಪರಂಪರೆ ಮತ್ತು ಕಾಲಾತೀತ ಸೊಬಗನ್ನು ಪ್ರತಿನಿಧಿಸುತ್ತವೆ.
ಇದಕ್ಕೂ ಮುನ್ನ ಟೋಕಿಯೊದ ದೇವಾಲಯದ ಅರ್ಚಕರೊಬ್ಬರು ಪ್ರಧಾನಿ ಮೋದಿ ಅವರಿಗೆ ದರುಮಾ ಗೊಂಬೆಯನ್ನ ಉಡುಗೊರೆಯಾಗಿ ನೀಡಿದರು, ಇದನ್ನು ಜಪಾನ್ನಲ್ಲಿ ವಿಶೇಷವೆಂದು ಪರಿಗಣಿಸಲಾಗಿದೆ.
