ಸುಂದರ ತ್ವಚೆ ಎಂದರೆ ಕೇವಲ ದುಬಾರಿ ಕ್ರೀಮ್‌ಗಳಿಂದ ಸಿಗೋದು ಅಲ್ಲ! ಮಾರುಕಟ್ಟೆಯ ಕಾಸ್ಮೆಟಿಕ್ ಪ್ರಾಡಕ್ಟ್‌ಗಳು ಕೆಲಕಾಲ ಮಾತ್ರ ಪರಿಣಾಮ ನೀಡುತ್ತವೆ, ಆದರೆ ನೈಸರ್ಗಿಕ ಮನೆಮದ್ದಿನ ಮೂಲಕ ತ್ವಚೆಯ ಆರೋಗ್ಯ ಶಾಶ್ವತವಾಗಿ ಕಾಪಾಡಬಹುದು. ನಿಮ್ಮ ಅಡುಗೆಮನೆಯಲ್ಲಿ ದೊರೆಯುವ ಸಾಮಾನ್ಯ ಪದಾರ್ಥಗಳಿಂದ ತಯಾರಿಸಬಹುದಾದ ಈ ಫೇಸ್ ಪ್ಯಾಕ್‌ಗಳು ತ್ವಚೆಗೆ ನೈಸರ್ಗಿಕ ಹೊಳಪನ್ನು ನೀಡುತ್ತವೆ ಮತ್ತು ಮೊಡವೆ, ಕಲೆ ಮುಂತಾದ ಸಮಸ್ಯೆಗಳನ್ನು ನಿವಾರಿಸುತ್ತವೆ.
ಕಡಲೆಹಿಟ್ಟು–ಮೊಸರಿನ ಫೇಸ್ ಪ್ಯಾಕ್
ಮನೆಯಲ್ಲಿ ಸುಲಭವಾಗಿ ದೊರೆಯುವ ಕಡಲೆಹಿಟ್ಟು ಮತ್ತು ಮೊಸರನ್ನು ಸಮ ಪ್ರಮಾಣದಲ್ಲಿ ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿ. 20 ನಿಮಿಷಗಳ ಬಳಿಕ ತಣ್ಣೀರು ಬಳಸಿ ತೊಳೆದುಕೊಳ್ಳಿ. ಇದು ತ್ವಚೆಯಲ್ಲಿರುವ ಧೂಳು, ಎಣ್ಣೆಯನ್ನು ತೆಗೆದುಹಾಕಿ ಹೊಸ ಕಾಂತಿಯನ್ನು ನೀಡುತ್ತದೆ.
ಅರಿಶಿನ–ಜೇನುತುಪ್ಪದ ಫೇಸ್ ಪ್ಯಾಕ್
ಅರಿಶಿನ ಸೋಂಕು ನಿವಾರಕ ಗುಣ ಹಾಗೂ ಜೇನುತುಪ್ಪದ ಹೈಡ್ರೇಟಿಂಗ್ ಶಕ್ತಿಯ ಸಂಯೋಜನೆ ಚರ್ಮಕ್ಕೆ ಅದ್ಭುತ ಪರಿಣಾಮ ನೀಡುತ್ತದೆ. ಈ ಮಿಶ್ರಣವನ್ನು ಮುಖಕ್ಕೆ ಹಚ್ಚಿ 15 ನಿಮಿಷ ಬಿಡಿ. ಇದು ಚರ್ಮವನ್ನು ಮೃದುವಾಗಿಸಿ, ಒಣತನವನ್ನು ಕಡಿಮೆ ಮಾಡುತ್ತದೆ.
ರೋಸ್ ವಾಟರ್–ಚಂದನ ಪ್ಯಾಕ್
ರೋಸ್ ವಾಟರ್‌ಗೆ ಚಂದನವನ್ನು ಬೆರೆಸಿ ಲೇಪವಾಗಿ ಹಚ್ಚಿ. ಈ ಪ್ಯಾಕ್ ಮುಖದ ಉಷ್ಣತೆಯನ್ನು ತಗ್ಗಿಸಿ ತಂಪು ನೀಡುತ್ತದೆ. ಮೊಡವೆ, ಡೆಡ್ ಸ್ಕಿನ್ ಹಾಗೂ ಕಲೆಗಳ ನಿವಾರಣೆಗೆ ಇದು ಪರಿಣಾಮಕಾರಿ.
ಹನಿ–ಲೆಮನ್ ಫೇಸ್ ಪ್ಯಾಕ್
ನಿಂಬೆರಸದಲ್ಲಿ ಇರುವ ವಿಟಮಿನ್ ಸಿ ಚರ್ಮದ ಕಾಂತಿಯನ್ನು ಹೆಚ್ಚಿಸುತ್ತದೆ, ಜೇನುತುಪ್ಪ ಚರ್ಮವನ್ನು ತೇವಯುಕ್ತವಾಗಿಡುತ್ತದೆ. ನಿಂಬೆ ರಸ ಮತ್ತು ಜೇನುತುಪ್ಪವನ್ನು ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಡಿ. ತೊಳೆದ ನಂತರ ತ್ವಚೆ ಪ್ರಕಾಶಮಾನವಾಗಿ ಹೊಳೆಯುತ್ತದೆ.
ಹಾಲು–ಅರಿಶಿನ ಫೇಸ್ ಪ್ಯಾಕ್
ಹಾಲು ಮತ್ತು ಸ್ವಲ್ಪ ಅರಿಶಿನವನ್ನು ಸೇರಿಸಿ ಪೇಸ್ಟ್ ಮಾಡಿ ಹಚ್ಚಿ. ಇದು ಚರ್ಮದ ಕಲೆಗಳನ್ನು ಕಡಿಮೆ ಮಾಡಿ, ಹೊಳಪು ಹೆಚ್ಚಿಸುತ್ತದೆ.
