ಕಾಂತಾರ ನೋಡಲು ಹೋದಾಗ ಈ ನಟಿ ವಿಸಲ್​ ತೆಗೆದುಕೊಂಡು ಹೋಗಿದ್ದು ಯಾಕೆ?

ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:

ಕಾಂತಾರ ಸಿನಿಮಾ ನೋಡಿದ ಅನೇಕ ನಾಯಕ ನಟಿಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಇದೀಗ ಕರಾವಳಿ ಮೂಲದ ‘ರಂಗಿತರಂಗ’ ಖ್ಯಾತಿಯ ನಟಿ ಆವಂತಿಕಾ ಶೆಟ್ಟಿ ಕೂಡ ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.

ಹೊಂಬಾಳೆ ಫಿಲ್ಮ್ಸ್ ನಿರ್ಮಾಣ, ರಿಷಬ್ ಶೆಟ್ಟಿ ರಚನೆ-ನಿರ್ದೇಶನದಲ್ಲಿ ಮೂಡಿಬಂದು ಭರ್ಜರಿ ಪ್ರದರ್ಶನ ಕಾಣುತ್ತಿರುವ ಕಾಂತಾರವನ್ನು ಒಂದಲ್ಲ, ಎರಡು ಸಲ ನೋಡಿದ್ದಾರೆ. ಅದರಲ್ಲೂ ಎರಡನೇ ಸಲ ನೋಡಲು ಹೋಗುವಾಗ ಸುಮ್ಮನೆ ಹೋಗಿಲ್ಲ ಎಂಬುದನ್ನೂ ಹೇಳಿಕೊಂಡಿದ್ದಾರೆ.

#KantaraMovie 1st time I watched in Bangalore I lost my voice(obviously coz of the cheering) so for the 2nd time watch in Mumbai I couldn’t stop myself from buying a whistle.@shetty_rishab thank you for this beautiful piece of art. pic.twitter.com/TEpeykCIva

— Avantika Shetty (@avantikashetty1) October 17, 2022

ನಾನು ಮೊದಲನೇ ಸಲ ಕಾಂತಾರ ಚಿತ್ರವನ್ನು ಬೆಂಗಳೂರಿನಲ್ಲಿ ನೋಡಿ, ನನ್ನ ಧ್ವನಿಯನ್ನೇ ಕಳೆದುಕೊಂಡಿದ್ದೆ. ಖಂಡಿತವಾಗಿಯೂ ಅದು ಸಿನಿಮಾ ನೋಡುವಾಗ ಕೂಗಿ ಕೂಗಿಯೇ ಹಾಗಾಗಿದ್ದು. ಹೀಗಾಗಿ ಎರಡನೇ ಸಲ ಕಾಂತಾರವನ್ನು ಮುಂಬೈನದಲ್ಲಿ ನೋಡುವಾಗ ವಿಸಲ್​ ತೆಗೆದುಕೊಂಡು ಹೋಗಿದ್ದೆ ಎಂಬುದಾಗಿ ಆವಂತಿಕಾ ಹೇಳಿಕೊಂಡಿದ್ದಾರೆ. ಇಂಥದ್ದೊಂದು ಸುಂದರ ಕಲಾತ್ಮಕ ಸಿನಿಮಾ ಕೊಟ್ಟಿದ್ದಕ್ಕೆ ಥ್ಯಾಂಕ್ಸ್ ಎಂದು ಅವರು ರಿಷಬ್​ ಶೆಟ್ಟಿಗೆ ಮೆಚ್ಚುಗೆ ಕೂಡ ವ್ಯಕ್ತಪಡಿಸಿದ್ದಾರೆ.