ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಾಜ್ಯ ರಾಜಧಾನಿ ಬೆಂಗಳೂರಿನ ಜನತೆ ತುರ್ತು ಪೊಲೀಸರನ್ನು ಸಂಪರ್ಕ ಮಾಡಲು ಬಳಸುತ್ತಿದ್ದ 112 ಸಹಾಯವಾಣಿ ಸಂಖ್ಯೆಯನ್ನು ಹ್ಯಾಕ್ ಮಾಡಲಾಗಿದೆ. ಈ ಹಿನ್ನೆಲೆಯಲ್ಲಿ ತಾತ್ಕಾಲಿಕವಾಗಿ ಬದಲಿ ದೂರವಾಣಿ ಸಂಖ್ಯೆಯನ್ನು ನೀಡಲಾಗಿದೆ.
ಬೆಂಗಳೂರು ಪೊಲೀಸ್ ಇಲಾಖೆಯ 112 ಸಂಖ್ಯೆ ಹ್ಯಾಕ್ ಆಗಿದೆ. ಟೆಕ್ನಿಕಲ್ ತೊಂದರೆಯಿಂದಾಗಿ 112 ಸ್ಥಗಿತವಾಗಿದೆ. ಈ ಬಗ್ಗೆ ಟ್ವಿಟರ್ ಮೂಲಕ ಬೆಂಗಳೂರು ಪೊಲೀಸ್ ಇಲಾಖೆ ಮಾಹಿತಿ ನೀಡಿದೆ.
ಟೆಕ್ನಿಕಲ್ ತೊಂದರೆಯಾಗಿ 112 ಗೆ ಕರೆಗಳು ಬರುತ್ತಿಲ್ಲ . ಹೀಗಾಗಿ ಪರ್ಯಾಯ ನಂಬರ್ ಬಳಸುವಂತೆ ಸೂಚನೆ ನೀಡಲಾಗಿದೆ. 112 ಬದಲಿಗೆ 080-22943000 ಬಳಸುವಂತೆ ಸೂಚನೆ ನೀಡಿದ್ದಾರೆ. ಯಾವುದೇ ಅಪರಾಧ ಸಂಬಂಧಿತ ವಿಚಾರಗಳಿಗೆ ಪರ್ಯಾಯ ನಂಬರ್ ಬಳಸುವಂತೆ ಸಾರ್ವಜನಿಕರಿಗೆ ಸೂಚನೆ ನೀಡಲಾಗಿದೆ.