ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌
ಮೇಷ
ಮನೆಕಾರ್ಯದಲ್ಲಿ ನೀವು ಹೆಚ್ಚುವರಿ ಜವಾಬ್ದಾರಿ ಹೊರಬೇಕಾಗುವುದು. ಕೆಲಸಗಳ್ಳತನ ಫಲ ನೀಡದು. ಪ್ರಾಮಾಣಿಕ ಶ್ರಮ ಫಲ ತರುವುದು.
ವೃಷಭ
ನಿಮ್ಮ ವಿಶ್ವಾಸ ಹೆಚ್ಚಿಸುವ ಬೆಳವಣಿಗೆ. ನಿರ್ಧಾರದಲ್ಲಿ ಅಚಲವಾಗಿರಿ. ಯಾರದೋ ಪ್ರಭಾವಕ್ಕೆ ಒಳಗಾಗಿ ನಿಲುವು ಬದಲಿಸಬೇಡಿ.
ಮಿಥುನ
ಇಂದಿನ ದಿನ ನಿಮಗೆ ಹೆಚ್ಚು ಕೆಲಸ, ಹೆಚ್ಚು ಒತ್ತಡ, ಹೆಚ್ಚು ಕಿರಿಕಿರಿ. ಆತ್ಮೀಯರ ಜತೆಗೇ ವಾಗ್ವಾದ ನಡೆದೀತು. ಮನಶ್ಯಾಂತಿ ದೂರ. ಸಹನೆ ಅವಶ್ಯ.
ಕಟಕ
ವೃತ್ತಿ ಮತ್ತು ಖಾಸಗಿ ಬದುಕಿನಲ್ಲಿ ಉನ್ನತಿ ಸಾಧಿಸಲು ಅವಕಾಶ ಒದಗಲಿದೆ. ಅದನ್ನು ಸರಿಯಾಗಿ ಬಳಸಿಕೊಳ್ಳುವುದು ನಿಮ್ಮ ಹೊಣೆಗಾರಿಕೆ.
ಸಿಂಹ
ಮನೆಯಲ್ಲಿ ಭಾವನಾತ್ಮಕ ಸಂಘರ್ಷ ಉಂಟಾದರೂ ಬೇಗನೆ ಸರಿ ಹೋಗುವುದು. ಆಪ್ತ ಬಂಧುವಿನಿಂದ ಶುಭ ಸುದ್ದಿ ಕೇಳುವಿರಿ. ಧನವ್ಯಯ.
ಕನ್ಯಾ
ಉದ್ಯೋಗ ಕ್ಷೇತ್ರದಲ್ಲಿ ಕೆಲವು ಬದಲಾವಣೆ ಉಂಟಾದೀತು. ನಿಮ್ಮ ಹೊಣೆ ಸರಿಯಾಗಿ ನಿಭಾಯಿಸಿ. ಕುಂಟು ನೆಪ ಹೇಳಿ ಕರ್ತವ್ಯ ತಪ್ಪಿಸಬೇಡಿ.
ತುಲಾ
ವೃತ್ತಿಕ್ಷೇತ್ರದಲ್ಲಿ ಸೌಹಾರ್ದ ವಾತಾವರಣ. ಹಾಗಾಗಿ ಬಿಕ್ಕಟ್ಟು, ವಾಗ್ವಾದ ಶಮನ. ಮನೆಯಲ್ಲೂ ಖುಷಿ ತರುವ ಮನಸ್ಥಿತಿ. ಕುಟುಂಬಸ್ಥರ ಸಹಕಾರ.
ವೃಶ್ಚಿಕ
ಕೆಲವರು ನಿಮಗೆ ಸಮಸ್ಯೆ ಸೃಷ್ಟಿಸಬಹುದು. ಅವರ ಜತೆ ಹೊಂದಾಣಿಕೆಯಿಂದ ಕಾರ್ಯ ನಿರ್ವಹಿಸಿ. ಕೌಟುಂಬಿಕ ಶಾಂತಿ ಕಾಪಾಡಲು ಹೆಚ್ಚಿನ ಆದ್ಯತೆ ಕೊಡಿ.
ಧನು
ನಿಮ್ಮ ಮೆಚ್ಚಿನ ವ್ಯಕ್ತಿಯ ಜತೆ ಭಾವನಾತ್ಮಕವಾಗಿ ಹತ್ತಿರವಾಗುವಿರಿ. ತಪ್ಪು ಕಲ್ಪನೆ ನೀಗುವುದು. ಆರ್ಥಿಕವಾಗಿ ನಿಮ್ಮ ಹೂಡಿಕೆ ಉತ್ತಮ ಫಲ ನೀಡುವುದು.
ಮಕರ
ಸಂಗಾತಿ ಜತೆಗೆ ಕಠಿಣ ವರ್ತನೆ ಬಿಡಿ. ನಾನು ತಲೆಬಾಗಲಾರೆ ಎಂಬಂತಹ ಹಠಮಾರಿತನ ಒಳಿತಲ್ಲ. ಹೊಂದಾಣಿಕೆ ಎಲ್ಲಕ್ಕಿಂತ ಮುಖ್ಯ.
ಕುಂಭ
ಇಂದು ಬಿಡುವಿಲ್ಲದ ಒತ್ತಡ. ಹೊಣೆಗಾರಿಕೆ ಹೆಚ್ಚಳ. ಎಲ್ಲರ ಜತೆ ಉತ್ತಮ ಸಂವಹನ ಸಾಧಿಸಿ. ಸಣ್ಣ ವಿಷಯ ಕೌಟುಂಬಿಕ ಕಲಹಕ್ಕೆ ಕಾರಣವಾದೀತು.
ಮೀನ
ನಿಮಗೆ ಹಿನ್ನಡೆ ಯಾಗುವ ಬೆಳವಣಿಗೆ ಸಂಭವಿಸ ಬಹುದು. ಪ್ರತೀ ವಿಷಯದಲ್ಲೂ ಇಂದು ಎಚ್ಚರಿಕೆಯಿಂದ ಹೆಜ್ಜೆಯಿಡಿ. ನೈತಿಕ ಚೌಕಟ್ಟು ಮೀರದಿರಿ.
