ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಕೊರೊನಾ ಮಹಾಮಾರಿ ಜನಜೀವನವನ್ನೇ ಅಸ್ತವ್ಯಸ್ತಗೊಳಿಸಿದೆ. ಕೊರೊನಾದಿಂದ ಈಗಾಗಲೇ ಕೋಟಿಗಟ್ಟಲೆ ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಲಸಿಕೆ ಹಾಕಿಸಿಕೊಳ್ಳುವಂತೆ ಸರ್ಕಾರ ಪದೇ ಪದೇ ಸಲಹೆ ನೀಡಿದೆ. ಈ ಕ್ರಮದಲ್ಲಿ, ಜಾರ್ಖಂಡ್‌ನ ಸದರ್ ಆಸ್ಪತ್ರೆಯಲ್ಲಿ 1,95,000 ಬಳಕೆಯಾಗದ ಕೋವಿಡ್ ಲಸಿಕೆಗಳನ್ನು ನಾಶಪಡಿಸಲಾಗಿದೆ.
ಈ ಬಳಕೆಯಾಗದ ಕೋವಿಡ್-19 ಲಸಿಕೆಗಳು ಮಾರ್ಚ್ 31, 2023 ರಂದು ಮುಕ್ತಾಯಗೊಂಡಿವೆ ಎಂದು ದಿಯೋಗರ್ ಜಿಲ್ಲಾ ಆಸ್ಪತ್ರೆ DRHO ಹೇಳಿದೆ. ಉಳಿದ, ಬಳಕೆಯಾಗದ ಲಸಿಕೆಗಳನ್ನು ಸರ್ಕಾರದ ಮಾರ್ಗಸೂಚಿಗಳ ಪ್ರಕಾರ ಬಿಸಿ ನೀರಿನಲ್ಲಿ ಕುದಿಸಿ ನಂತರ ಮಣ್ಣಿನ ಗುಂಡಿಯಲ್ಲಿ ಹೂಳಲಾಯಿತು.
ಕೆಲವು ಡೋಸ್ ಲಸಿಕೆಗಳು ಡಿಸೆಂಬರ್ ಮತ್ತು ಮಾರ್ಚ್ ನಡುವಿನ ವಿವಿಧ ದಿನಾಂಕಗಳಲ್ಲಿ ಅವಧಿ ಮುಗಿದಿವೆ. ಲಸಿಕೆಗಳ ನಾಶದ ಸಂದರ್ಭದಲ್ಲಿ, ಎಸ್‌ಸಿಎಂಒ ಡಾ.ಸಿ.ಕೆ ಶಾಹಿ, ಡಿಪಿಎಂ ನೀರಜ್ ಭಗತ್ ಮತ್ತು ಆರೋಗ್ಯ ಅಧಿಕಾರಿಗಳು ಉಪಸ್ಥಿತರಿದ್ದರು.
