ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಈ ವರ್ಷದ ಭವ್ಯ ದೀಪಾವಳಿ ಆಚರಣೆಗೆ ಶ್ರೀರಾಮನ ಅಯೋಧ್ಯೆ ನಗರ ಸಜ್ಜಾಗಿದೆ. ಡಾ. ರಾಮ್ ಮನೋಹರ ಲೋಹಿಯಾ ಅವಧ್ ವಿಶ್ವವಿದ್ಯಾಲಯದ ಆಡಳಿತವು ದೀಪಾವಳಿಯಂದು 24 ಲಕ್ಷ ದೀಪಗಳನ್ನು ಬೆಳಗಿಸುವ ಮೂಲಕ ವಿಶ್ವ ದಾಖಲೆ ನಿರ್ಮಿಸಲು ಹೊರಟಿದೆ. 51 ಘಾಟ್‌ಗಳಲ್ಲಿ ‘ಅಯೋಧ್ಯೆ ದೀಪೋತ್ಸವ’ವನ್ನು ಐತಿಹಾಸಿಕವಾಗಿಸಲು ನಿರ್ಧರಿಸಿದೆ.
ವಿಶ್ವವಿದ್ಯಾನಿಲಯದ ಉಪಕುಲಪತಿ ಪ್ರತಿಭಾ ಗೋಯಲ್ ಅವರ ಮೇಲ್ವಿಚಾರಣೆಯಲ್ಲಿ 25,000 ಕ್ಕೂ ಹೆಚ್ಚು ಸ್ವಯಂಸೇವಕರು ದೀಪೋತ್ಸವದಲ್ಲಿ ಭಾಗಿಯಾಗಲಿದ್ದಾರೆ. ಘಾಟ್ ಉಸ್ತುವಾರಿಗಳು ಮತ್ತು ಘಾಟ್ ಸಂಯೋಜಕರ ಮೇಲ್ವಿಚಾರಣೆಯಲ್ಲಿ ಸ್ವಯಂಸೇವಕರ ಸಹಾಯದಿಂದ ಈಗಾಗಲೇ ಎಲ್ಲಾ ಘಾಟ್‌ಗಳಲ್ಲಿ 60 ರಿಂದ 70 ರಷ್ಟು ದೀಪಗಳನ್ನು ಇರಿಸಲಾಗಿದೆ ಎಂದು ಪತ್ರಿಕಾ ಪ್ರಕಟಣೆ ತಿಳಿಸಿದೆ.
ದೀಪೋತ್ಸವಕ್ಕೆ ಸಂಬಂಧಿಸಿದ ಜವಾಬ್ದಾರಿಗಳನ್ನು ನಿರ್ವಹಿಸುವ ಅಧಿಕಾರಿಗಳ ಪ್ರವೇಶವನ್ನು ದೀಪೋತ್ಸವ ಸೈಟ್‌ಗೆ ಅನುಮತಿಸಲಾಗುವುದು. ಸ್ವಯಂಸೇವಕರು, ವಿಶ್ವವಿದ್ಯಾಲಯದ ಆಡಳಿತ ಮತ್ತು ಜಿಲ್ಲಾಡಳಿತ ನೀಡಿದ ಗುರುತಿನ ಚೀಟಿಗಳೊಂದಿಗೆ ಮಾತ್ರ ದೀಪೋತ್ಸವದ ಸ್ಥಳಕ್ಕೆ ಪ್ರವೇಶಿಸಲು ಅನುಮತಿಸಲಾಗುತ್ತದೆ. ದೀಪೋತ್ಸವ ಗುರುತಿನ ಚೀಟಿಯೊಂದಿಗೆ ಆಧಾರ್ ಕಾರ್ಡ್ ಕಡ್ಡಾಯವಾಗಿದೆ.
ನವೆಂಬರ್ 9 ರೊಳಗೆ ಎಲ್ಲಾ ಘಾಟ್‌ಗಳಲ್ಲಿ ದೀಪಗಳನ್ನಿರಿಸುವ ಕೆಲಸವನ್ನು ಘಾಟ್ ಉಸ್ತುವಾರಿಗಳ ಮೇಲ್ವಿಚಾರಣೆಯಲ್ಲಿ ಸ್ವಯಂಸೇವಕರು ಮಾಡಲಿದ್ದಾರೆ. ನ.10ರಂದು ದೀಪಗಳನ್ನು ಅಲಂಕರಿಸಿ ಗುರಿ ತಲುಪಿದ ಬಳಿಕ, ಗಿನ್ನಿಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ತಂಡದಿಂದ ದೀಪಗಳ ಎಣಿಕೆ ನಡೆಯಲಿದೆ.
