ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬೋಯಿಂಗ್ ವಿಮಾನಗಳ ಪರಿಶೀಲನೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಏರ್ ಇಂಡಿಯಾ ಇಂದು 5 ಅಂತಾರಾಷ್ಟ್ರೀಯ ವಿಮಾನಗಳ ಸೇವೆಯನ್ನು ರದ್ದುಗೊಳಿಸಿದೆ.
ಅವುಗಳಲ್ಲಿ AI 915 (ದೆಹಲಿ-ದುಬೈ), AI 153 (ದೆಹಲಿ-ವಿಯೆನ್ನಾ), AI 143 (ದೆಹಲಿ-ಪ್ಯಾರಿಸ್), AI 159 (ಅಹಮದಾಬಾದ್-ಲಂಡನ್), ಮತ್ತು AI 170 (ಲಂಡನ್-ಅಮೃತಸರ) ಸೇರಿವೆ. ಅಹಮದಾಬಾದ್-ಲಂಡನ್ ವಿಮಾನವನ್ನು ರದ್ದುಗೊಳಿಸಿದ ಕೆಲವು ಗಂಟೆಗಳ ನಂತರ “ಕಡ್ಡಾಯ ಪೂರ್ವ-ವಿಮಾನ ತಪಾಸಣೆಗಳು ಸಮಸ್ಯೆ ಎದುರಾಗಿದೆ” ಎಂದು ನಂತರ ಏರ್ ಇಂಡಿಯಾ ಇಂದು AI 143 ದೆಹಲಿ-ಪ್ಯಾರಿಸ್ ವಿಮಾನವನ್ನು ರದ್ದುಗೊಳಿಸಿದೆ.
“ನಮ್ಮ ಪ್ರಯಾಣಿಕರಿಗೆ ಉಂಟಾದ ಅನಾನುಕೂಲತೆಗೆ ನಾವು ವಿಷಾದಿಸುತ್ತೇವೆ ಮತ್ತು ಪರ್ಯಾಯ ವ್ಯವಸ್ಥೆಗಳನ್ನು ಮಾಡುತ್ತಿದ್ದೇವೆ. ನಾವು ಹೋಟೆಲ್ ವಸತಿ ಸೌಕರ್ಯವನ್ನು ಒದಗಿಸುತ್ತಿದ್ದೇವೆ. ಪ್ರಯಾಣಿಕರು ಒಪ್ಪಿದರೆ ರದ್ದತಿಗಾಗಿ ಪೂರ್ಣ ಮರುಪಾವತಿ ಅಥವಾ ಉಚಿತ ರೀ-ಶೆಡ್ಯೂಲ್ ಸಹ ನೀಡುತ್ತಿದ್ದೇವೆ” ಎಂದು ವಿಮಾನಯಾನ ಸಂಸ್ಥೆ ತಿಳಿಸಿದೆ.
