ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ಕಳ್ಳಸಾಗಣೆ ಮತ್ತು ವಿದೇಶಿ ವಿನಿಮಯ ದುರುಪಯೋಗ ಮಾಡುವವರ (ಆಸ್ತಿ ಮುಟ್ಟುಗೋಲು) ಕಾಯ್ದೆ ಅಡಿಯಲ್ಲಿ ಮೇಲ್ಮನವಿ ನ್ಯಾಯಮಂಡಳಿಯು ಐಸಿಐಸಿಐ ಬ್ಯಾಂಕಿನ ಮಾಜಿ ಸಿಇಒ ಚಂದಾ ಕೊಚ್ಚರ್ ನ್ನು ದೋಷಿ ಎಂದು ಘೋಷಿಸಿದೆ.
2009 ರಲ್ಲಿ ವಿಡಿಯೋಕಾನ್ ಗ್ರೂಪ್‌ಗೆ 300 ಕೋಟಿ ಸಾಲವನ್ನು ಮಂಜೂರು ಮಾಡಿ 64 ಕೋಟಿ ಲಂಚ ಸ್ವೀಕರಿಸಿದ ಆರೋಪ ಚಂದಾ ಕೊಚ್ಚರ್ ಮೇಲಿದೆ. ಈ ಆದೇಶವು ಪಿಎಂಎಲ್‌ಎ ತೀರ್ಪು ನೀಡುವ ಪ್ರಾಧಿಕಾರದಿಂದ ಅವರು ಪಡೆದಿದ್ದ ಹಿಂದಿನ ಕ್ಲೀನ್ ಚಿಟ್ ನ್ನು ರದ್ದುಗೊಳಿಸುತ್ತದೆ ಮತ್ತು ಜಾರಿ ನಿರ್ದೇಶನಾಲಯದ ಅವರ ಆಸ್ತಿಗಳ ತಾತ್ಕಾಲಿಕ ಜಪ್ತಿಯನ್ನು ಎತ್ತಿಹಿಡಿಯುತ್ತದೆ.
ಚಂದಾ ಕೊಚ್ಚರ್ ಸಾಲವನ್ನು ಅನುಮೋದಿಸುವಲ್ಲಿ ಸ್ಪಷ್ಟ ಹಿತಾಸಕ್ತಿ ಸಂಘರ್ಷವಿದೆ ಎಂದು ನ್ಯಾಯಮಂಡಳಿಯು ಒತ್ತಿಹೇಳಿದೆ. ವಿಡಿಯೋಕಾನ್ ಘಟಕಕ್ಕೆ ಹಣವನ್ನು ವಿತರಿಸಿದ ನಂತರ 64 ಕೋಟಿ ರೂಪಾಯಿ ಅವರ ಪತಿ ದೀಪಕ್ ಕೊಚ್ಚರ್ ಪ್ರವರ್ತಿಸಿದ ಕಂಪನಿಯಾದ ನುಪವರ್ ರಿನ್ಯೂವಬಲ್ಸ್ ಪ್ರೈವೇಟ್ ಲಿಮಿಟೆಡ್ಗೆ ಸೇರಿದೆ ಎಂದು ತಿಳಿದುಬಂದಿದೆ.
ಈ ಮೊತ್ತವನ್ನು ಸುಪ್ರೀಂ ಎನರ್ಜಿ ಪ್ರೈವೇಟ್ ಲಿಮಿಟೆಡ್ ಮೂಲಕ ವರ್ಗಾಯಿಸಲಾಗಿದೆ, ಇದು ವಿಡಿಯೋಕಾನ್‌ನ ಪ್ರವರ್ತಕ ವೇಣುಗೋಪಾಲ್ ಧೂತ್‌ಗೆ ಸಂಬಂಧಿಸಿದೆ ಎಂದು ವರದಿಯಾಗಿದೆ.
ಅಂತಿಮ ನಿರ್ಧಾರವು ವಿಚಾರಣಾ ನ್ಯಾಯಾಲಯಕ್ಕೆ ಬಿಟ್ಟದ್ದು ಎಂದು ನ್ಯಾಯಮಂಡಳಿ ಹೇಳಿದ್ದರೂ, ಹಣ ಅಕ್ರಮ ವರ್ಗಾವಣೆ ಆರೋಪದ ಅಡಿಯಲ್ಲಿ ಜಪ್ತಿ ಆದೇಶವನ್ನು ಸಮರ್ಥಿಸಲು ಸಾಕಷ್ಟು ಪ್ರಾಥಮಿಕ ಪುರಾವೆಗಳಿವೆ ಎಂದು ಅದು ತೀರ್ಮಾನಿಸಿತು.
