ಹಾಲು ಕುದಿಸುವಾಗ ಅದು ಉಕ್ಕಿ ಚೆಲ್ಲುವುದು ಬಹುತೇಕ ಮನೆಯವರ ದಿನನಿತ್ಯದ ತಲೆನೋವು. ಕೆಲವೊಮ್ಮೆ ಹಾಲು ಉಕ್ಕಿ ಸ್ಟವ್ ಮೇಲೆ ಹರಿದು ಅಸಹ್ಯ ವಾತಾವರಣ ಸೃಷ್ಟಿಸುತ್ತದೆ. ಇದನ್ನು ಶುದ್ಧಗೊಳಿಸುವುದು ಕೂಡ ಸುಲಭವಲ್ಲ. ಆದರೆ ಕೆಲವು ಸರಳ ಟಿಪ್ಸ್‌ಗಳನ್ನು ಬಳಸಿ ಹಾಲು ಉಕ್ಕಿ ಚೆಲ್ಲುವ ಸಮಸ್ಯೆಯನ್ನು ಸುಲಭವಾಗಿ ತಪ್ಪಿಸಬಹುದು.
- ಪಾತ್ರೆಯಲ್ಲಿ ನೀರು ಹಾಕುವುದು: ಹಾಲು ಕಾಯಿಸುವ ಪಾತ್ರೆಯಲ್ಲಿ ಮೊದಲು ಸ್ವಲ್ಪ ನೀರು ಹಾಕಿ, ನಂತರ ಹಾಲು ಸೇರಿಸಿ ಕುದಿಸಿದರೆ ಹಾಲು ಉಕ್ಕುವುದಿಲ್ಲ. ಜೊತೆಗೆ ಪಾತ್ರೆಯು ಸ್ವಲ್ಪ ದೊಡ್ಡದಾಗಿರುವುದು ಒಳಿತು.
- ಪಾತ್ರೆಯ ಅಂಚಿಗೆ ಬೆಣ್ಣೆ ಹಚ್ಚುವುದು: ಹಾಲು ಕುದಿಸುವ ಮೊದಲು ಪಾತ್ರೆಯ ಅಂಚಿನ ಸುತ್ತಲೂ ಸ್ವಲ್ಪ ಬೆಣ್ಣೆ ಅಥವಾ ತುಪ್ಪ ಹಚ್ಚಿದರೆ, ಹಾಲು ಉಕ್ಕಿ ಹೊರಗೆ ಚೆಲ್ಲುವುದನ್ನು ತಡೆಯಬಹುದು.
- ನೀರು ಚಿಮುಕಿಸುವ ವಿಧಾನ: ಹಾಲು ಉಕ್ಕಿ ಬರುವ ಸಮಯದಲ್ಲಿ ಅದರ ಮೇಲೆ ಸ್ವಲ್ಪ ನೀರನ್ನು ಚಿಮುಕಿಸಿದರೆ ಹಾಲಿನ ಉಕ್ಕುವಿಕೆ ತಕ್ಷಣ ನಿಂತುಹೋಗುತ್ತದೆ.
- ಮರದ ಚಮಚದ ಉಪಾಯ: ಪಾತ್ರೆಯ ಮಧ್ಯದಲ್ಲಿ ಒಂದು ಮರದ ಚಮಚವನ್ನು ಇರಿಸಿದರೆ ಹಾಲಿನ ನೊರೆ ಎತ್ತರಕ್ಕೆ ಏರದೇ ಉಕ್ಕುವುದನ್ನು ತಡೆಯುತ್ತದೆ.
- ಪಾತ್ರೆ ಎತ್ತಿ ಅಲುಗಾಡಿಸುವುದು: ಹಾಲು ಉಕ್ಕುತ್ತಿರುವುದನ್ನು ಗಮನಿಸಿದ ತಕ್ಷಣ ಪಾತ್ರೆಯನ್ನು ಸ್ವಲ್ಪ ಎತ್ತಿ ಅಲುಗಾಡಿಸಿ, ನಂತರ ಮತ್ತೆ ಇಟ್ಟರೆ ಹಾಲು ತಕ್ಷಣ ಶಾಂತವಾಗುತ್ತದೆ.
