ಇಂದಿನ ವೇಗದ ಜೀವನದಲ್ಲಿ ವೈವಾಹಿಕ ಸಂಬಂಧಗಳಲ್ಲಿ ಅಸಮಾಧಾನ ಮತ್ತು ಘರ್ಷಣೆಗಳು ಸಹಜ. ಆದರೆ ಇವುಗಳನ್ನು ಸರಿಯಾದ ರೀತಿಯಲ್ಲಿ ನಿರ್ವಹಿಸಿದರೆ ಸಂಬಂಧವನ್ನು ಇನ್ನಷ್ಟು ಬಲಗೊಳಿಸಬಹುದು. ಪ್ರೀತಿಯ ಮೂಲ ಅರ್ಥ ಪರಸ್ಪರ ಅರ್ಥಮಾಡಿಕೊಳ್ಳುವಿಕೆ ಮತ್ತು ಗೌರವದಲ್ಲಿ ಅಡಕವಾಗಿದೆ. ಗಂಡ–ಹೆಂಡತಿಯ ಸಂಬಂಧವು ಸಂತೋಷಕರವಾಗಿರಬೇಕಾದರೆ ಇಬ್ಬರೂ ಪ್ರಯತ್ನಿಸಬೇಕಾಗುತ್ತದೆ ಕೇವಲ ಒಬ್ಬರ ಪ್ರಯತ್ನದಿಂದ ಅದು ಸಾಧ್ಯವಿಲ್ಲ.
- ಸಕಾರಾತ್ಮಕವಾಗಿ ಮಾತನಾಡುವುದು ಅತ್ಯಗತ್ಯ: ಸಂಗಾತಿಯ ಬಗ್ಗೆ ಸದಾ ಒಳ್ಳೆಯದನ್ನು ಮಾತನಾಡಿ, ಅವರ ಪ್ರಯತ್ನಗಳನ್ನು ಮೆಚ್ಚಿಕೊಳ್ಳಿ. ಅವರಲ್ಲಿ ನಿಮಗೆ ಇಷ್ಟವಾಗುವ ಗುಣಗಳನ್ನು ಹಂಚಿಕೊಂಡರೆ ಅವರು ಗೌರವಿತರಾಗಿರುವ ಭಾವನೆ ಉಂಟಾಗುತ್ತದೆ.
- ಜಗಳದ ಸಮಯದಲ್ಲಿ ಶಾಂತವಾಗಿರಿ: ಸಣ್ಣ ವಿಷಯಗಳಿಗೆ ದೊಡ್ಡ ಪ್ರತಿಕ್ರಿಯೆ ನೀಡಬೇಡಿ. ಬದಲಾಗಿ ಶಾಂತವಾಗಿ ಮಾತನಾಡಿ ಮತ್ತು ನಿಮ್ಮವರು ಹೇಳುವುದನ್ನು ಗಮನಿಸಿ. ಸಮಸ್ಯೆ ಶೀಘ್ರದಲ್ಲಿ ಬಗೆಹರಿಯುತ್ತದೆ.
- ಒಳ್ಳೆಯ ಗುಣಗಳನ್ನು ಗುರುತಿಸಿ: ಯಾವ ಸಂಬಂಧದಲ್ಲಾದರೂ ತಪ್ಪುಗಳಿಗಿಂತ ಒಳ್ಳೆಯ ಸಂಗತಿಗಳತ್ತ ಗಮನಹರಿಸಿ. ಸಂಗಾತಿಯ ಒಳ್ಳೆಯ ಗುಣಗಳನ್ನು ಗುರುತಿಸಿ ಧನ್ಯವಾದ ಹೇಳುವುದು ಪರಸ್ಪರ ಬಾಂಧವ್ಯವನ್ನು ಬಲಗೊಳಿಸುತ್ತದೆ.
- ವೈಯಕ್ತಿಕ ಗಡಿಗಳನ್ನು ಗೌರವಿಸಿ: ಎಷ್ಟೇ ಹತ್ತಿರದಲ್ಲಿದ್ದರೂ ಕೆಲವು ವಿಷಯಗಳಲ್ಲಿ ಪರಸ್ಪರ ಮಿತಿಗಳನ್ನು ಗೌರವಿಸುವುದು ಅಗತ್ಯ. ಇದು ತಪ್ಪುಗ್ರಹಿಕೆಗಳನ್ನು ತಡೆಯುತ್ತದೆ ಮತ್ತು ಪರಸ್ಪರ ಗೌರವವನ್ನು ಹೆಚ್ಚಿಸುತ್ತದೆ.
- ಒಟ್ಟಿಗೆ ಸಂತೋಷದಿಂದ ಇರಿ: ಒಟ್ಟಿಗೆ ಹೊರಗೆ ಹೋಗುವುದು, ಸಮಯ ಕಳೆಯುವುದು ಸಂಬಂಧದಲ್ಲಿ ಹೊಸ ಚೈತನ್ಯ ತರುತ್ತದೆ. ಸಂತೋಷದ ಕ್ಷಣಗಳು ಒತ್ತಡವನ್ನು ಕಡಿಮೆ ಮಾಡಿ ಬಾಂಧವ್ಯವನ್ನು ಹೆಚ್ಚು ಆಳಮಾಡುತ್ತವೆ.
