ಮಾಹಿತಿ, ಮನರಂಜನೆ ಹಾಗೂ ಶಿಕ್ಷಣವನ್ನು ಕೋಟ್ಯಾಂತರ ಮನೆಗಳಿಗೆ ತಲುಪಿಸಿದ ಕ್ರಾಂತಿಕಾರಿ ತಂತ್ರಜ್ಞಾನವೇ ದೂರದರ್ಶನ. ಅದರ ಮಹತ್ವವನ್ನು ಸ್ಮರಿಸಲು ವಿಶ್ವ ದೂರದರ್ಶನ ದಿನವನ್ನು ಪ್ರತಿವರ್ಷ ನವೆಂಬರ್ 21ರಂದು ಆಚರಿಸಲಾಗುತ್ತದೆ. ಈ ದಿನ ಮಾನವ ಜೀವನದ ವಿವಿಧ ಕ್ಷೇತ್ರಗಳಲ್ಲಿ ದೂರದರ್ಶನ ನೀಡಿರುವ ಪರಿಣಾಮವನ್ನು ಗುರುತಿಸುವ ವಿಶೇಷ ಅವಕಾಶ.
ವಿಶ್ವ ದೂರದರ್ಶನ ದಿನದ ಇತಿಹಾಸ
1996ರಲ್ಲಿ ನಡೆದ ವಿಶ್ವ ದೂರಸಂಪರ್ಕ ಸಭೆಯಲ್ಲಿ, ಜಾಗತಿಕ ಮಟ್ಟದಲ್ಲಿ ಸಂವಹನ ಮತ್ತು ಮಾಹಿತಿ ಹಂಚಿಕೆಯಲ್ಲಿ ದೂರದರ್ಶನದ ಪಾತ್ರ ಅತೀ ಮಹತ್ವದ್ದಾಗಿದೆ ಎಂದು ಒಪ್ಪಿಕೊಳ್ಳಲಾಯಿತು. ಅದನ್ನು ಗುರುತಿಸಿ, 1996ರ ಡಿಸೆಂಬರ್‌ನಲ್ಲಿ ಯುಎನ್ ಸಾಮಾನ್ಯ ಸಭೆ ನವೆಂಬರ್ 21 ಅನ್ನು ವಿಶ್ವ ದೂರದರ್ಶನ ದಿನ ಎಂದು ಘೋಷಿಸಿತು. ಆ ನಂತರದಿಂದ, ದೂರದರ್ಶನವು ಸಮಾಜದ ಬೆಳವಣಿಗೆ, ಪ್ರಜಾಪ್ರಭುತ್ವದ ಬಲಪಡಿಕೆ ಮತ್ತು ಜಾಗತಿಕ ಜಾಗೃತಿಗೆ ನೀಡಿರುವ ಕೊಡುಗೆಯನ್ನು ಗೌರವಿಸಲು ಈ ದಿನವನ್ನು ಆಚರಿಸುತ್ತಿದ್ದಾರೆ.
ಏಕೆ ಈ ದಿನವನ್ನು ಆಚರಿಸಬೇಕು?
- ಮಾಹಿತಿಯನ್ನು ಪ್ರತಿಯೊಬ್ಬರಿಗೂ ತಲುಪಿಸಿದ ಮಾಧ್ಯಮ: ಸುದ್ದಿ, ಜಾಗತಿಕ ಘಟನೆಗಳು, ಕ್ರೀಡೆ, ಅಧ್ಯಯನಎಲ್ಲವನ್ನೂ ಮನೆ ಬಾಗಿಲಿಗೆ ತಂದ ಮಾಧ್ಯಮ.
- ಸಾಮಾಜಿಕ ಜಾಗೃತಿ ಮತ್ತು ಬದಲಾವಣೆಯ ವೇದಿಕೆ: ಪ್ರಚಾರ, ಚಳುವಳಿ, ಸಾರ್ವಜನಿಕ ಸಂದೇಶಗಳನ್ನು ಜನರಿಗೆ ಪರಿಣಾಮಕಾರಿಯಾಗಿ ತಲುಪಿಸಿದ ಸಾಧನ.
- ಸಂಸ್ಕೃತಿಗಳನ್ನು ಬೆಸೆಯುವ ಸೇತು: ವಿವಿಧ ಸಂಸ್ಕೃತಿ, ಭಾಷೆ, ಆಚಾರ-ವಿಚಾರಗಳನ್ನು ಜಗತ್ತಿಗೆ ಪರಿಚಯಿಸುವ ಪ್ಲಾಟ್‌ಫಾರ್ಮ್.
- ಮನರಂಜನೆಯ ಅತ್ಯಂತ ಜನಪ್ರಿಯ ರೂಪ: ಧಾರಾವಾಹಿ, ಚಲನಚಿತ್ರ, ಕಾರ್ಯಕ್ರಮಗಳು ಜನರ ದೈನಂದಿನ ಜೀವನದ ಭಾಗ.
- ಶಿಕ್ಷಣ ಕ್ಷೇತ್ರಕ್ಕೆ ಮಹತ್ತರ ಕೊಡುಗೆ: ವಿಶೇಷವಾಗಿ ಮಕ್ಕಳಿಗೆ ಮತ್ತು ಗ್ರಾಮೀಣ ಪ್ರದೇಶದವರಿಗೆ ಜ್ಞಾನ ತಲುಪಿಸಿದ ಸರಳ ಮಾರ್ಗ.
