ಕಾರನ್ನು ಪಟಾಕಿಗಳಿಂದ ಅಲಂಕರಿಸಿ ಬೆಂಕಿ ಹಚ್ಚಿದ ಭೂಪ: ವಿಡಿಯೋ ವೈರಲ್

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ದೀಪಾವಳಿ ಹಬ್ಬಕ್ಕೆ ಪಟಾಕಿ ಹೊಡೆಯೋದು ಕಾಮನ್‌. ಆದರೆ ಈ ಸಂದರ್ಭದಲ್ಲಿ ಹೆಚ್ಚು ಜಾಗರೂಕರಾಗಿದ್ದರೂ ಕೂಡ ಎಡವಟ್ಟಾಗುತ್ತದೆ. ಯಾವುದೇ ವಸ್ತುಗಳನ್ನಾಗಲೀ ಪಟಾಕಿ ಹಚ್ಚುವ ಸ್ಥಳದಿಂದ ದೂರವಿರಿಸುತ್ತಾರೆ. ಆದರೆ ವೈರಲ್‌ ಆಗಿರುವ ವಿಡಯೋದಲ್ಲಿ ಆ ಯೂಟ್ಯೂಬರ್‌ ಮಾಡಿದ ಕೆಲಸ ಎಲ್ಲರನ್ನು ಬೆಚ್ಚಿ ಬೀಳಿಸಿದೆ.

ರಾಜಸ್ಥಾನದ ಯೂಟ್ಯೂಬರ್ ಅಮಿತ್ ಶರ್ಮಾ ಈ ದೀಪಾವಳಿಗೆ ಕಾರನ್ನು ಪಟಾಕಿಗಳಿಂದ ಅಲಂಕರಿಸಿ, ಬೆಂಕಿ ಹಚ್ಚಿದ್ದಾರೆ. ಅಷ್ಟೊಂದು ಪಟಾಕಿ ಹಚ್ಚಿದರೆ ಕಾರು ಇರುತ್ತದೆಯೇ? ಬೆಂಕಿ ಜ್ವಾಲೆಗೆ ಕಾರಿನ ಗಾಜು ಪುಡಿ ಪುಡಿಯಾಗಿದೆ. ಆಶ್ಚರ್ಯ ಏನೆಂದರೆ ಗಾಜು ಮಾತ್ರ ಹಾಳಾಗಿದ್ದು ಕಾರು ವರ್ಕಿಂಗ್‌ ಕಂಡೀಷನಲ್ಲಿರುವುದು. ಪಟಾಕಿ ಸಿಡಿದ ಬಳಿಕ ಆತ ತನ್ನ ಸ್ನೇಹಿತರೊಂದಿಗೆ ಡ್ರೈವಿಂಗ್ ಮಾಡುವುದನ್ನು  ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿದ್ದಾನೆ.

ಈ ಬಗ್ಗೆ ನೆಟ್ಟಿಗರು ವಿಭಿನ್ನ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುತ್ತಿದ್ದಾರೆ. ಇಂತಹ ಹುಚ್ಚಾಟಗಳನ್ನು ಮಾಡುವುದು ಸರಿಯಲ್ಲ, ತುಂಬಾ ಅಪಾಯಕಾರಿ, ಜೀವದ ಜೊತೆ ಚೆಲ್ಲಾಟ ಸರಿಯಲ್ಲ ಎಂದರು. ಇಂತಹ ಕೆಲಸಗಳಿಂದ ಸಮಾಜಕ್ಕೆ ಎಂತಹ ಸಂದೇಶ ಕೊಡಲು ಹೊರಟಿದ್ದಾರೆ ಎಂದು ಸೀರಿಯಸ್ ಆಗುತ್ತಿದ್ದಾರೆ.

ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ

LEAVE A REPLY

Please enter your comment!
Please enter your name here

error: Content is protected !!