ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಡಿಸೆಂಬರ್ 2 ರಿಂದ ಆರಂಭವಾಗಲಿರುವ ಪ್ರತಿಷ್ಠಿತ ಇಂಟರ್ನ್ಯಾಷನಲ್ ಲೀಗ್ ಟಿ20 (ILT20) ಟೂರ್ನಿಯಲ್ಲಿ ಎಂಐ ಎಮಿರೇಟ್ಸ್ ತಂಡವನ್ನು ಅನುಭವಿ ಆಟಗಾರ ಕೀರನ್ ಪೊಲಾರ್ಡ್ ಮುನ್ನಡೆಸಲಿದ್ದಾರೆ. ಕಳೆದ ಸೀಸನ್ನಲ್ಲಿ ತಂಡವನ್ನು ಯಶಸ್ವಿಯಾಗಿ ಮುನ್ನಡೆಸಿದ್ದ ನಿಕೋಲಸ್ ಪೂರನ್ ಬದಲಿಗೆ ಈ ಬಾರಿ ಪೊಲಾರ್ಡ್ಗೆ ನಾಯಕತ್ವದ ಜವಾಬ್ದಾರಿ ವಹಿಸಲಾಗಿದೆ.
ಎಂಐ ಎಮಿರೇಟ್ಸ್ನ ಕಳೆದ ಸೀಸನ್ನ ನಾಯಕ ನಿಕೋಲಸ್ ಪೂರನ್ ಅವರು ಈ ಬಾರಿ ಟೂರ್ನಿಯ ಕೊನೆಯ ಪಂದ್ಯಗಳಿಗೆ ಅಲಭ್ಯರಾಗಲಿದ್ದಾರೆ. ಏಕೆಂದರೆ, ಐಎಲ್ಟಿ20 ಟೂರ್ನಿಯ ಮಧ್ಯದಲ್ಲೇ ಸೌತ್ ಆಫ್ರಿಕಾ ಟಿ20 ಲೀಗ್ ಸಹ ಪ್ರಾರಂಭವಾಗಲಿದೆ. ಅಲ್ಲಿ ಪೂರನ್ ಅವರು ಎಂಐ ಕೇಪ್ ಟೌನ್ ತಂಡದ ನಾಯಕನಾಗಿ ಕಣಕ್ಕಿಳಿಯಬೇಕಿದೆ.
ಈ ಹಿನ್ನೆಲೆಯಲ್ಲಿ, ಎಂಐ ಎಮಿರೇಟ್ಸ್ ತಂಡವು ಹಿರಿಯ ಮತ್ತು ಅನುಭವಿ ಟಿ20 ಆಟಗಾರರಾದ ಕೀರನ್ ಪೊಲಾರ್ಡ್ ಅವರನ್ನು ವೈಲ್ಡ್ ಕಾರ್ಡ್ ಆಯ್ಕೆಯ ಮೂಲಕ ತಂಡಕ್ಕೆ ಸೇರಿಸಿಕೊಂಡಿದೆ. ಅಲ್ಲದೆ, ಅವರ ಅನುಭವವನ್ನು ಪರಿಗಣಿಸಿ ಅವರಿಗೆ ನಾಯಕತ್ವದ ಜವಾಬ್ದಾರಿಯನ್ನು ವಹಿಸಲಾಗಿದೆ.
ಕಳೆದ ನಾಲ್ಕು ಸೀಸನ್ಗಳಲ್ಲಿ ಎಂಐ ಎಮಿರೇಟ್ಸ್ ತಂಡವು ಒಂದು ಬಾರಿ ಮಾತ್ರ ಚಾಂಪಿಯನ್ ಪಟ್ಟ ಅಲಂಕರಿಸಿದೆ. 2024 ರಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ದುಬೈ ಕ್ಯಾಪಿಟಲ್ಸ್ ತಂಡವನ್ನು ಮಣಿಸಿ ಅವರು ಚಾಂಪಿಯನ್ ಆಗಿದ್ದರು. ಇದೀಗ, ಪೊಲಾರ್ಡ್ ಅವರ ಸಾರಥ್ಯದಲ್ಲಿ ಕಣಕ್ಕಿಳಿಯುತ್ತಿರುವ ಎಮಿರೇಟ್ಸ್ ಪಡೆಯಿಂದ ಈ ಸೀಸನ್ನಲ್ಲಿ ಮತ್ತಷ್ಟು ಉತ್ತಮ ಮತ್ತು ಭರ್ಜರಿ ಪ್ರದರ್ಶನವನ್ನು ನಿರೀಕ್ಷಿಸಬಹುದು.
🏏 ಎಂಐ ಎಮಿರೇಟ್ಸ್ ತಂಡದ ಆಟಗಾರರ ಪಟ್ಟಿ:
ಕೀರನ್ ಪೊಲಾರ್ಡ್ (ನಾಯಕ), ನಿಕೋಲಸ್ ಪೂರನ್, ಕ್ರಿಸ್ ವೋಕ್ಸ್, ಫಝಲ್ಹಕ್ ಫಾರೂಕಿ, ಜಾನಿ ಬೈರ್ಸ್ಟೋವ್, ಜೋರ್ಡಾನ್ ಥಾಂಪ್ಸನ್, ಕಮಿಂದು ಮೆಂಡಿಸ್, ಅಕೀಮ್ ಆಗಸ್ಟೆ, ಎಎಮ್ ಗಝನ್ಫರ್, ಆಂಡ್ರೆ ಫ್ಲೆಚರ್, ಅರಬ್ ಗುಲ್, ಮೊಹಮ್ಮದ್ ಶಫೀಕ್, ಮುಹಮ್ಮದ್ ರೋಹಿದ್, ಮುಹಮ್ಮದ್ ವಸೀಮ್, ನವೀನ್-ಉಲ್-ಹಕ್, ರೊಮಾರಿಯೊ ಶೆಫರ್ಡ್, ನೊಸ್ತುಶ್ ಕೆಂಜಿಗೆ, ಶಾಕಿಬ್ ಅಲ್ ಹಸನ್, ತಾಜಿಂದರ್ ಧಿಲ್ಲೋನ್, ಟಾಮ್ ಬ್ಯಾಂಟನ್, ಉಸ್ಮಾನ್ ಖಾನ್, ಝಹೂರ್ ಖಾನ್, ಜೈನ್ ಉಲ್ ಅಬಿದೀನ್.
