ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಸ್ಯಾಂಡಲ್ ವುಡ್ ನಟ ರಕ್ಷಿತ್ ಶೆಟ್ಟಿ (Rakshit Shetty) ಬಹುನೀರಿಕ್ಷಿತ ಸಿನಿಮಾ ‘ಸಪ್ತಸಾಗರದಾಚೆ ಎಲ್ಲೋ’ ಸಿನಿಮಾ ರಿಲೀಸ್ ಗೆ ಸಿದ್ದವಾಗಿದ್ದು, ಇದರ ಬೆನ್ನಲ್ಲೇ ಮುಂದಿನ ಅವರ ಸಿನಿಮಾ ರಕ್ಷಿತ್ ಉತ್ತರ ನೀಡಿದ್ದಾರೆ.
ಗುರು ಪೂರ್ಣಿಮೆಯ ದಿನದಂದು ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋವೊಂದನ್ನು ಶೇರ್ ಮಾಡಿರುವ ರಕ್ಷಿತ್, ತಮ್ಮ ಮುಂದಿನ ಕನಸು ಮತ್ತು ಪ್ರಾಜೆಕ್ಟ್ ಗಳ ಬಗ್ಗೆ ಹೇಳಿಕೊಂಡಿದ್ದಾರೆ.
ಮುಂದಿನ ನಾಲ್ಕು ವರ್ಷಗಳ ಒಳಗೆ ಎರಡು ಸಿನಿಮಾಗಳನ್ನು ನಿರ್ದೇಶನ ಮಾಡುವ ಗುರಿಯನ್ನು ಹೊಂದಿರುವುದಾಗಿ ಹೇಳಿರುವ ರಕ್ಷಿತ್, ರಿಚರ್ಡ್ ಆಂಟನಿ (Richard Antony) ಮತ್ತು ಪುಣ್ಯಕೋಟಿ (Punyakoti) ಸಿನಿಮಾಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ. ಈಗಾಗಲೇ ಈ ಸಿನಿಮಾಗಳ ಕುರಿತಂತೆ ನಾಲ್ಕು ವರ್ಷಗಳನ್ನು ಕಳೆದಿದ್ದೇನೆ. ಇನ್ನೂ ನಾಲ್ಕು ವರ್ಷ ಬೇಕಾಗಬಹುದು ಎಂದು ಅವರು ತಿಳಿಸಿದ್ದಾರೆ.
ತಾವು ನಡೆದು ಬಂದು ಹಾದಿಯನ್ನು ನೆನಪಿಸಿಕೊಂಡ ರಕ್ಷಿತ್ , ಯಶಸ್ಸು ಎನ್ನುವುದು ಕೆಲವರಿಗೆ ರಾತ್ರೋರಾತ್ರಿ ಸಿಕ್ಕಿದೆ. ಇನ್ನೂ ಕೆಲವರು ತಪಸ್ಸು ಮಾಡಬೇಕು ಎಂದರು.
ರಿಚರ್ಡ್ ಆಂಟನಿ ಮತ್ತು ಪುಣ್ಯಕೋಟಿ ಸಿನಿಮಾಗೆ ಪ್ರೇರಣೆ ಏನು? ತಮಗೆ ಕಥೆ ಹುಟ್ಟಿದ್ದು ಎಲ್ಲಿ? ತಾವು ಬೆಳೆದು ಬಂದ ಪರಿಸರ ಎಂತಹದ್ದು ಎಂದೂ ಹೇಳಿಕೊಂಡಿರುವ ರಕ್ಷಿತ್, ಪರಶುರಾಮ ಮತ್ತು ಆತನ ಕೊಡಲಿಯೇ ತಮ್ಮ ನಿರ್ದೇಶನದ ಎರಡು ಸಿನಿಮಾಗಳಿಗೆ ಸ್ಫೂರ್ತಿ ಎಂದು ಅವರು ವಿಡಿಯೋದಲ್ಲಿ ಹೇಳಿದ್ದಾರೆ.
