ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಕೆಲವು ಸಸ್ಯಗಳು ವಿಷಕಾರಿ ಎಂಬ ಅಂಶ ಎಲ್ಲರಿಗೂ ಗೊತ್ತು. ಆದರೆ ಆತ್ಮಹತ್ಯೆಗೆ ಪ್ರೇರೇಪಿಸುವ ಅತ್ಯಂತ ಅಪಾಯಕಾರಿ ಸಸ್ಯದ ಬಗ್ಗೆ ನೀವು ಕೇಳಿದ್ದೀರಾ?.
ಜಿಂಪಿ-ಜಿಂಪಿ ವಿಶ್ವದ ಅತ್ಯಂತ ವಿಷಕಾರಿ ಸಸ್ಯ ಎಂದು ದೃಢಪಡಿಸಲಾಗಿದೆ. ಇದು ಆತ್ಮಹತ್ಯಾ ಆಲೋಚನೆಗಳನ್ನು ಪ್ರಚೋದಿಸುತ್ತದೆ. ಉರ್ಟಿಕೇಸಿ ನೆಟಲ್ ಕುಟುಂಬಕ್ಕೆ ಸೇರಿದ ಈ ಸಸ್ಯವು ಆಸ್ಟ್ರೇಲಿಯಾ ಮತ್ತು ಇಂಡೋನೇಷ್ಯಾದ ಕಾಡುಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಈಗ ಈ ಸಸ್ಯವನ್ನು ಯುಕೆ ಮೂಲದ ಬ್ರಿಟ್ ತನ್ನ ತೋಟದಲ್ಲಿ ಬೆಳೆಸಿದ್ದಾನೆ. ಇದನ್ನು ಸಾಕುವುದು ಒಂದು ಸಾಹಸ. 1866 ರಲ್ಲಿ ಈ ಸಸ್ಯವನ್ನು ಮೊದಲು ಕಂಡುಹಿಡಿದಾಗ, ಕುದುರೆಯು ಅದನ್ನು ಮುಟ್ಟಿತು. ಮತಿ ಸ್ಥಿಮಿತತೆಯಿಂದಾಗಿ ಎರಡು ಗಂಟೆಗಳ ತೀವ್ರ ನೋವಿನ ನಂತರ ಅದು ಸಾವನ್ನಪ್ಪಿತು.
ಈ ಸಸ್ಯವು ಕೂದಲಿನಂತೆ ಸಣ್ಣ ಸೂಜಿಗಳನ್ನು ಹೊಂದಿದೆ. ಇದನ್ನು ಸ್ಪರ್ಶಿಸುವುದರಿಂದ ಚರ್ಮ ಸುಡುವಿಕೆ ಅಥವಾ ವಿದ್ಯುತ್ ಆಘಾತ ಉಂಟಾಗುತ್ತದೆ. ನೋವು 20 ರಿಂದ 30 ನಿಮಿಷಗಳಲ್ಲಿ ಪ್ರಾರಂಭವಾಗುತ್ತದೆ ಮತ್ತು ವಾರಗಳು ಅಥವಾ ತಿಂಗಳುಗಳವರೆಗೆ ಇರುತ್ತದೆ. ಆ ಸಮಯದಲ್ಲಿ ವ್ಯಕ್ತಿಯು ತೀವ್ರ ಆತಂಕ ಮತ್ತು ಆತ್ಮಹತ್ಯೆಯ ಆಲೋಚನೆಗಳನ್ನು ಅನುಭವಿಸುತ್ತಾನೆ. ನೋವು ತಾಳಲಾರದೆ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆಯೂ ದಾಖಲಾಗಿದೆಯಂತೆ. ಒಟ್ಟಿನಲ್ಲಿ ಈ ಗಿಡ ಬೆಳೆಸುವುದು ಎಂದರೆ ಪ್ರಾಣ ತೆಗೆದುಕೊಳ್ಳುವುದಂತಲೇ ಅರ್ಥ.
