ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಅನೇಕ ಮಂದಿ ಉಪ್ಪಿಟ್ಟು ತಿನ್ನೋಕೆ ಇಷ್ಟ ಪಡೋದಿಲ್ಲ, ಅಂತವರು ಒಮ್ಮೆ ಟ್ರೈ ಮಾಡಿ ರವೆ ಪೊಂಗಲ್.
ಬೇಕಾಗುವ ಸಾಮಾಗ್ರಿಗಳು:
* ರವೆ (ಹುರಿದಿಟ್ಟುಕೊಳ್ಳಿ)
* ಹೆಸರುಕಾಳು
* ತುಪ್ಪ
* ಕರಿಮೆಣಸು
* ಜೀರಿಗೆ
* ಗೋಡಂಬಿ
* ಕರಿಬೇವು
* ಶುಂಠಿ
* ನೀರು
ಮಾಡುವ ವಿಧಾನ:
* ಮೊದಲಿಗೆ ಹೆಸರುಬೇಳೆಯನ್ನು ಕುಕ್ಕರಿನಲ್ಲಿ ಬೇಯಿಸಿಕೊಳ್ಳಿ.
* ರವೆಯನ್ನು ಹುರಿದುಕೊಳ್ಳಿ.
* ನಂತರ ಬಾಣಲೆಯಲ್ಲಿ ತುಪ್ಪ ಹಾಕಿ ಕಾಯಿಸಿ ಮೆಣಸು ಮತ್ತು ಗೋಡಂಬಿಯನ್ನು ಹಾಕಿ ಕೆಂಪಾಗುವವರೆಗೆ ಹುರಿಯಿರಿ. ನಂತರ ಅದಕ್ಕೆ ಜೀರಿಗೆ ಸೇರಿಸಿ. ಅದಕ್ಕೆ 3 ಕಪ್ ನೀರು ಹಾಕಿ ಅದಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಕುದಿಯಲು ಬಿಡಿ.
* ನೀರು ಕುದಿ ಬಂದಾಗ ಅದಕ್ಕೆ ಹುರಿದಿಟ್ಟ ರವೆ ಸೇರಿಸಿ ಬೇಯಿಸಿ.
* ರವೆ ಬೇಯಲು ಆರಂಭವಾದ ತಕ್ಷಣ ಬೇಯಿಸಿಕೊಂಡ ಹೆಸರು ಬೇಳೆ ಸೇರಿಸಿ. ಇದನ್ನು ಒಂದು ಹದಕ್ಕೆ ಬರುವವರೆಗೆ ಕಲಸಿ. ಸಿದ್ಧವಾದ ನಂತರ ಅದಕ್ಕೆ ಕರಿಬೇವಿನ ಎಲೆ ಮತ್ತು ತುಪ್ಪವನ್ನು ಸೇರಿಸಬಹುದು.
ಇದೀಗ ಬಿಸಿ ಬಿಸಿಯಾದ ರವೆ ಪೊಂಗಲ್ ಸವಿಯಲು ಸಿದ್ದ.
