ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಸ್ವಾತಂತ್ರ್ಯ ದಿನಾಚರಣೆ ಅಂಗವಾಗಿ ಬೆಂಗಳೂರಿನ ಲಾಲ್‌ಬಾಗ್‌ನಲ್ಲಿ ಪ್ರತೀ ವರ್ಷ ನಡೆಯುವ ಫ್ಲವರ್ ಶೋ ಈ ಬಾರಿಯೂ ನಡೆಯಲಿದ್ದು, ನಾಳೆಯಿಂದ ಫ್ಲವರ್ ಶೋಗೆ ಚಾಲನೆ ಸಿಗಲಿದೆ.
ಕೊರೋನಾ ಕಾರಣದಿಂದ ಎರಡು ವರ್ಷ ರದ್ದಾಗಿದ್ದ ಫ್ಲವರ್ ಶೋ ಇದೀಗ ಈ ಬಾರಿ ಮತ್ತೆ ನಡೆಯುತ್ತಿದ್ದು, ಒಟ್ಟಾರೆ 10 ಲಕ್ಷ ಮಂದಿ ಬರುವ ನಿರೀಕ್ಷೆ ಇದೆ. ಸಿಎಂ ಸಿದ್ದರಾಮಯ್ಯ ನಾಳೆ ಸಂಜೆ ಆರು ಗಂಟೆಗೆ ಶೋ ಉದ್ಘಾಟನೆ ಮಾಡಲಿದ್ದಾರೆ, ನಾಳೆಯಿಂದ ಆ.15ರವರೆಗೂ ಶೋ ನಡೆಯಲಿದೆ.
ಥೀಮ್ ಏನು?
ಈ ಬಾರಿ ವಿಧಾನಸೌಧ ಹಾಗೂ ಮಾಜಿ ಮುಖ್ಯಮಂತ್ರಿ ಕೆಂಗಲ್ ಹನುಮಂತಯ್ಯ ಅವರ ಪರಿಕಲ್ಪನೆಯಲ್ಲಿ ಫ್ಲವರ್ ಶೋ ಮೂಡಿ ಬರಲಿದೆ.
ಎರಡು ಕೋಟಿ ರೂಪಾಯಿ
ಈ ಬಾರಿಯ ಫ್ಲವರ್ ಶೋನಲ್ಲಿ ಒಟ್ಟಾರೆ 69ಬಗೆಯ ಹೂವುಗಳನ್ನು ನೋಡಬಹುದಾಗಿದೆ. ಇದಕ್ಕಾಗಿ ಎರಡು ಕೋಟಿ ರೂಪಾಯಿ ಖರ್ಚು ಮಾಡಲಾಗಿದೆ.
ಏನೆಲ್ಲಾ ಸಿದ್ಧತೆಗಳು?
- ಶಾಲಾ ಮಕ್ಕಳಿಗಾಗಿ ಫ್ಲವರ್ ಶೋ ಫ್ರೀ
- ಸಾರ್ವಜನಿಕರಿಗೆ ಸಾಕಷ್ಟು ಪಾರ್ಕಿಂಗ್ ವ್ಯವಸ್ಥೆ
- ನಾಲ್ಕೂ ಗೇಟ್‌ಗಳಲ್ಲಿ ಜನರಿಗೆ ಎಂಟ್ರಿ
- 200ಕ್ಕೂ ಹೆಚ್ಚು ಸಿಸಿಟಿವಿ ಅಳವಡಿಕೆ
- ಸಾಕು ನಾಯಿಗಳಿಗೆ ವ್ಯಾಕ್ಸಿನ್
- 30 ಪೊಲೀಸ್ ಸಿಬ್ಬಂದಿ ನೇಮಕ
- ಹೆಲ್ತ್ ಕೇರ್ ಸೆಂಟರ್, ಆಂಬುಲೆನ್ಸ್
- ಮಹಿಳೆಯರಿಗಾಗಿ ಎರಡು ಪ್ರತ್ಯೇಕ ಶಿಬಿರ
