ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಜಮ್ಮುವಿನ ರಾಷ್ಟ್ರೀಯ ತನಿಖಾ ಸಂಸ್ಥೆ(ಎನ್‌ಐಎ) ಪ್ರಧಾನ ಕಚೇರಿಯ ಬಳಿ ಭಾನುವಾರ ಚೀನಾ ನಿರ್ಮಿತ ಅಸಾಲ್ಟ್ ರೈಫಲ್ ಪತ್ತೆಯಾಗಿದೆ.
ಉನ್ನತ ಪೊಲೀಸ್ ಮತ್ತು ಭದ್ರತಾ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿದ್ದು, ಚೀನಾ ನಿರ್ಮಿತ ಅಸಾಲ್ಟ್ ರೈಫಲ್‌ನ ದೂರದರ್ಶಕವನ್ನು ವಶಪಡಿಸಿಕೊಂಡಿದ್ದಾರೆ.
ಪೊಲೀಸ್ ವಕ್ತಾರರ ಪ್ರಕಾರ, ರೈಫಲ್ ಮೇಲೆ ಅಳವಡಿಸಬಹುದಾದ ಈ ದೂರದರ್ಶಕವನ್ನು ಜಮ್ಮು ಮತ್ತು ಕಾಶ್ಮೀರ ಪೊಲೀಸರ ಭದ್ರತಾ ವಿಭಾಗದ ಪ್ರಧಾನ ಕಚೇರಿ ಬಳಿಯ ಸಿಧ್ರಾ ಪ್ರದೇಶದಿಂದ ವಶಪಡಿಸಿಕೊಳ್ಳಲಾಗಿದೆ. ದೂರದರ್ಶಕವು ಆ ಪ್ರದೇಶವನ್ನು ಹೇಗೆ ತಲುಪಿತು ಎಂಬುದನ್ನು ಖಚಿತಪಡಿಸಿಕೊಳ್ಳಲು ತನಿಖೆ ಆರಂಭಿಸಲಾಗಿದೆ.
ಈ ಟೆಲೆಸ್ಕೋಪ್ ಪತ್ತೆಯಿಂದಾಗಿ, ಪ್ರಮುಖ ಸರ್ಕಾರಿ ಮತ್ತು ಮಿಲಿಟರಿ ಕಚೇರಿಗಳ ಸುತ್ತಲಿನ ಪ್ರದೇಶಗಳು ಸೇರಿದಂತೆ ಜಮ್ಮುವಿನಲ್ಲಿ ಭದ್ರತೆಯನ್ನು ಹೆಚ್ಚಿಸಲು ಅಧಿಕಾರಿಗಳು ಸೂಚಿಸಿದ್ದಾರೆ.
