ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕುಸಲ್ ಮೆಂಡಿಸ್, ಸದೀರ ಸಮರವಿಕ್ರಮ ಶತಕದಾಟದಿಂದ ಲಂಕಾ ಪಾಕ್ ವಿರುದ್ಧ 344 ರನ್ಗಳ ಬೃಹತ್ ಮೊತ್ತ ಕಲೆಹಾಕಿತು.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಲಂಕಾ ಪಾಕಿಸ್ತಾನದ ಬೌಲರ್ಗಳನ್ನು ಚೆಂಡಾಡಿದರು.
ಎರಡನೇ ಓವರ್ನಲ್ಲಿ ಹಸನ್ ಅಲಿ ಕುಸಾಲ್ ಪೆರೇರಾ (0) ಅವರ ವಿಕೆಟ್ ಉರುಳಿಸಿ ಲಂಕಾಗೆ ಶಾಕ್ ನೀಡಿದರು. ಆದರೆ, ಎರಡನೇ ವಿಕೆಟ್ಗೆ ಪಾತುಮ್ ನಿಸ್ಸಾಂಕ ಮತ್ತು ಕುಸಲ್ ಮೆಂಡಿಸ್ ಶತಕದ ಜೊತೆಯಾಟವಾಡಿದರು. ಅರ್ಧಶತಕ ಗಳಿಸಿದ ನಿಸ್ಸಾಂಕ (51) ವಿಕೆಟ್ ಕೊಟ್ಟು ಪೆವಿಲಿಯನ್ಗೆ ಮರಳಿದರೆ, ನಂತರ ಬಂದ ಸದೀರ ಸಮರವಿಕ್ರಮ ಪಿಚ್ಗೆ ಹೊಂದಿಕೊಂಡಿದ್ದ ಮೆಂಡಿಸ್ 111 ರನ್ಗಳ ಪಾಲುದಾರಿಕೆ ಮಾಡಿದರು. ಕುಸಲ್ ಮೆಂಡಿಸ್ ಏಕದಿನ ಕ್ರಿಕೆಟ್ನ ತಮ್ಮ 3ನೇ ಶತಕ ದಾಖಲಿಸಿದರು. 77 ಬಾಲ್ನಲ್ಲಿ 14 ಬೌಂಡರಿ ಮತ್ತು 6 ಸಿಕ್ಸ್ನಿಂದ 122 ರನ್ ಗಳಿಸಿ ವಿಕೆಟ್ ಕೊಟ್ಟರು.
ಸಮರವಿಕ್ರಮಏಕದಿನ ಕ್ರಿಕೆಟ್ನ ಚೊಚ್ಚಲ ಶತಕ ಸಿಡಿಸಿದರು. ತಮ್ಮ ಇನ್ನಿಂಗ್ಸ್ನಲ್ಲಿ 89 ಬಾಲ್ ಆಡಿದ ಅವರು 11 ಬೌಂಡರಿ ಮತ್ತು 2 ಸಿಕ್ಸ್ನಿಂದ 108 ರನ್ ಕಲೆಹಾಕಿ ವಿಕೆಟ್ ಕೈಚೆಲ್ಲಿದರು. ನಂತರ ಚರಿತ್ ಅಸಲಂಕಾ (1), ಧನಂಜಯ ಡಿ ಸಿಲ್ವಾ (25), ದಸುನ್ ಶನಕ (12), ಮಹೇಶ್ ತೀಕ್ಷಣ (0) ಮತ್ತು ದುನಿತ್ ವೆಲ್ಲಲಾಗೆ (10) ಗಮನಾರ್ಹ ಇನ್ನಿಂಗ್ಸ್ ಕಟ್ಟಲಿಲ್ಲ. 50 ಓವರ್‌ಗಳ ಮುಕ್ತಾಯಕ್ಕೆ ಶ್ರೀಲಂಕಾ 9 ವಿಕೆಟ್ ಕಳೆದುಕೊಂಡು 344 ರನ್ ಕಲೆಹಾಕಿತು.
