ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ದೆಹಲಿಯ ನಿವಾಸಿಯೊಬ್ಬ ಹೆಚ್ಚಿನ ಆದಾಯದ ಆಕರ್ಷಣೆಗೆ ಒಳಗಾಗಿ ಹಣ ಹೂಡಿಕೆ ಮಾಡಿ ಲಕ್ಷಾಂತರ ರೂ. ಹಣ ಕಳೆದುಕೊಂಡು ಪೊಲೀಸರ ಮೊರೆ ಹೋಗಿದ್ದು, ಈ ವೇಳೆ ಈ ಪ್ರಕರಣ ಬೆಳಕಿಗೆ ಬಂದಿದೆ.
ದೆಹಲಿಯ ನಿವಾಸಿಯೊಬ್ಬ ಅರೆಕಾಲಿಕ ಉದ್ಯೋಗ ಹುಡುಕುತ್ತಿದ್ದೀರಾ ಎನ್ನುವ ಸಂದೇಶವನ್ನು ಸೋಶಿಯಲ್ ಮೀಡಿಯಾದಲ್ಲಿ ನೋಡಿದ್ದು, ನಂತರ ಈ ವ್ಯಕ್ತಿ ಉದ್ಯೋಗಕ್ಕಾಗಿ ಅವರನ್ನು ಸಂಪರ್ಕ ಮಾಡಿದ್ದಾರೆ. ನಂತರ ವಂಚಕ ಯೂಟ್ಯೂಬ್ ವಿಡಿಯೋ ಲಿಂಕ್ವೊಂದನ್ನು ಕಳಿಸಿದ್ದಾನೆ. ನಂತರ ಕೆಲವು ದಿನಗಳ ನಂತರ ವಿಐಪಿ ಡೈಲಿ ಟಾಸ್ಕ್ ಎನ್ನುವ ಸೋಶಿಯಲ್ ಮೀಡಿಯಾ ಗ್ರೂಪ್ಗೆ ಸೇರಿಸಲಾಯಿತ್ತು. ಬಳಿಕ ವಂಚಕ ದೆಹಲಿ ನಿವಾಸಿಗೆ ಬಿಟ್ಕಾಯಿನ್ ಬಗ್ಗೆ ಹೇಳಲು ಪ್ರಾರಂಭಿಸಿದ್ದಾನೆ. ಇಲ್ಲಿ ಹಣ ಹೂಡಿಕೆ ಮಾಡಿದ್ರೆ ಹೆಚ್ಚಿನ ಹಣವನ್ನು ಲಾಭವಾಗಿ ಪಡೆಯಬಹುದು ಎಂದು ನಂಬಿಸಲು ಎಲ್ಲಿಲ್ಲದ ಕಸರತ್ತು ಮಾಡಿದ್ದಾನೆ. ಕೆಲವು ಟ್ರಾನ್ಜೆಕ್ಷನ್ ಕೂಡಾ ಮಾಡಿದ್ದಾನೆ. ಇದರಿಂದ ಹೆಚ್ಚಿನ ಹಣ ಲಾಭ ಬರುವಂತೆ ಮಾಡಿದ್ದಾರೆ. ವ್ಯಕ್ತಿ ಈ ವ್ಯವಹಾರದ ನಂಬಿಕೆ ಬಂದಿದೆ. ನಂತರ ವಂಚಕ ಈತನಿಗೆ ಹಣ ಹೂಡಿಕೆ ಮಾಡುವಂತೆ ಮನವೊಲಿಸಿದ್ದಾನೆ.
ಹಣ ಹೂಡಿಕೆ ಮಾಡಿದ್ರೆ ಪ್ರತಿ ಠೇವಣಿಯನ್ನು ಕೆಲವು ಕಾರ್ಯಗಳಿಗೆ ನಿಯೋಗಿಸಲಾಗುತ್ತದೆ. ನಂತರ ಕ್ರೆಡಿಟ್ ಸ್ಕೋರ್ ಖಾತೆಯಲ್ಲಿ ಕಾಣಿಸುತ್ತಿದೆ. ಬಿಟ್ಕಾಯಿನಿಂದ ನೀವು ಅಧಿಕ ಹಣ ಗಳಿಕೆ ಮಾಡಬಹದು ಎಂದು ಕಥೆ ಕಟ್ಟಿದ್ದಾನೆ. ಇದನ್ನು ನಂಬಿದ ವ್ಯಕ್ತಿ ಒಂದು ದಿನದಲ್ಲಿ 7.5 ಲಕ್ಷ ರೂ. ಕ್ಕಿಂತಲೂ ಹೆಚ್ಚು ಮೌಲ್ಯದ ವಹಿವಾಟು ಮಾಡಿದ್ದಾನೆ. ಆದರೆ ಎಲ್ಲಾ ಹಣವನ್ನು ಕಳೆದುಕೊಂಡಿದ್ದಾನೆ. ಹಣವನ್ನು ವಾಪಸ್ ಕೊಡಿ ಎಂದು ಕೇಳಿದಾಗ ವಂಚಕರು ಮತ್ತೆ 20 ಲಕ್ಷ ರೂ. ಹೂಡಿಕೆ ಮಾಡಲು ಹೇಳಿದ್ದಾರೆ. ನಂತರ ಸಂತ್ರಸ್ತ ವ್ಯಕ್ತಿ ತನ್ನ ಹಣವನ್ನು ವಾಪಸ್ ಪಡೆಯಲು ಮತ್ತೆ ಹೆಚ್ಚಿನ ಹಣ ಹೂಡಿಕೆ ಮಾಡಿದ್ದಾನೆ. ಆದರೆ ಈತನ ಅರ್ಜಿಯನ್ನು ಪದೇ ಪದೇ ತಿರಸ್ಕರಿಸಲಾಗುತ್ತಿತ್ತು.
ವಂಚನೆಗೊಳಗಾದ ವ್ಯಕ್ತಿ ಹೀಗೆ ತನ್ನ ಹಣವನ್ನು ವಾಪಸ್ ಪಡೆಯಲು ಹೋಗಿ 3 ದಿನಗಳಲ್ಲಿ 40 ಲಕ್ಷ ರೂಪಾಯಿ ಕಳೆದುಕೊಂಡಿದ್ದಾರೆ. ತಾನೂ ವಂಚನೆಗೆ ಒಳಗಾಗಿರುವುದನ್ನು ಅರಿತ ವ್ಯಕ್ತಿ ಪೊಲೀಸ್ ಠಾಣೆಗೆ ಬಂದು ದೂರು ದಾಖಲಿಸಿದ್ದಾನೆ.
