ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಇದೇ ಮೊದಲ ಬಾರಿಗೆ ಅಡುಗೆ ಎಣ್ಣೆ ಬಳಕೆ ಮಾಡಿ ವಿಮಾನವೊಂದರ ಹಾರಾಟವಾಗಿದೆ. ಹೌದು, ವರ್ಜಿನ್ ಅಟ್ಲಾಂಟಿಕ್ ಏರ್‌ಲೈನ್ಸ್ ಸಂಸ್ಥೆಗೆ ಸೇರಿದ ಬೋಯಿಂಗ್ ಡ್ರೀಮ್ 787 ಡ್ರೀಮ್ ಲೈನರ್ ವಿಮಾನ ಶೇ.100ರಷ್ಟು ಅಡುಗೆ ಎಣ್ಣೆಯನ್ನೇ ಇಂಧನವಾಗಿ ಬಳಸಿದೆ.
ಈ ರೀತಿ ಸಂಪೂರ್ಣ ಅಡುಗೆ ಎಣ್ಣೆಯನ್ನೇ ಇಂಧನವಾಗಿ ಬಳಸಿ ಹಾರಾಟ ನಡೆಸಿದ ಮೊದಲ ವಾಣಿಜ್ಯ ವಿಮಾನ ಡ್ರೀಮ್ ಲೈನರ್ ಆಗಿದೆ.
ಲಂಡನ್‌ನ ಹೀಥ್ರೂದಿಂದ ನ್ಯೂಯಾರ್ಕ್‌ನ ಜಾನ್ ಎಫ್ ಕೆನಡಿ ಅಂತಾರಾಷ್ಟ್ರೀಯವ ವಿಮಾನ ನಿಲ್ದಾಣದವರೆಗೂ ವಿಮಾನ ಪ್ರಯಾಣಿಸಿದೆ. ಈ ವಿಮಾನದಲ್ಲಿ ಕೆಲವೇ ಸಿಬ್ಬಂದಿ ಮಾತ್ರ ಉಪಸ್ಥಿತರಿದ್ದರು. ವಿಶ್ವದಲ್ಲಿ ಅಡುಗೆ ಎಣ್ಣೆ ಬಳಸಿ ಹಾರಾಡಿದ ವಿಮಾನ ಇದೇ ಮೊದಲಾಗಿದೆ.
ಸಾಮಾನ್ಯವಾಗಿ ವಿಮಾನಗಳು ಸಂಚರಿಸಲು ಜೆಟ್ ಇಂಧನ ಅವಶ್ಯ ಆದರೆ ಇದರಿಂದ ಹೊರಬರುವ ಹೊಗೆ ವಾಯುಮಾಲೀನ್ಯಕ್ಕೆ ಕಾರಣವಾಗುತ್ತದೆ. ಇದಕ್ಕೆ ಪರ್ಯಾಯಗಳನ್ನು ಹುಡುಕುವ ಅನಿವಾರ್ಯತೆ ಎದುರಾಗಿದ್ದು, ಇದೇ ಮೊದಲ ಬಾರಿಗೆ ಅಡುಗೆ ಎಣ್ಣೆ ಬಳಕೆ ಮಾಡಿ ವಿಮಾನ ಹಾರಾಟ ಮಾಡಲಾಗಿದೆ.
