ಉತ್ತರ ಪ್ರದೇಶದಲ್ಲಿ ಒಂದೇ ಒಂದು ಕೋಮು-ಧಾರ್ಮಿಕ ಗಲಭೆಗಳು ನಡೆದಿಲ್ಲ: ಎನ್‌ಸಿಆರ್‌ಬಿ ಬಿಡುಗಡೆ ಮಾಡಿದೆ ಡೇಟಾ!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌

ಎನ್‌ಸಿಆರ್‌ಬಿ(NCRB) ಬಿಡುಗಡೆ ಮಾಡಿದ 2022ರ ಅವಧಿಯಲ್ಲಿ ಅಪರಾಧ ಪ್ರಕರಣಗಳ ಅಂಕಿಅಂಶಗಳ ಪ್ರಕಾರ, ಕಳೆದ 5 ವರ್ಷಗಳಲ್ಲಿ ಅಸ್ಸಾಂನಲ್ಲಿ (Assam) ಗಲಭೆಗಳಲ್ಲಿ ಇಳಿಮುಖವಾಗಿದೆ. ಇಲ್ಲಿ ಶೇ 80ರಷ್ಟು ಕುಸಿತ ಕಂಡಿದೆ.ಅತ್ತ ಛತ್ತೀಸ್‌ಗಢದಲ್ಲಿ ಶೇ.44ರಷ್ಟು ಜಿಗಿತ ಕಂಡುಬಂದಿದೆ.

ಇನ್ನು ದೇಶಾದ್ಯಂತ, ಕೋಮು ಗಲಭೆಗಳ ಘಟನೆಗಳು 2018 ಮತ್ತು 2022 ರ ನಡುವೆ ಶೇ34 ಇಳಿಕೆ ಕಂಡಿವೆ. ಕೋಮು ಗಲಭೆಗಳು 2021 ರಲ್ಲಿ 378 ರಿಂದ 2022 ರಲ್ಲಿ ಕೇವಲ 272 ಕ್ಕೆ ಕಡಿಮೆಯಾಗಿದೆ.

2022 ರಲ್ಲಿ ಮಧ್ಯಪ್ರದೇಶದಲ್ಲಿ 68 ಕೋಮು ಅಥವಾ ಧಾರ್ಮಿಕ ಗಲಭೆಗಳು, ಬಿಹಾರದಲ್ಲಿ 60 ಮತ್ತು ಜಾರ್ಖಂಡ್‌ನಲ್ಲಿ 46 ಘಟನೆಗಳು ನಡೆದಿವೆ. ಎನ್‌ಸಿಆರ್‌ಬಿಯ ‘ಕ್ರೈಮ್ ಇನ್ ಇಂಡಿಯಾ – 2022’ ಪ್ರಕಾರ, ಉತ್ತರ ಪ್ರದೇಶದಲ್ಲಿ ಒಂದೇ ಒಂದು ಕೋಮು ಅಥವಾ ಧಾರ್ಮಿಕ ಗಲಭೆಗಳು ನಡೆದಿಲ್ಲ.

ಕೇರಳದಲ್ಲಿ ದೇಶದಲ್ಲೇ ಅತಿ ಹೆಚ್ಚು ರಾಜಕೀಯ ಗಲಭೆಗಳು ನಡೆದಿದ್ದು, ಅಂತಹ 301 ಘಟನೆಗಳು ನಡೆದಿವೆ. ಒಡಿಶಾದಲ್ಲಿ 224 ಮತ್ತು ಮಹಾರಾಷ್ಟ್ರದಲ್ಲಿ 86 ಗಲಭೆಗಳು ನಡೆದಿವೆ.

2018 ಮತ್ತು 2022 ರ ನಡುವಿನ ಎನ್‌ಸಿಆರ್‌ಬಿ ಅಪರಾಧದ ದತ್ತಾಂಶದ ರಾಜ್ಯವಾರು ಹೋಲಿಕೆ ನೋಡಿದರೆ ಕೊಲೆ ಪ್ರಕರಣಗಳಲ್ಲಿ ಇಳಿಕೆ ಕಂಡರೆ, ರಾಜಸ್ಥಾನ ಮತ್ತು ಛತ್ತೀಸ್‌ಗಢದಲ್ಲಿ ದಾಖಲಾದ ಕೊಲೆ ಪ್ರಕರಣಗಳು ಕ್ರಮವಾಗಿ 21.6% ಮತ್ತು 10.5% ರಷ್ಟು ಏರಿಕೆ ಕಂಡಿದೆ ಎಂದು ತೋರಿಸುತ್ತದೆ. ಇದಕ್ಕೆ ವ್ಯತಿರಿಕ್ತವಾಗಿ, ಉತ್ತರ ಪ್ರದೇಶವು ಕೊಲೆ ಪ್ರಕರಣಗಳಲ್ಲಿ ಶೇ10 ಕ್ಕಿಂತ ಹೆಚ್ಚು ಇಳಿಕೆ ಕಂಡಿದೆ.

ಮಹಿಳೆಯರ ವಿರುದ್ಧದ ಅಪರಾಧಗಳ ಪ್ರಕರಣಗಳಲ್ಲಿ ಹೆಚ್ಚಿನ ಹೆಚ್ಚಳವು ರಾಜಸ್ಥಾನ (61.7%) ಮತ್ತು ತಮಿಳುನಾಡು (58.1%), ಆದರೆ ಅಸ್ಸಾಂ ಅಂತಹ ಪ್ರಕರಣಗಳಲ್ಲಿ ಸುಮಾರು 50% ರಷ್ಟು ಕುಸಿತ ಕಂಡಿದೆ.

2018 ಮತ್ತು 2022 ರ ನಡುವೆ ಭಾರತದಾದ್ಯಂತ ಅತ್ಯಾಚಾರ ಪ್ರಕರಣಗಳು 5.5% ರಷ್ಟು ಕಡಿಮೆಯಾದರೆ, ಅಸ್ಸಾಂ ಮತ್ತು ಮಧ್ಯಪ್ರದೇಶದಲ್ಲಿ ಕುಸಿತದ ಪ್ರಮಾಣವು ತುಂಬಾ ಹೆಚ್ಚಾಗಿದೆ. ಈ ಅವಧಿಯಲ್ಲಿ ಅಸ್ಸಾಂನಲ್ಲಿ ಅತ್ಯಾಚಾರ ಪ್ರಕರಣಗಳು ಶೇ 32.5 ಮತ್ತು ಮಧ್ಯಪ್ರದೇಶದಲ್ಲಿ ಶೇ 44.2ರಷ್ಟು ಕಡಿಮೆಯಾಗಿದೆ. ಘೋರ ಅತ್ಯಾಚಾರ ಪ್ರಕರಣಗಳಲ್ಲಿ ಬಿಹಾರದಲ್ಲಿ 35.3% ಹೆಚ್ಚಳ ಕಂಡುಬಂದರೆ, ತೆಲಂಗಾಣ ಮತ್ತು ರಾಜಸ್ಥಾನದಲ್ಲಿ ಕ್ರಮವಾಗಿ 34.3% ಮತ್ತು 24.5% ಹೆಚ್ಚಳವಾಗಿದೆ.