ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮಧ್ಯಪ್ರದೇಶದ ರಾಜ್‌ಗಢದಲ್ಲಿ ಬೋರ್‌ವೆಲ್‌ನಲ್ಲಿ ಸುಮಾರು ಒಂಬತ್ತು ಗಂಟೆಯಿಂದ ಸಿಲುಕಿ ಒದ್ದಾಡುತ್ತಿದ್ದ ಬಾಲಕಿಯನ್ನು ಸುರಕ್ಷಿತವಾಗಿ ಹೊರತರಲಾಗಿದೆ.
ನರಸಿಂಗಗಢ ವ್ಯಾಪ್ತಿಯ ಪಿಪಾಳ್ಯ ರಸೋಡ ಗ್ರಾಮದಲ್ಲಿ ಅಜ್ಜನೊಂದಿಗೆ ಜಮೀನಿಗೆ ತೆರಳಿದ್ದ ಬಾಲಕಿ ಮಕ್ಕಳೊಂದಿಗೆ ಆಟವಾಡುವ ವೇಳೆ 25 ಅಡಿ ಆಳದ ಬೋರ್‌ವೆಲ್‌ಗೆ ಮಾಹಿ ಬಿದ್ದಿದ್ದಾಳೆ.
ತಕ್ಷಣವೇ ಸ್ಥಳೀಯರು ಜಿಲ್ಲಾಡಳಿತಕ್ಕೆ ಮಾಹಿತಿ ನೀಡಿದ್ದು, ಜಿಲ್ಲಾಧಿಕಾರಿ, ಎನ್‌ಡಿಆರ್‌ಎಫ್ ಹಾಗೂ ಎಸ್‌ಡಿಆರ್‌ಎಫ್ ತಂಡ ಸ್ಥಳಕ್ಕೆ ಆಗಮಿಸಿದೆ. ಕಾರ್ಯಾಚರಣೆ ವೇಗವಾಗಿ ಆರಂಭಿಸಿ ಸತತ ಒಂಬತ್ತು ಗಂಟೆಗಳ ಪರಿಶ್ರಮದ ನಂತರ ಮಾಹಿಯನ್ನು ಸುರಕ್ಷಿತವಾಗಿ ಮೇಲೆ ತರಲಾಗಿದೆ.
ತಕ್ಷಣವೇ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇಡೀ ತಂಡದ ಪರಿಶ್ರಮ ಹಾಗೂ ಪೋಷಕರ, ಸ್ಥಳೀಯರ ಪ್ರಾರ್ಥನೆಯಿಂದಾಗಿ ಮಾಹಿ ಮತ್ತೊಂದು ಜನ್ಮ ಪಡೆದಿದ್ದಾಳೆ.
