ಇತ್ತೀಚೆಗೆ ರಾಜ್ಯದಲ್ಲಿ ಮಕ್ಕಳ ಕಿಡ್ನ್ಯಾಪ್ ಪ್ರಕರಣಗಳು ಹೆಚ್ಚುತ್ತಿವೆ. ಪೋಷಕರ ಏಕಮಾತ್ರ ಕರ್ತವ್ಯ ಎಂದರೆ ಮಕ್ಕಳು ನಿಮ್ಮೊಂದಿಗೆ ಇರುವಂತೆ, ಆರೋಗ್ಯವಾಗಿರುವಂತೆ ನೋಡಿಕೊಳ್ಳುವುದು. ಮಕ್ಕಳಿಗೆ ಹೊರಜಗತ್ತಿನ ಅರಿವಿಲ್ಲ. ಆದರೆ ಜಗತ್ತಿಗೆ ಅವರನ್ನು ತಯಾರಾಗುವಂತೆ ಮಾಡುವುದು ನಿಮ್ಮ ಕೆಲಸವಾಗಿದೆ. ಮಕ್ಕಳು ಕಿಡ್ನಾಪ್ ಆಗದಂತೆ ಕೆಲ ವಿಷಯಗಳನ್ನು ಮಕ್ಕಳಿಗೆ ತಿಳಿಸಿ..
ಅಪರಿಚಿತರು ಮನೆಯಿಂದ ಹೊರಗೆ ಹೋಗುವಾಗ ಅಥವಾ ಮನೆಗೆ ಬಂದಾಗ ಅವರಿಂದ ಏನನ್ನೂ ತೆಗೆದುಕೊಳ್ಳಬಾರದು ಎಂದು ಮಗುವಿಗೆ ವಿವರಿಸಿ. ಪಾಲಕರ ಅನುಮತಿ ಪಡೆದು ತಿನ್ನಬೇಕು ಎಂಬುದನ್ನು ಕಲಿಸಿ.
ಪೊಲೀಸ್ ಠಾಣೆ ಅಥವಾ ಸಾರ್ವಜನಿಕ ದೂರವಾಣಿ ಬೂತ್ ಇತ್ಯಾದಿಗಳ ಬಗ್ಗೆ ಮಗುವಿಗೆ ಮಾಹಿತಿ ನೀಡಿ. ಅವನು ಕಳೆದುಹೋದರೆ, ಸ್ಥಳದಲ್ಲಿರುವ ಭದ್ರತಾ ಸಿಬ್ಬಂದಿಯನ್ನು ಸಂಪರ್ಕಿಸಬಹುದು ಎನ್ನುವ ಬಗ್ಗೆ ಹೇಳಿಕೊಡಿ.
ಪ್ರತಿ 6 ತಿಂಗಳಿಗೊಮ್ಮೆ ಮಗುವಿನ ಪೂರ್ಣ ಗಾತ್ರದ ಫೋಟೋವನ್ನು ತೆಗೆದುಕೊಂಡು ಅದರಲ್ಲಿ ಅವನ ವಯಸ್ಸು, ಗಾತ್ರ, ವೈಶಿಷ್ಟ್ಯಗಳು, ದಿನಾಂಕ ಇತ್ಯಾದಿಗಳನ್ನು ಬರೆಯಿರಿ. ನಿಮ್ಮ ಮಗುವಿನ ಬೆರಳಚ್ಚುಗಳ ದಾಖಲೆಯನ್ನು ಸಹ ಇರಿಸಿ. ಅವರ ಬ್ಯಾಗ್ನಲ್ಲಿ ನಿಮ್ಮ ಡೀಟೇಲ್ಸ್ ಇರುವ ಕಾರ್ಡ್ ಇಡಿ.
ಒಂಟಿಯಾಗಿರುವಾಗ ಮಕ್ಕಳು ಸುಲಭವಾಗಿ ಹೆದರುತ್ತಾರೆ. ಅವನಿಗೆ ಸಾಧನ ಅಥವಾ ಗ್ಯಾಜೆಟ್ ನೀಡಿ. ಅದಕ್ಕಿಂತ ಮುಖ್ಯವಾಗಿ ನಿಮ್ಮ ಫೋನ್ ನಂಬರ್ ಅವನಿಗೆ ತಿಳಿದಿರಲಿ. ಅವರ ಶೂಗೆ ಟ್ರ್ಯಾಕರ್ ಹಾಕಬಹುದು. ಸದ್ದು ಮಾಡುವ ಸಾಧನಗಳನ್ನು ನೀಡಿ. ಮಕ್ಕಳಿಗೆ ಸೇಫ್ ಇಲ್ಲ ಎನಿಸುವ ವ್ಯಕ್ತಿ ಸಿಕ್ಕಾಗ ಅದನ್ನು ಬಳಸಿ ಸಾರ್ವಜನಿಕರನ್ನು ಅವರು ಅಲರ್ಟ್ ಮಾಡಲಿ.
ಕೋಡ್ ಪದ ನಿಮ್ಮ ಮಗುವಿಗೆ ಬಹಳ ಅನುಕೂಲಕರ ಎನ್ನಬಹುದು. ನಿಮ್ಮ ಮಗುವನ್ನು ಸಾರ್ವಜನಿಕವಾಗಿ ಸುರಕ್ಷಿತವಾಗಿಡಲು ಇದು ಉತ್ತಮ ಮಾರ್ಗವಾಗಿದೆ. ನೀವು ಕೋಡ್ ಪದವನ್ನು ರಚಿಸುತ್ತೀರಿ ಅದು ತುಂಬಾ ಕಷ್ಟಕರವಾಗಿರಬಾರದು ಅಥವಾ ತುಂಬಾ ಸಾಮಾನ್ಯವಾಗಿರಬಾರದು. ಈ ಕೋಡ್ ಪದವನ್ನು ನೆನಪಿಟ್ಟುಕೊಳ್ಳಲು ನಿಮ್ಮ ಮಗುವಿಗೆ ಹೇಳಿ. ಪರಿಚಿತ ವ್ಯಕ್ತಿಗೆ ಕೋಡ್ ಪದವನ್ನು ಹೇಳಲು ಸಾಧ್ಯವಾಗದಿದ್ದರೆ, ಮಗು ಅವನೊಂದಿಗೆ ಹೋಗಲು ನಿರಾಕರಿಸಬೇಕು ಹಾಗೆ ನೀವು ಬೆಳೆಸಬೇಕು.
ಮನೆಗೆ ಬರುವ ಜನರು ಅಥವಾ ಕಾರ್ಯಕ್ರಮಗಳಲ್ಲಿ ಸಿಗುವ ಜನರು ಮಕ್ಕಳನ್ನು ಮಾತನಾಡಿಸಲು ಮುಂದಾಗಿ, ಮಕ್ಕಳು ಅದನ್ನು ಇಷ್ಟಪಡದೇ ಹೋದರೆ ಬಿಟ್ಟುಬಿಡಿ. ಫೋರ್ಸ್ ಮಾಡಿ ಮಕ್ಕಳನ್ನು ಅವರಿಗೆ ಕೊಡುವ ಅಭ್ಯಾಸ ಬೇಡ. ಇಷ್ಟವಿಲ್ಲದಿದ್ದರೂ ಕೆಲವರ ಜೊತೆ ಹೋಗೋದು ಕಾಮನ್ ಎಂದು ಮಕ್ಕಳು ಅಂದುಕೊಳ್ಳುತ್ತಾರೆ.
ಎಲ್ಲಾದರೂ ಕಳೆದುಹೋದರೆ ತಾಯಿ ಹಾಗೂ ಮಕ್ಕಳನ್ನು ಹುಡುಕಿ ಅವರ ಜೊತೆಗೆ ನಿಲ್ಲುವಂತೆ ಹೇಳಿಕೊಡಿ. ಸಾಮಾನ್ಯವಾಗಿ ಮಕ್ಕಳ ಬಗ್ಗೆ ಚೆನ್ನಾಗಿ ತಿಳಿದುಕೊಂಡಿರುವ ತಾಯಂದಿರುವ ಎಲ್ಲ ಮಕ್ಕಳನ್ನು ಅರ್ಥಮಾಡಿಕೊಳ್ಳುತ್ತಾರೆ. ಸಹಾಯಕ್ಕೆ ಬರುತ್ತಾರೆ.
