ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಅಮೆರಿಕದ ಪಿಟ್ಸ್‌ಬರ್ಗ್ ವಿಶ್ವವಿದ್ಯಾಲಯದ ವಿದ್ಯಾರ್ಥಿನಿ, ಭಾರತೀಯ ಮೂಲದ 20 ವರ್ಷದ ಸುದೀಕ್ಷಾ ಕೊನಂಕಿ ಅವರು ಡೊಮಿನಿಕನ್ ಗಣರಾಜ್ಯದ ರೆಸಾರ್ಟ್‌ನಿಂದ ನಾಪತ್ತೆಯಾಗಿದ್ದಾರೆ.
ಸುದೀಕ್ಷಾ ಅವರು ತಮ್ಮ ಸ್ನೇಹಿತರೊಂದಿಗೆ ರಜೆಗೆ ಪ್ರವಾಸ ಹೋಗಿದ್ದರು. ಮಾರ್ಚ್ 6 ರಂದು ಪಂಟಾ ಕಾನಾದ ರೆಸಾರ್ಟ್ ಪಟ್ಟಣದ ರಿಯು ರಿಪಬ್ಲಿಕಾ ಹೋಟೆಲ್‌ನ ಬೀಚ್‌ನಲ್ಲಿ ಕೊನೆಯ ಬಾರಿಗೆ ಕಾಣಿಸಿಕೊಂಡಿದ್ದರು ಎಂದು ವರದಿಯಾಗಿದೆ.
ಡೊಮಿನಿಕನ್ ಗಣರಾಜ್ಯದಲ್ಲಿರುವ ಭಾರತೀಯ ರಾಯಭಾರ ಕಚೇರಿಯು, ಕೊನಂಕಿಯ ಪೋಷಕರೊಂದಿಗೆ ಸಂಪರ್ಕದಲ್ಲಿದ್ದು, ಹುಡುಕಾಟಕ್ಕೆ ಸಹಾಯವನ್ನು ನೀಡುವುದಾಗಿ ದೃಢಪಡಿಸಿದೆ.
ಕೊನಂಕಿ ವಾಸಿಸುವ ವರ್ಜೀನಿಯಾದ ಲೌಡೌನ್ ಕೌಂಟಿಯಲ್ಲಿರುವ ಶೆರಿಫ್ ಕಚೇರಿಯು, ಅವರು ಪಿಟ್ಸ್‌ಬರ್ಗ್ ವಿಶ್ವವಿದ್ಯಾಲಯದ ಇತರ ಐದು ಮಹಿಳಾ ಸ್ನೇಹಿತರೊಂದಿಗೆ ಬೀಚ್ ರೆಸಾರ್ಟ್‌ನಲ್ಲಿದ್ದರು ಎಂದು ತಿಳಿಸಿದೆ. ಡೊಮಿನಿಕನ್ ರಿಪಬ್ಲಿಕ್ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.
