ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಉತ್ತರ ಪ್ರದೇಶ ಮಾಜಿ ಸಿಎಂ, ಸಮಾಜವಾದಿ ಪಕ್ಷದ ನಾಯಕ ಅಖಿಲೇಶ್ ಯಾದವ್ ಮತ್ತೊಮ್ಮೆ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.
ಕನ್ನೌಜ್ ಸಂಸದರೂ ಆಗಿರುವ ಅಖಿಲೇಶ್ ಯಾದವ್, ತಮ್ಮ ಅವಧಿಯಲ್ಲಿ ಕನೌಜ್ ನಲ್ಲಿ ನಿರ್ಮಾಣ ಮಾಡಿರುವ ಸುಗಂಧ ದ್ರವ್ಯ ಪಾರ್ಕ್ ನ್ನು ಉಲ್ಲೇಖಿಸಿ, ನಮಗೆ ಸುಗಂಧ ಇಷ್ಟವಾಗುತ್ತದೆ ಅದಕ್ಕಾಗಿ ನಾವು ಸುಗಂಧ ದ್ರವ್ಯ ಪಾರ್ಕ್ ನ್ನು ನಿರ್ಮಿಸುತ್ತೇವೆ. ಆದರೆ ಬಿಜೆಪಿಯವರಿಗೆ ದುರ್ಗಂಧ ಇಷ್ಟವಾಗುತ್ತದೆ ಅದಕ್ಕಾಗಿಯೇ ಅವರು ಗೋಶಾಲೆಗಳನ್ನು ನಿರ್ಮಿಸುತ್ತಾರೆ ಎಂದು ಹೇಳುವ ಮೂಲಕ ಗೋಶಾಲೆಗಳನ್ನು ಅವಹೇಳನ ಮಾಡಿದ್ದಾರೆ.
ಕನ್ನೌಜ್‌ನ ಜನರು ಈ ಬಿಜೆಪಿಯ ದುರ್ವಾಸನೆಯನ್ನು ಸಂಪೂರ್ಣವಾಗಿ ತೆಗೆದುಹಾಕಬೇಕೆಂದು ನಾನು ಒತ್ತಾಯಿಸುತ್ತೇನೆ. ಇದನ್ನು ಸ್ವಲ್ಪ ಮಟ್ಟಿಗೆ ಕಡಿಮೆ ಮಾಡಲಾಗಿದೆ. ಆದರೆ ಮುಂದಿನ ಬಾರಿ ಅದನ್ನು ಸಂಪೂರ್ಣವಾಗಿ ತೆಗೆದುಹಾಕಿ ಇದರಿಂದ ಕನ್ನೌಜ್‌ನ ಸ್ಥಗಿತಗೊಂಡ ಅಭಿವೃದ್ಧಿ ಮುಂದುವರಿಯಬಹುದು ಎಂದು ಅಖಿಲೇಶ್ ಯಾದವ್ ಹೇಳಿದ್ದಾರೆ.
ಯಾದವ್ ಅವರ ಹೇಳಿಕೆಗಳಿಗೆ ಉಪಮುಖ್ಯಮಂತ್ರಿ ಮೌರ್ಯ ಅವರಿಂದ ತೀಕ್ಷ್ಣ ಪ್ರತಿಕ್ರಿಯೆ ನೀಡಿದ್ದು, “ರೈತನ ಮಗನಿಗೆ ಗೋಶಾಲೆಯಿಂದ ದುರ್ವಾಸನೆ ಬರುತ್ತಿದೆ ಎಂದಾದರೆ, ಆತ ತನ್ನ ಬೇರುಗಳು ಮತ್ತು ಸಮಾಜದೊಂದಿಗಿನ ಸಂಪರ್ಕವನ್ನು ಕಳೆದುಕೊಂಡಿದ್ದಾನೆ ಎಂದರ್ಥ. ರೈತನ ಮಗನಿಗೆ ಗೋಶಾಲೆ ಇಷ್ಟವಾಗದಿದ್ದರೆ, ಕ್ಷಾಮ ಅನಿವಾರ್ಯ ಎಂದು ಮುನ್ಶಿ ಪ್ರೇಮ್‌ಚಂದ್ ಒಮ್ಮೆ ಬರೆದಿದ್ದಾರೆ. ಅಖಿಲೇಶ್ ಯಾದವ್‌ಗೆ ಗೋಶಾಲೆ ದುರ್ವಾಸನೆ ಬರುತ್ತಿದ್ದರೆ, ಅವರ ಪಕ್ಷವು ಖಂಡಿತವಾಗಿಯೂ ರಾಜಕೀಯ ಅಳಿವಿನತ್ತ ಸಾಗುತ್ತಿದೆ ಎಂದು ಹೇಳಿದ್ದಾರೆ.
