ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಾಜ್ಯ ವಿಧಾನಸಭೆಗಳು ಅಂಗೀಕರಿಸಿದ ಮಸೂದೆಗಳನ್ನು ಜಾರಿಗೆ ತರಲು ರಾಜ್ಯಪಾಲರು ಮತ್ತು ರಾಷ್ಟ್ರಪತಿಗಳಿಗೆ ಗಡುವು ವಿಧಿಸಿದ ಸುಪ್ರೀಂ ಕೋರ್ಟ್‌ನ ಇತ್ತೀಚಿನ ಮಹತ್ವದ ತೀರ್ಪನ್ನು ಕೇಂದ್ರ ಸರ್ಕಾರ ಪ್ರಶ್ನಿಸುವ ಸಾಧ್ಯತೆಯಿದೆ .
ಮಸೂದೆಗಳನ್ನು ಅಂಗೀಕರಿಸಲು ಕಾರ್ಯಾಂಗಕ್ಕೆ ಗಡುವು ವಿಧಿಸಿದ ಈ ಮಹತ್ವದ ತೀರ್ಪು, ಒಂದು ರೀತಿಯಲ್ಲಿ ರಾಷ್ಟ್ರಪತಿಗಳ ಅಧಿಕಾರವನ್ನು ಮೊಟಕುಗೊಳಿಸಿದೆ. ಸುಪ್ರೀಂ ಕೋರ್ಟ್ ರಾಜ್ಯಪಾಲರು ಉಲ್ಲೇಖಿಸುವ ಮಸೂದೆಗಳ ಕುರಿತು ರಾಷ್ಟ್ರಪತಿಗಳಿಗೆ ಮೂರು ತಿಂಗಳ ಗಡುವನ್ನು ನಿಗದಿಪಡಿಸಿತ್ತು.
ಆದಾಗ್ಯೂ, ಪರಿಶೀಲನಾ ಅರ್ಜಿಯಲ್ಲಿ ಏನನ್ನು ಪ್ರಶ್ನಿಸಲಾಗುವುದು ಎಂಬುದು ಸ್ಪಷ್ಟವಾಗಿಲ್ಲ. ಕೇಂದ್ರವು ನಿಗದಿಪಡಿಸಿದ ಗಡುವನ್ನು ಮರುಪರಿಶೀಲಿಸುವಂತೆ ಕೋರುತ್ತದೆಯೇ ಅಥವಾ ರಾಷ್ಟ್ರಪತಿಗಳ ಸಂಪೂರ್ಣ ವೀಟೋವನ್ನು ರದ್ದುಗೊಳಿಸುವಂತೆ ಕೋರುತ್ತದೆಯೇ ಎಂಬುವುದು ತಿಳಿದುಬಂದಿಲ್ಲ.
