ರವೆ ದೋಸೆ ಎಲ್ಲರ ಮನೆಗಳಲ್ಲಿ ಪ್ರಸಿದ್ಧವಾದ, ಸುಲಭವಾಗಿ ತಯಾರಿಸಬಹುದಾದ ಹಾಗೂ ರುಚಿಕರವಾದ ಉಪಾಹಾರವಾಗಿದೆ. ಈ ದೋಸೆಗಾಗಿ ನೆನೆಸುವ ಅವಶ್ಯಕತೆ ಇಲ್ಲ. ತಕ್ಷಣ ಬೇಕಾದಾಗ ತಯಾರಿಸಬಹುದಾದ ಅತ್ಯುತ್ತಮ ತಿಂಡಿಯಾಗಿದೆ.
ಬೇಕಾಗುವ ಸಾಮಗ್ರಿಗಳು:
ರವೆ (ಸೂಜಿ) – 1 ಕಪ್
ಅಕ್ಕಿ ಹಿಟ್ಟು – ½ ಕಪ್
ಗೋಧಿ ಹಿಟ್ಟು – ¼ ಕಪ್ (ಐಚ್ಛಿಕ)
ಹಸಿಮೆಣಸು – 1 ಅಥವಾ 2 (ಚಿಕ್ಕದಾಗಿ ಕತ್ತರಿಸಿ)
ಈರುಳ್ಳಿ – 1 (ಸಣ್ಣಗೆ ಕತ್ತರಿಸಿ)
ಕೊತ್ತಂಬರಿ ಸೊಪ್ಪು – 2 ಟೇಬಲ್ ಸ್ಪೂನ್
ಜೀರಿಗೆ – ½ ಟೀ ಸ್ಪೂನ್
ಕರಿಬೇವು – ಸ್ವಲ್ಪ
ಉಪ್ಪು – ರುಚಿಗೆ ತಕ್ಕಷ್ಟು
ನೀರು – ಬೇಕಾದಷ್ಟು
ಎಣ್ಣೆ – ದೋಸೆ ಹಾಕಲು
ತಯಾರಿಸುವ ವಿಧಾನ:
ಒಂದು ಬಟ್ಟಲಿನಲ್ಲಿ ರವೆ, ಅಕ್ಕಿ ಹಿಟ್ಟು, ಗೋಧಿ ಹಿಟ್ಟು ಸೇರಿಸಿ. ನಂತರ ಇದಕ್ಕೆ ಈರುಳ್ಳಿ, ಹಸಿಮೆಣಸು, ಕೊತ್ತಂಬರಿ ಸೊಪ್ಪು, ಜೀರಿಗೆ, ಕರಿಬೇವು ಮತ್ತು ಉಪ್ಪು ಹಾಕಿ. ಬೇಕಾದಷ್ಟು ನೀರು ಹಾಕಿ, ದೋಸೆ ಹಿಟ್ಟು ತೆಳ್ಳಗೆ ಇರಲಿ. ಈ ಮಿಶ್ರಣವನ್ನು ಕನಿಷ್ಠ 10–15 ನಿಮಿಷ ಹಾಗೆ ಬಿಡಿ.
ಈಗ ತವೆಗೆ ಎಣ್ಣೆ ಹಚ್ಚಿ ತೆಳ್ಳಗೆ ನೀರು ದೋಸೆಯಂತೆ ಹಾಕಿ. ಎರಡು ಬದಿ ಚೆನ್ನಾಗಿ ಬೇಯಿಸಿದರೆ ಬಿಸಿ ಬಿಸಿ ರವೆ ದೋಸೆ ರೆಡಿ.
